دردشة بنات ليبيا , دردشة حوامل ليبيا , تجمع بنات ليبيا

[ام قصى محمد]

البنات بخير
بكرا مش رح نمشى للمرسه
لانى بكرا مناقشه بحث سلفى وخطيبته
راح نمشو لجامعه حتى راجلى خذا اذن من الشغل
فايزه تمشى للحضانه وجنى تحطها عند اختى تسكن قريب منى

[أم سعد]

أم قصي ... أهلا بيك وياااااااااااااااااااااااااااااااااارب تفرحي بالحمل عاجلا غير آجل .. ياااااااااااااااااااااااارب ... دعوة يعلم الله أنها من القلب

زهرة ... أهلا بيك كيف حالك؟؟

[ام قصى محمد]

زهره مرحبتين بيك
الله يبارك فيك ام سعد كيف حالك وحال بنوتنا الحلوه
ان شاء الله شطوره ومش متعبتك

[أم سعد]

تعرفو يابنات أنا متفركسة هلللللللللللللللللللللللللللبه

وحااااااااااااايرة ومش عارفه كيف بندير

طبعا أنا جيابي هذا يعتبر أول مناسبة ليا ... لأن ولدي جي قبل الأحداث مباشرة ومالحقتش درت شي ... وفي ولدي طلعت عند أهلي لأن حوشي كان قاعد ماكمل

بس توا أنا ساكنة في حوشي ... ونكمل فيه ونبي نجهز نفسي لأن احتمال كبير بنجيب يوم الخميس الجاي .. غدوة نتأكد من الدكتورة ... ومش قادرة نضم حوشي ونستقر لأن:

1- مازال عندي خدمة داخل الحوش ... تركيب ستائر وتعرفو لازم حفر والحفر معناها غبرة والغبرة معناها مادرت شي ..

2- تغيير بساط دار النوم ... الدار كلها بتطلع وترجع يعني ضمان من جديد

3- وهذا أهم نقطة نخدمو في رخام للدروج ... وكل التراب عندي داخل الحوش


هذه الحاجات الأساسية ... ومازال التفتف الرقيق ... والوقت خلاااااص ... جتى شنطتي ماجهزتها .. والمشكلة اني مرزنة هلبه والحركة بالهون ... ومافي من يعاون ... وراجلي مش مقتنع بالشغالات ... شنو الحل ماعرفتش ... نحس في روحي حااااايسة في عمري

[sosolibya]

انشاء الله ربى يناوللك يللى فى باللك
يا ام قصى
انتى كم ليك توا بعد الاجهاض

[sosolibya]

ام قصى وام سعد ارجوكم ردوا على مشكلتى اسفة ام سعد انا عارفة ان يللى فيك مكفيك بس ساعدونى

[ام قصى محمد]

اسمعى حبيبتى ربى يعاونك
بالنسبه للحفر
حطى المكنسه الكهربائيه تحت الحفر على طول
تعرفى تشفط الغبار وما تحوس دنيتك
بالنسبه لدار نومك اكيد رح يجيب من يساعده فى تطليع الغرفه وردها فانتى احرصى على انه لما يرفع الغرفه تنظفيها على طول واحمليها حتى تسهل ولادتك الله غالب
ويفرجها عليك
اما الى فى الدروج تحايلى عليه ياجر واحد من العمال ينظف الدروج

[ليبياقلبي]

مساء الخيرات

[ام قصى محمد]

سوسو خير وين المشكله

[أم سعد]

سوسو .. عندي اقتراح انتو احجزو قبل الفرح بيومين لو راجلك كمل شغله أوك ولو ماكمل روحي بروحك على الأقل معناها ماخليتيشي فترة طويلة بروحه قبل العرس ويقولو مستعجلة على المرواح وفي نفس الوقت تحضري عرس خالتك ...