رحلتي الجميله لمدينة بون- المانيا 2012

[عيون زوجي]

اسفه جدا لطريقه عرض الصورتين الكبار توقعتي نفسي عدلتهم بس الله غالب التركيز راح

[عيون زوجي]

خط الانترنت ضعيف عندي اليوم ومتعبني جدا وحتى حكاية تنزيل الصور بطيئة وممله مش عارفه لو كنت في ليبيا راني حطيت العله في بلادي واني في المانيا والخط زي الزفت حاشاكم

[ღॐ آية ღॐ]

مشاء الله عيون ابداع في التقاط الصور والتعبير
حسستيني كاني في الصورة عايشتها ترجعي بسلامة
وان شاء الله رحلة
موفقة وربي يوفق اولادك واولادي حفظ القران الكريم
اللهم امين

[عيون زوجي]

المشاركة الأصلية كتبت بواسطة ღॐ آية ღॐ

مشاء الله عيون ابداع في التقاط الصور والتعبير
حسستيني كاني في الصورة عايشتها ترجعي بسلامة
وان شاء الله رحلة
موفقة وربي يوفق اولادك واولادي حفظ القران الكريم
اللهم امين

بارك الله فيك وصحيتي ويارب يرزقك حجه وعمرة وتسافري لكل العالم وتشوفي صغارك وصغاري من حفظة كتاب الله ونتلاقوا في الخيررر

[ليبياقلبي]

يهبلوا الصور ومن الاخير يهبلوا وربي يحفظللك سنافرك ويجعلهم من حفظة كتاب الله

[عيون زوجي]

المشاركة الأصلية كتبت بواسطة ليبياقلبي

يهبلوا الصور ومن الاخير يهبلوا وربي يحفظللك سنافرك ويجعلهم من حفظة كتاب الله

الله يسلمك يا غاليه وتشوفي ناريز من حفظة كتاب الله يارب وتشوفيها عروسه وانتي يلي تهبلي يا حلوة

[ام روفيدة]

ماشاء الله تبارك الله عليك يا عيون ويارب السفرة الجاية اتكون حجة أو عمرة وتصوريلنا مكة والمدينة اااااااااااااااااااه اللهم ارزقنا صلاة فيهما اللهم ااااااااامين وأسأل الله العظيم رب العرش العظيم أن يجعل أولادي وأولادك من حفظة كتاب الله ومن العاملين به ويهديهم إلى المنهج السلفي الصحيح ويتوفاهم على الكتاب والسنة اللهم اااااااااااااااااااااامين

[عيون زوجي]

المشاركة الأصلية كتبت بواسطة ام روفيدة

ماشاء الله تبارك الله عليك يا عيون ويارب السفرة الجاية اتكون حجة أو عمرة وتصوريلنا مكة والمدينة اااااااااااااااااااه اللهم ارزقنا صلاة فيهما اللهم ااااااااامين وأسأل الله العظيم رب العرش العظيم أن يجعل أولادي وأولادك من حفظة كتاب الله ومن العاملين به ويهديهم إلى المنهج السلفي الصحيح ويتوفاهم على الكتاب والسنة اللهم اااااااااااااااااااااامين

الله الله يا ام روفيدة دعوتك بهدايتهم للمنهج السلفي الصحيح اثلجت صدري ويارب العالمين صغاري وصغارك وحتى احني وكل ناسنا ربي العالمين ينعم علينا بالهدايه للمنهج السلفي الصحيح ويتوفانا على الكتاب والسنه اللهم امين
ومشكورة يا غاليه

[عيون زوجي]

سامحوني للتأخير هادي صور تابعه للجزء يلي فات

هذا المطعم فطرنا فيه واخذنا منه ليت مكاياتو يعني مكياطة بالحليب بس اتجنن جربوها فيه

[عيون زوجي]

طبعا كان المقرر انه انزور شي سياحي زي متحف الشكولاته في كولون وزي حديقه الحيوان اجلكم الله بس النهار قصير واوخيتكم عيون خذاته كله شوبينق تسوق يعني ما خليت وين خشيت من محل لمحل احني عندنا مثل ليبي يقول اعمى وطاح في دشيشه والساعة 5 كانت المفاجاءة هههههههههه حل الظلام ومازرنا ولا شي سياحي بس محلات اتغذينا في مطعم تركي واتكلنا على الله لمحطة القطارات كولون بانهوف

ولما دخلنا مبنى الدي بي كان كبير ورجعنا لنفس المكان يلي جينا منه لكن تلخبطنا قعدنا راكبين نازلين وبنسئل مدة نص ساعه لساعه الا ربع واخير بعد تعب وكسر الرجلين طلع انه نفس المكان بس عالجيهه التانيه وجي القطار وروحنا بعد ما ساعدنا الاقتصاد الالماني على النهوض وبقوة ههههههههه




يتبع