تجمع الحوامل الي بيولدون في شهر ذو القعده ^_^

ام جنى2009 · 09-24-2011, 12:04 PM

صباح الخير ياحلوات كيفكم ان شاالله كويسين؟يعطيكي العافية كوينات والله يعطيكي ماتتمني بس أنا ماراح أسوي اشي خلص صارعندي اكتئاب ومتى محب يطلع حياه الله والله يسهل عليناجميعا

ماما زوزو · 09-24-2011, 03:10 PM

اقتباس:

المشاركة الأصلية كتبت بواسطة ام جنى2009

صباح الخير ياحلوات كيفكم ان شاالله كويسين؟يعطيكي العافية كوينات والله يعطيكي ماتتمني بس أنا ماراح أسوي اشي خلص صارعندي اكتئاب ومتى محب يطلع حياه الله والله يسهل عليناجميعا

صباح النور والسرور
يا حبيبتي لاتتعبين حالج بالتفكير وبعد لاتقولين للي حواليكي انج فاتح الرحم ويجيج طلق لانهم حيتعبولج نفسيتج بالاسئلة

كل من يسألك قوليلة لسه مافي شي وربي لما يكتبلة يطلع حيطلع انشالله
وربي يسهل عليج وتولدين ولادة سهلة
والله حاسة فيج
انا كلما حد جاب سيرة الولادة يجيني اكتئاب وأسئلة الناس ما تخلص اللي يقول شكلج حتولدي بكرة من التعب اللي فيج واللي تقول بطنج كبيرة وكيف متحملة الثقل واللي تقوللج لسة ماولددددددددتي معقووووولة
وتعالي هاتي ردود لكل وحدة حسب سؤالها
انا صرت اقولهم اني مو مستعجلة ومتى ماربي كاتبلي وكاتب لجنيني الولادة رح تصير
ربي يعيننا كلنا

جمره غضى · 09-24-2011, 12:34 PM

بنات ساعدوني الله يوفقكم
من قبل امس والجنين يتحجججججر في بطني يصير كنه كوره ..
وصارت الحركه قلييييله مررره ...
وكمان الضغط على المثانه يوووووجع واحسه زاااااد

الحين معي الم في الظهر والم بالبطن بسييييط يروح ويرجع بين فترات ...

طمنوني هذا التحجر وشو ...؟؟

ماما زوزو · 09-24-2011, 02:47 PM

جمورة انا من لما رجعت من الدكتورة يوم الاربعاء وعندي نفس حالتج حتى احس انه بطني بتنشق لما يتكور ويتحجر والحرقة قلت عندي
بس ماطولت يوم واحد وماصار يتكور كثير زي اول وحركتة زادت شوية بس بعدها قليلة
بس يمكن لانه الجنين كبر وصارت البطن ضيقة عليه فلما يتكور يحاول يوسع المكان
وبالنسبة للحركة احسبي اذا اكثر من 10 حركات يعني طبيعي واذا اقل لااااااااازم تروحين المستشفى
ربي يسهل علينا كلنا

ام جنى2009 · 09-24-2011, 02:59 PM

تطمني جمرة طبيعي وبالنسبةللمغص ووجع الظهر إذاحسيتي كل مالويزيد احسبي بين كل مغصةوالثانية وإذالقيتي المدةمتساوية والآلام كل مالهاتزيدوتتقارب يعني هذاطلق والله يقومك بالسلامة

حاملة قيمي · 09-24-2011, 05:13 PM

يسعد قلوبكم بالعافية
ام فارس.. جمرة ..ريم.. امواج..ماما زوزو
الشر ما يجيكم وربي لا يوريكم مكروه ويبارك لكمفيما رزقكم
ويلهمكم الولادة الميسرررررررررررررررررب وجميع الكروشات

ام جيان · 09-24-2011, 05:14 PM

شلونكم كروشات
رجعت بعد غيبة كذا يوم
اشتقتلكم والله

ام جيان · 09-24-2011, 05:52 PM

عادي الحين الجنين وزنه كيلويين ولا لا
اخاف اولد وهي كذا طمنوني

الصمت عشقي · 09-24-2011, 06:20 PM

ام جيان
ان شاء الله الخوات يفيدونك
<< بكرية وماعندها خبره

حامله قيمي
ماتشوفي شر عنوني
وربي يشفيك ان شاء الله

ماما زوزو
تصدقي انا اولد يانهاية ذو القعده او بداية ذو الحجه
بس اذا احد سالني اقول لهم اولد نهاية ذو الحجه او بمحرم
عشان مايصدعو راسي
وخصوصا انو في العايلة وحده حامل معي بس بطنها اكبر من بطني
واذا قلت لهم الصج بيقارنو بين بطني وبطنها
وانا مااحب احد يقارن
>> اخاف من العين

ربي يسهل علينا
وان شاء الله نولد بالسلامه
ونفرح بشوفة اطفالنا واهو بأحضاننا وباتم صحه وسلامه

ورد القلوب · 09-24-2011, 06:53 PM

مرااااااااااحب كروشات

ام جيان اتوقع عادي لان الماما تجيبنا انا واخواني كيلوين

حاملة قيمي .. كنت احاتيج اقول يمكن اولدت

ما تشوفين شر الله يعينك تعب الانفلونزا و تعب الولادة

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
تجمع ......... الحوامل ............ (( البكريات ))	دلوعة فوفو حبيبي	إستفسارات حوامل من الشهر السابع إلى الشهر التاسع	4430	01-02-2012 11:34 AM
تجمع الحوامل اللي بيولدون شهر شوال 1432ه	ميرندا فراولة	إستفسارات مرحلة الولادة	10233	12-31-2011 05:18 AM
تجمع الحوامل	نعومه	إستفسارات حوامل من الشهر السابع إلى الشهر التاسع	312	12-16-2011 10:23 PM
تجمع الكروشات اللي موعد ولادتهم شهر * رمضآآن * 1432	ابغى نونو بحضني	إستفسارات مرحلة الولادة	42975	09-01-2011 06:36 AM
تجمع ......... الحوامل ............ (( البكريات ))	دلوعة فوفو حبيبي	إستفسارات حوامل من الشهر السابع إلى الشهر التاسع	2	10-31-2010 07:38 PM