الوقت المناسب لاعلان الحمل.. متى اعلنتي انك حامل؟؟

[شـوآخـي]

بالعكس يالغاليه

حصني نفسج واذا حد سالج قولي له انج حامل عادي

عشان ربي يبارك لج فيه ويبعد عنج العين

وقولي لهم توج في الشهر الاول لاتقولين لهم متى تولدين بالضبط
واي شهر بالضبط

قولي لهم تاخرت علي الدوره وباقي ماسويت سونار بس طلع حمل

وخليها على ربج

انا اول حمل لي كلهم عرفوا في الشهر الثاني لاني حللت وطلع حمل يوم تاخرت على الدوره كثير
بس الاهل واي حد يسال يقولون له حامل في بداية حملها وربي بارك لي حملي وجبت 4 ورى بعض وكل حمل اقولهم اني حامل عادي

وهذا الحمل اول ماتاخرت الدوره بشرت امي وام زوجي وصديقاتي لاني طولت 7 سنوات اهملت نفسي في الحمل
فكرت اربي عيالي والفتره هذي الطويله سوت لي ضعف مبايض

بس نصيحه مني لج خليج على النيه وقولي للكل بس حصني نفسج وتوكلي على الله

لان لو شافوا بطنج كبير بعد فتره بيزعلون ويمكن حد يصكج عين لان حملتي ماقلت لحد

عشان جي قولي لهم عشان تحسين بفرحة الحمل يالغاليه

والله يتمم لج على خير يارب

[غفوره]

انا قلت لماما اول ماعرفت كنت ب ٣ اسابيع ،، وجوزي من فرحتو قال ل امو وقالي لاتقولي لاحد مررررره نبهي على امك لاتقول لاحد .. هههه وطلعت امه قايله لخالاته كلللللهم لما رحتلهم كلهم مبروك وانتي حامل وانا مقهوره انا يقلي نبهي على اهلك وهوا امه بلغت بدالي .. قهر حلو انك تقولي بنفسك ..

المهم ياعسل خليها على الله واتوكلي على الله واقري ع نفسك دايمن ..

[بسمة بلبل]

اولا الف الف مبروك اختي

{يارحيم} فرحتلك من كل قلبي كنت متابعتك في اطفال الانابيب الاولى وماحملتي وبعدها انقطعت عن المنتدى والان رجعت وقريت موضوعك الله يتتم لك على خير يارب

بالنسبه ليا قلت لامي واخواتي وام زوجي بعد تحليل الحمل على طول ماقدرت اخبي وهم كتومات ماقالوا لأحد وفي الشهر الثاني قلت لأخوات زوجي وفي الشهر الرابع قلت لحريم اخواني والآن دخلت الخامس وماقلت لباقي القرايب ولا جاراتي مو لازم يعرفوا خليهم يتفاجئوا ببطني لما تكبر اكثر

[يارحيم]

جميل.. ننتظر مزيد من الاراء..

[جنان الورد]

اني حملت بعد 5 سنين من زواجي
طبعا الكل درى اني حامل ب5 اسابيع بس انتشر الخبر جاني نزيف
تدري كيف الناس يشهقوا كانهم متوقعين ان عمري مابحمل يادافع البلى
وعاد لو تشوفوا صار حملي حديث الساعة استغفر الله
كل مايشوفوني اهل زوجي لو اللي اعرفهم ماحملوا كل اسئلتهم كيف حملتي وفي وين تعالجتي
فاتحين معي ملف تحقيق واستجواب
وحتى مافتح الوتساب الا اسئلتهم وش اخبارش مع الحمل وايش امسويه استغفر الله
بس وصلت الشهر الخامس نزل كيس الماي والجنين توفى
وهدا حملي الثاني طبعا لي اليوم شهرين واسبوع من حملي طبعا ماخبرت احد الا امي وخواتي
وداهو حملي يمر وامان واني مرتاحة وماهمني الناس لو دروا يزعلوا لو مايزعلوا
على الاقل مرتاحة من التحقيق وكثرة الاسئله
ونفسي ماحد يعرف الا ادا ولدت على خير واللي بحبنا بيفرح لنا مو بيزعل
واللي بيزعل عاد بكيفه معناته منقهر انه مادرى
هدة وجهة نطري استنتجتها من بعد معاناة والالم اللي شفته بحياتي

[حرم السيد المحترم]

انا مادريت الا بعد شهر ونص من حملي وخبرت اهلي واهل زوجي وصديقاتي .. ولا طلع الخبر الا بعد الرابع ومو للكل

وانا مو هامني خل يدرون اللي كاتبه ربي بيصير

[يارحيم]

موت الجنين بالشهر الخامس مارح يكون بسبب العين.. لو بيعطونك عين بتجيك على طول مارح تنتظر للخامس.. هذي كتبة ربي والحمدلله على كل حال.. واذا انتي تحسين براحه اكثر انك ما تعلمين احد هذا حقك ومحد له حق يزعل واللي يزعل يطق راسه بالجدار هههههه

انا عمري ما زعلت من احد لان اخفاء الامور حريه شخصيه مالي حق اعاتب عليها.. لكن اذا انا من النوع اللي اخفي الامور المفروض ما انشب للناس وانشر اخبارهم وبس (اعلق على بعض النوعيات في المجتمع مو قصدي احد هنا بالمنتدى ابدا)..

ومشكورييين على ارااائكم.. انا حاليا ماقدرت انتظر لموعد السونار للاسف.. ضعفت وعلمت امي.. وام زوجي بقولها الاسبوع الجاي بعد السونار والبقيه كلهم في نهاية شهري الثالث باذن الرحمن.. واللي كاتبه ربي بيصير.. وانا راضيه بكل ما يجيني من رب العالمين..

[نونااااااااااا]

سلام ياحلوات
انا الحين حامل ببداية الثالث الله يتمم لي ولكم على خير
ويرزق كل محرومة يارب
بصراحه من اول ماحللت وعرفت اني حامل اتصلت ع الماما وزوجي اتصل على امه
وامي ماجاء اسبوع إلا والخبر عند اغلب قرايبنا الله يسعدها ويخليها لي يارب
واستودعنا الله الذي لاتضيع ودائعه الله يحفظ لنا نوانينا
ويجعل حملنا سليم تام معافا وبعيد عن كل الأخطار
آميــــــــــــــــــــــــن

[maesooo]

انا في حملي الاول دريت اني حامل في الثاني بس سويت التحليلي في المستشفي وطلعنا زوجي دق علي امه وقال لها وخواته كانوا متجمعين عندها وقلت لامي ودق علي ولد خالي صديقه المقرب وقال له وولد خالي قال لامه واهي تقرب لنا وانتشرت السالفه هههههههه بس كان عادي وطبعا قلت متي موعد ولادتي الحقيقي لاني كنت لسه ما اعرف اخبي بس ماحد قعد يسال ما ولدتي لاني ولدت قبل موعدي بشهر خخخخخخخخخ
هالمره قلت لامي وام زوجي بنتظر بكره اسوي السونار واقول لها

[ملاذ 7]

نصيحة اخت لاتقولين لين تدخلين الرابع
بحملي الاول حملت واول ماحللت خبرت امي وخواتي
طبعا حريم اخواني عرفوا
وانتشر الموضوع
وحمولتي كمان عرفوا
مااخذت اسبوع الا والجنين طاح
صح سافرت لكن حتى الكلام ماله داعي
نصيحة لو سألك احد قولي متأخره الدورة والله يكتب الخير
واللي عند الله قريب
تعلمي الاجابات الديمقراطية ههههههه
تتوهين الشخص
تعلمت هالحركة من حريم اخواني