سيدات ليبيا الحبيبات ..تفضلووو

[هدية الخالق]

هيا بسليمتكم منمشي نصب المقطع تو قريب يجو
وعلي فكره راجلي مخلي تليفونه زعما نفتشه هههههه لكن المشكله كملت التقطيع وغسلت ايديا معاش فيها كيف هههههه
نبصر راهو هههه مستحيل نفتش وراء حبيبي واثقة فيه ثقة عمياء والحمد لله هو قد الثقة وبشهادة الجميع واولهم أصحابه لما بيتكلمو علي بناويت والا حاجة برات الطريييييق يقعدوا يتهامسو ويقولو اسسسسسسس الشيخ فلان معانا علي راجلي قصدهم طبعا
مسميينه شيخ علي خاطر جوه مش زي جوهم وما عنداش عالدواوي الفاضيه
وحتي النساوين اللي يشوفو فيه كيف يقولولي يا سعدودك النوعيه اللي زي راجلك انقرضت
ماشاء الله ماشاء الله راني نعيط عليه ونعينه ههههه

[sosolibya]

صبااااااااااح الخير..

كيف حالكم , تسلمولي غوالي بارك الله فيكن..

كيف حالكم كلكم..

الخميس كان بيان حماتي ولهذا أنشغلت شوية عليكم ,,

[sosolibya]

ربي يحفظ شيخك هدهد ويخليه ليك,,

وصحة صحة المقطع مممممممممممم يسهف جاري وفايح ممممممم


صار على قولتي فالح ههههههههه..

جوووووو مش عادي ههههه

أنا غداي رز مبوخ بإذن الله ,, ممممممممم والله فاااااااايح ماهو مرقة ولحمة وجو صنته تهبببببببببل ههههههههههه


بناااااااااات زوجي بيسافر قلبي سيتقطع هههههههه عنده مشية للأردن ومانقدروش نمشو عاه لأنه عالسريع ووراه قرايته مايبيش يعطل..

خسارة وجعتني خاطري نطلع,,

[sosolibya]

سؤال؟؟؟؟


أنا دورتي الماضية 13-4-2014

وبعدها بخمس أيام تقريب بعد ماخلصت يعني كانت أيام التبويض صح ,,, تمام ,,

السؤال ,,

اليوم الصبح جتني نغزات قويييييييييييية جدا ومؤلمة للغاية من الجهة اليمنى ,,

ياترى ماهذه النغزات ؟؟

علما أن الدورة القادة باقي عليها 9 أيام

وأنا ألأن تقريبا 23 من يوم الورة


معقولة أنا ألأن في أيام التبويض ,, لا أتوقع ..

[sosolibya]

ويييييييينكم ههههه

اليوم البنات بيتلاقو في شراك الليم وبيديرو مقطع وجووووو على الحطب ,,

بس أنا عندي جامع..

[هدية الخالق]

السلام عليكم مساء الخير عليكم كيف حالكم اليوم
طبعا اليوم نشاط نايضه من السبعه ونص والسبب سومااااااا تعلمتها عادة قداش ليها تنوض بكري حتي لو رقدت متأخر
هذا من غير نوضان الليل كل شويه تنوض تعيط
المهم اليوم عطلة وقلت منخليها لبوها ومنولي نرقد بما إنه ينوض بكري ينوض ما عنداش مشكله لكن طلعت تبي تغيير حفاظ نضتلها غصبا عني وطار النوم وكنت عاجنه فطيرة من امبارح نضت طيبتها وفطرنا وغسلت الماعين وضميت الحوسه وقعمزت وقاعدة الساعة عشرة واو مش مصدقة محلأه النوضان بكري لكن هاتي واحد يقدر ينوض بكري ديمااا

[هدية الخالق]

هلا سوسو كيف حالكم
مبروك علي حماتك وصحة الرز الفايح اممممممم هههههه يعجب فيا اسلوبك لما توصفي في أالاكل تسفهي فيا امممم هههههه
خسارة وجعتني السفره باهي ما تقدريش تخلي الصغار لامك وتلصقي معاه فررررررررررررصة تغيري جو وتتهيأ نفسيتك للحمل والا تحملي علي هوا الاردن هههههه زي جارتي الاردنيه زمان قاتلي حملتي هنا والا في ليبيا قلتلها حملت هنا قاتلي صار علي هوا كندا حملتي ههههههه
وبالنسبه لسوالك والله ما عندي باش نفيدك ممكن تبويض متأخر
ربي يسهلك إن شاء الله

[هدية الخالق]

هيا سلام توا منوتي روحي منطلعو بعذ شويه غير يكمل راجلي مكالمه مع أهله يكلم فيهم عالسكايب

[sosolibya]

السلام عليكم ورحمة الله وبركاته ..

كيف حالك هدهودة وإن شاء الله تستمتعوا في الطلعة ..

لا ياهدهد مانقدرش نمشي ونخليهم ,, لأننا أصلا نبوا نمشوا مع بعضنا ومدايرينها في بالنا وحتى واعدنا بيها زوجي..

ولهذا نصبروا شوية أحسن مانهلكوا على رواحنا..

[sosolibya]

خيركم مهناك حد حتى أنا بنسكر سلامتكم..