تجمع الحوامل الي بيولدون في شهر ذو القعده ^_^

[سوسو الأموره]

ريحانة الدنيا الله يعين استودعنا انفسنا واجنتنا الله

[ام علاوي99]

ماما زوز بشري وش صار لك
ام عبدالرحمن
طفشت ومليت لي حمسني ان جامعيه دورها قبلي وولدت ياسلام اسبقكم
مرهفه حس
الله يشفيك دهني بفكس وانتبهي من الهواء

[ام علاوي99]

اخباركم
مامازوز بشري
مرهفه حس دهني بفكس

[الصمت عشقي]

حبيباتي كثرو من الاستغفار واذكرو الله
واستعيذو من الشيطان الرجيم
وان شاءالله بنجيب اطفال سليمين معافيين بلازياده او نقصان

مرهفة حس
الله يشفيك ان شاء الله

[wounded feelings]

الصمت عشقي
حبيبتي انا كنت رايحه لموعدي العادي
وقالت لي تبين فحص قلت لها اي ,, و سوته لي ..
كان مؤلم والله بس بعدين بيصير عادي ,,
امس مره ثانيه فحصوني بس ماتألمت كثر اول مره ,,
الله يعين بس

[الصمت عشقي]

طيب لما فحصت عليك وش قالت لك ووش سوت
لان عندي موعد وخايفه مررررررره

[ام جيان]

اه يابنات اه
اعاني من غثيان من قوته مطيحني بالفراش
ماقدرى حتى اكل شي
والتحجر زايد
والله تعبت يارب صبرني هلكت انا يارب صبرني

[ماما زوزو]

مرحبا بنات
اسفة اشغلتكم وتأخرت عليكم
بس والله فرحتوني كلكم تسألون عني عساكم ماتفقدون غالي يارب
رحت اليوم وسوولي تخطيط والحمدلله الجنين زين وفي طلق خفيييييييييف عالجهاز باين
وبعدها سوتلي فحص داخلي ااااه متت من الوجع وقالتلي مسكر مرررررررررررررة مو مفتوح ولا شوية وقالتلي اكثر مشي وجماع
واروحلها يوم الثلاثاء ويمكن ينوموني الخميس اذا ماجاتني ولادة

سألتوني اذا انا بكرية .. اي بكرية وماأعرف شي .. ربي يعيننا كلنا
الله لايحرمني منكم... احبكم وربي يسهل علي وعليكم

[الصمت عشقي]

واخيرا ماما زوزو
طمنتينا عليك
ربي يسهل عليك ان شاء الله ويارب ماتحتاجي طلق صناعي وتولدي طبيعي اهم شيء انتي سوي مثل ماقالت لك الدكتورة كثري مشي
وناس كثيرين يقولون اذا ماقدرتي تمشين كثيري حيلك في الجماع يعني خليها في اليوم 3 او 4 مرات
وربي يسهل عليك ان شاء الله وتولدي قبل الخميس
بس اهم شيء نفسيتك لاتفكري كثير خليك ناسيه انو مابقى شيء
وانسي انك قريب وتولديوكثري استغفار
ولاتنسينا من دعواتك عنوني

ام جيان وش صار
رحتي المستشفى والا ..؟
واذا رحتي وش قالولك ع الالم اللي كان يجيك ...؟

الله يسهل علي وعليكم اللهمـ آآآآآآآآميــــن

[wounded feelings]

صمووته

انا كنت مثلج والله خايفه وكارهه هالفحص
شوفي ياقلبي انا المفروض موعدي اليوم بس جدمت رحت الخميس
كانت عندي الام خفيفه جدا حتى ما اسميهاا طلق ,, لانهاا بايخه وتروح وتجي بوقت بعيد عن الثاني
بس وقت الجماع احس اني متوسعه وغير هذا لما اقعد اوقات احس ان المهبل مفتوح وقلت لزوجي يقولي تتخيلين ومو راضي يويديني الفحص
وبعدهاا انا قلت له ابي اروح يعني ابي اروح ..
ورحت لأني اصلا كنت ملانه من نفسي احس ابي اعرف شحالتي ودي تسوي لي الفحص بس علشان اعرف قربت ولادتي ولا بتتأخر ,,
وانا جالسه انتظر حسيت بالم ببطني و ظهري وقمت اتمشى ويزيد شوويه بس مو لدرجه عدم التحملـ ’’
وبعدين يوم دخلت على الدكتوره قالت لي موعدج بعد باقي عليه بعد بكره قلت لها فيني الم شووي قالت تبي فحص .. قلت اوكي .. >> ومادري شلون تجرأت هههه
ع ـالعموم انسدحت وقالت لي افصخي ملابسج (يالهوووي) بس فصخت سريع وانسدحت وكان الامور عاديه وحاسه بالعه غصه ,,
لبست غفاز وحطت فيه جيل وحطت يدهاا وألمنيييييييي ,,
قالت لي مفتوحه 2 سانتي ويدهاا للحين داخلـ ,, قامت تحرك يدهاا وانا كنت بصييييح لانه مؤلم !!!!
قالت لي 3 سم .. !! احس هي سوت لي توسعه زياده بس فرحت يوم قالت لي 3 قلت خلاص بولد قريب ان شاء الله ,,
بعدين عطتني ملحف وقالت رفعي بسوي لج سونار .. وشافت البيبي الراس بالحوض الحمدلله .. والماي اوكي والمشيمه فوقـ ,,
قالت لي طلقج خفيف بس روحي طقي ابره طلق صناعي وان شاء الله بتولدين بسرعه ,, !!!!!!!
بس طبعا ماسمعت كلامهاا لان مابي طلق صناعي قلت انا اصلا ماكملت شهري ليش العجله ,, بنتظر يوم او يومين يمكن يزيد الطلق ..
ومافي شي للحين الله يعين كل شي بارد ..

وامس رحت مستشفى الولاده ابي اسوي تخطيط لقلب البيبي ..
وجيكتني مره ثانيه وقالت للحين 3 سم .. يعين ماتغير شي تبين تبقين بالمستشفى ولا تروحين البيت
قلت لا بمشي لان مافيني طلق اصلا :( ~
وهذاني اشرب واكلـ وامشي
وان شاء الله سهالات يارب

مع اني احس صبري نفذ بس استغفر الله العظيم
بالنهايه كل شي بيد الله سبحانه ومتى ما ربي قال كن فيكون


قلت لج بالتفصيل المملـ هههههه