تجمع رعاية المولود من شهر 4 إلى شهر 6

[عيش الحياة]

مهرة


حطي سكر نبات مع الشاهي النعناع او اليانسون 60 مل مرة باليوم او مرتين يابنات السكر النبات علاج فعال للكحة دايم اعلاج اطفالي فيه واستمري خمس ايام

[عيش الحياة]

مشاعل

جربي زيت الزيتون

ليالي

أذا زي المويه واكثر من اربع مرات وديه الطبيب
حطي ملعقه صغيرة مرة باليوم مع رضعه نشأ يمسك البطن

[Mishael]

بنتي لها يومين حراااره ماتنزل عن ال37 ولا تتعدى ال38 وبسرعه تنزل وبسرعه ترتفع وطول الوقت متنكده وبس تصيح اشك ان اسنانها بتطلع
بس مو متأكده ،،

[جروح الحب]

حبيبى طبيعى الى في ابنك السهال
حتى بنتى هذى من اعراض التسنين
بنتى عمرها خمس شهور بكرا ان شاء الله تدخل السادس
وعن الحفله ع حسب ضروفك انك خارج المدينه الي فيه اهلك واهل زوجك
عندى سوي الحفله وقولي لهم انى اجلت الحفله لما نرجع المدينه وتنتهى دوره زوجى
في استراحه احلا او في البر

[يارحيم]

مشاعل شكل بنتك تسنن الله يكون بعونك..

ليالي انا اشوف انه عادي الحفلة متأخرة لانك كنتي بمدينة ثانيه انا بعد بسوي استقبال بعد اسبوع او اسبوعين وولدي بيكمل خمس شهور وقتها لاني كنت متغربه ومحد شافني ولا شاف ولدي.. الظروف تحكم بالتأخير و الناس ماتقدر تنتقد بهالظرف خوذي راحتك وانبسطي..

بنات صدق مشاعر الام تنتقل للبيبي ويتأثر فيها؟؟ لي كم يوم نفسيتي مرة تعبانه واحس عندي بدايات اكتئاب وصاير ولدي بس يصيح ما يخليني انام من صياحه كل شوي مع انه نومه ضبط وصار ينام ساعات متواصله الا انه بطل ورجع يصحى كل شوي.. قالت لي وحده انه انتي تنقلين له مشاعر الضيقه!! احد جرب شي زي كذا؟؟

[مامة عبود]

بنات الله يسعدكم ابي نظام لولدي


عمره سته شهور وكم من يوم




اعطيه حليب صناعي بلميل بلس




وش تنصحوني ااكله وكم مره باليوم

[عيش الحياة]

مشاعل

السخونه لما تكون فوق 37 وست شرطات اما اقل من كدا ان شاء الله مافيها شي وصحيح التسنين يخلي الجسم دافئ تابعيها وما قدامها الا العافيه

يارحيم

انت خليكي بشوشه معاه ولما يكون صاحي لعبيه وضحكيه وسليه وانسي الدنيا كلها

مامه عبود

اعطيه سيرلاك وخضار مسلوقه وفواكه مهروسه
طبعا تبدأي بالتدريج يتم تجربه كل نوع خلال اسبوع وتبدأ بملعقه وتزيد كل يومين والاسبوع الثاني النوع الجديد الاخر بنفس التدريج حتى تتعود المعده

[مامة عبود]

عيش الحياه الله يجزاك خير ويرزقك الذريه الصالحه

[عيش الحياة]

تسلمي على الدعوه الحلوة مامة عبود ونحن اخوات ان شاء الله نكون عون لبعض

[يارحيم]

جا الويك اند واختفو البنات ههههه ان شالله مبسوطين بس يارب دوم :)