تجمع حوامل سوريا-دردشة ورود سوريا-دردشة الغاليات

[شام الهوى]

وهاد كمان حلو سويته لبنات حماي كانوا متجمعين



وهي كيكة مضمار سيارات السباق سويتها لابن زوجي لما نجاحه



وهي هيطلية كانت بتجنن حتى البوظة الي فوقها انا مسويتها



رح نزامن كمان صور

[@أم يويو@]

اسم الله عليكي والله فنانه ماشالله
شكلن بيشهي الله يسامحك
خصوصي الحلا اللي سويتيه لبنات حماك والهيطليه
بعد ازنك بدي طريقتن ماتهوني
عنجد رووعه تسلم ايديكي

[@أم يويو@]

انشالله الف صحه وهنا عالكشري
انا اليوم عملت فته دجاج مع لبن وتوم كتير بحيها لهالاكله
بس للاسف لسه ماتغديت عم بستنى زوجي لحتى يجي ونتغدى
وبالنسبه للحلا صارلي شي اسبوعين ماعملت تعرفي انت تعب التامن شلون
بس شهيتيني والله بعدهالصور اني اعمل الهيطليه والحلا تبع بنات حماك
ناطره الطريقه

[شام الهوى]

اي موتكرم عينك
الهيطلية
كاسين حليب ونص كاسة نشا وشوية سكر ومستكة وماي ورد وماي زهر كلن عالغاز لحد مايتقل وصبي بصينيه بايركس صغيرة وماتكون الطبقة سميكة يعني اصبعين وخليه شوي يجمد حوالي 10دقايق وحطي فوقه كاسة ماي بارد بشويش وحطي بالتلاجة يبرد
بس يبرد قطعيه مربعات وحطي بكاسات البوظة وبتكون محضرة حليب باردخلطيه بقطر بارد وماي ورد وبفضل اللبناني احلى طعم من الورد الطائفي وصبي بكل كاسة شوي على قطع الهيطلية وزينيها بالبوظة والفستق وبالهنا
رح نزلك طريقة البوظة والقطر

ملاحظة الوصفة الاصلية بيحطو قطر بس بس مع الحليب احلى وانتي وذوقك

القطر كاسة ماي وكاسة سكر ونقط ليمون تخليهن يلغوا عشر دقايق وضيفي نقط فانيليا او ماي ورد

[@أم يويو@]

الله يكرمك حبيبتي
تسلم ايديك عذبتك معي
ماانحرم انشالله

[ندى الشام]

السلام عليكم انا جديدة هون وانبسطت لانو لقيت دردشة للسوريات كيفكن كلكن وعجبوني هالاكلات الله يسلم هالايدين والله انا كنت حامل بس سقطت للاسف بس الحمد لله على كل حال عندي بنوتة الله يحميا ويخليا وانشالله الله بعوضني خير يا ررب انا مقيمة بمصرر الله محيي سوريا واهلا ويحمين يا رب

[شام الهوى]

أهلين وسهلين ندى الشام كيفك يا حلوة شو اخبارك الله يعوضك عليكي يارب ويخليلك بنوتك



بنات هي صورة غدائه اليوم متل ماقلتلكن كشري مصري أكيد بتسويه ندى صح



وهاد الدقوس جنبه



وهاد الجاج بالفرن



وسويتلن عصير فواكة قبل الغدى

[شام الهوى]

اي حبيبتي ام يويو خليني اكملك طريقة الحلو التاني
اول شي لازم يكون عندك قالب تشيز كيك مستصيل بينفك من الجوانب
بعدين بتجيبي كيك جاهز متل سارلي كيك الي بيجي بيقصدير بجمعيات وبنفتتي وبتكبسي بيئدك منيح بالصينية وبعدين بتجهزي خلطك الي هي عبارة عن
اتنين كريم كرميل بس البودر
واحد كريمة خفق باردة تقريبا كاسه يعني
وتمانه جبن كيري
واتنين دريم ويب
وواحد قشطة كي دي دي كبير
وربع كاسة ماي سخن مذوب فيه ظرف جلاتين بدون نكهة
وملعقة كاكاو بودرة اخلطيهم كلهن بالخلاط وحطيهم فوق الكيك وخليها بالفريزر شوي لتجمد ونزليها لتلاجة وزينيها برغبتك وصحة وهنا اي سؤال انا حاضرة

[@أم يويو@]

المشاركة الأصلية كتبت بواسطة شام الهوى

اي حبيبتي ام يويو خليني اكملك طريقة الحلو التاني
اول شي لازم يكون عندك قالب تشيز كيك مستصيل بينفك من الجوانب
بعدين بتجيبي كيك جاهز متل سارلي كيك الي بيجي بيقصدير بجمعيات وبنفتتي وبتكبسي بيئدك منيح بالصينية وبعدين بتجهزي خلطك الي هي عبارة عن
اتنين كريم كرميل بس البودر
واحد كريمة خفق باردة تقريبا كاسه يعني
وتمانه جبن كيري
واتنين دريم ويب
وواحد قشطة كي دي دي كبير
وربع كاسة ماي سخن مذوب فيه ظرف جلاتين بدون نكهة
وملعقة كاكاو بودرة اخلطيهم كلهن بالخلاط وحطيهم فوق الكيك وخليها بالفريزر شوي لتجمد ونزليها لتلاجة وزينيها برغبتك وصحة وهنا اي سؤال انا حاضرة

تسلميلي حبيبه قلبي شاام ماشالله عليك
رح جربن وخبرك بالنتيجه اكيد
يسلموا هالديات ياحلوه

[شام الهوى]

بنات الله يوفقكم انتبهوا لكتابة ان شاء الله هكذا أرجوكم انتبهوا
أحبكم فالله