هنا تجمع حوامل الشهر (الاول والثاني والثالث)

أم الخير · 03-14-2010, 11:21 AM

السلام عليكم

أنا كل الوقت حاسة نفسي نعسسسسانة و جسمي تعبان.

لكن ما اشتهي اي شيء.زوجي يسأل طول الوقت نفسك في اي شيء.اقول له لا لا لا شيء.

بس عايزة أنــــــــــــــــــــــام.

ماريا · 03-14-2010, 12:28 PM

هلا حوامل
اليوم نزل علي دم :(
البارحه حسيت بنغزات باسفل ظهري واليوم نزل الدم شسوي
ادعوا لي ربي يثبت حملي من غير شر يارب يااارب يارب
احس خايفه يابنات والله

ام توتو · 03-14-2010, 02:39 PM

اسلام عليكم انا ام توتو انا في اشهر ونص وقلقاته شوي علشان في رمضان اجهضة وخايفه على الجنين انا الحين اخذت مثبتات ولين الحين استخدمها لمدة ثلاثة شهور ادعولي انشاء الله يتمملي على خير

نهروان · 03-15-2010, 12:11 PM

اقتباس:

المشاركة الأصلية كتبت بواسطة ام توتو

اسلام عليكم انا ام توتو انا في اشهر ونص وقلقاته شوي علشان في رمضان اجهضة وخايفه على الجنين انا الحين اخذت مثبتات ولين الحين استخدمها لمدة ثلاثة شهور ادعولي انشاء الله يتمملي على خير

حبيتي انا مثلك تمام اجهضت في رمضان
والحين حامل واخذت مثبتات والحين بالشهر الثالث
والله يتمم لي ولك والجميع الحمل على خير
والله يسهل عليكم

^شموخ إنسانه^ · 03-15-2010, 04:17 PM

السلام عليكم ورحمة الله وبركاااااته
كيفكم حوامل انشاء الله بخير
حبيت انضم لكم انا حامل بالشهر الأول يادوب 3 اسابيع بالضبط
وتاركه المانع من 7 شهور ومعاي 3 اطفال اصغرهم 3 سنوات الله يتمم علي وعليكم
والوحم مابين لاالحين الله يعين لكن معي الآلآم بأسفل بطني ورحت للدكتورة وتقول عادي واهم شي الر احة وتقليل الجماع
هذا ماعندي باختصاااااااااااااار

الكادي · 03-15-2010, 07:59 PM

السلا عليكم شخباركم بنات انا كانه الوحم خف عني شوي انا حامل بسته اسابيع و6 ايام ابغى شريط حمل لو سمحتو باقيلي اسبوع ويوم وادخل الثالث وعندي اقتراح ايش رايكم نسوي جروب انا بسويه واللي ودها تنضم ترسلي ايميلها على الخاص

ماريا · 03-14-2010, 08:56 PM

هلا ام توتو
انا زيك اخذ مثبتات وخايفه
يارب يستر ويتمم لي بخير

انحناء السنبلة · 03-14-2010, 09:40 PM

السلام عليكم

اخباركم يا حوامل

انا حامل في بداية الشهر الثالث

بس احس حملي هذا غير حملي الاول

بصراحه احس اني ظول الوقت مكتئبة وبدي ابكي من كثر مانا كارهه نفسي

نفسيتي تعبانه مرررره ونفسي اتخلص من هالشعور بس غصب عني

وهذا الاحساس ما جاني في حملي اللي قبل

الحمل الاول كان اعراض الاوحام شديدة بس النفسية الحمدلله مب مثل الحين

ومشكورة اختي لطرحك الموضوع عشان البنات يفضفضو

نور من نور · 03-15-2010, 08:31 PM

السلام عليكم ورحمة الله
كيفكم ياحوامل الله يثبت حملكم وحملي ويتمم لنا جميعا بخير
انا توي دخلت الاسبوع السادس ولاني اجهضت قبل تسعه اشهر
اخذ الحين حبوب تثبيت ادعو لي لانه يجيني مغص وخصوصا لما اقوم من النوم يجيني احيانا الم قوي زي الم الدورة مادري ده طبيعي؟؟؟
موعدي مع الدكتورة يوم السبت ان شاء الله
والله يسهل امور الجميع

"دلوعة حبيبي" · 03-15-2010, 09:17 PM

مرحباااا ..
كيفكم ؟؟؟
الورده اللطيفه الف شكر لك حبيبتي يعطيك الف عافيه ..ماقصرتي والله يجزاك الف خير ..
انا اليوم رحت اول موعد لمتابعة الحمل في البروكير عند الدكتوره ناديه ..
قالت لي موعد الولاده باذن الله راح يكون 17 نوفمبر
وقالت لي اني بالاسبوع الرابع وخمس ايام
وطلبت علي بعض التحاليل نشفوا دمي والله خذوا 4 عينات دم
الا بغيت اسال في حد منكم يتابع في البروكير؟؟
ومع مين ؟؟