دردشة بنات ليبيا , دردشة حوامل ليبيا , تجمع بنات ليبيا

[ام روفيدة]

كملي كملي شوقتينا

[عيون زوجي]

كان الغدي واتي مشوار 10 دقايق وحطوه عالطاوله
يلي هو: ورق عنب ( ما حبيتاش ما ابهى البراك متاعنا)
رز بالشعيريه ولحم الخروف مطيب في طنجرة الضغط بنته اتجنن يذوب في الفم
رز ابيض بالمكسرات اللحم المفروم
تبوله
افخاذ دجاج مشويه
سلاطة خس
سلاطة ملفوف
ملوخيه بالدجاج (ماحبيتهاش بكل )
امخلل كل شي من الفلفل للخيار
وحطوا 3 انواع عصير وبيبسي وحطوا حتى اللبن
بعدها جابوا نوعين قهوة القهوة العربيه ببكرجها والفناجين وقهوة المانيه
حطوا معاهم كيكة تيرامسو وحطوا كنافه نابلسيه اتجنن انموت فيها
وبعدها جابوا مترد كبير فيه حوالي 6 انواع شكلاطة كل نوع في جهه
وحطوا متر ملبس
وبعدها جابت شاهي احمر اخفيف معاه صونية مكسرات كبيرة كبيرة الحق
وبعدها حطت الفواكه موز وتفاح وليم نوعين
واحني نتعشوا جت كنتها زوجة صاحب راجلي ومعاها بناتها الزوز وجت كنتهم التانيه وكان تهدريزهم ايجنن كاني نعرفهم من سنوات وراقيات وهاديات ماشاءالله اعليهم
بعد هذا كله حلفت اعليا مرات صاحب راجلي اني نمشي معاها ونبات عندها
وفعلا بالحلف رفعونا معاهم انا وزوزي وام عماد كانوا قمه في الكرم ما اتوقعتش اللبنانين هكي
وفي حوش الكنة يلي كان كبيررر من 6 غرف نوم وصالتين و3 حمامات وكوجينه واثاثه راقي وانيق جدا
كانت الساعه 10 وبدت تحلف تبي ادير اعشي احلفنا عليها
حطت مترد فواكه ونوعين شكلاطة وفستق وعصير ووريتني حوشها وجهزتلي حجرة خاصة بيا انا وبنتي فيها وكل الاغطيه جديده
اسهرنا مع بعض وكانت اصغيرة مواليد 1975 وعنده 7 صغار وبنتها الكبيره فاطمه عمرها 19 سنه اتقولي اختها مش بنتها
الصبح نضت الساعه 9 لقيتها مجهزة الفطور زيتون و3 انواع جبن ومناقيش لبنانيه عجنتها وطيبتها الصبح نايضه من الساعه 6 تعجن وتوتي ومدايره كيكة شكلاطة وقهوة وشاهي وكل شي
بعد الفطور زوزجي احلف انه انروح وزعلوا يبوا ايطيبوا الغدي
كنا ناويين نروحوا بالقطار لان المسافه طويله بس احلف الراجل ووصلنا لباب حوشنا
وكسبت معرفتهم ماشاءالله اعليهم
ونعرف عايلات ليبية ماقالوش حتى بالكذب اتفضلي عندنا مع انهم قريبات ونفس المنطقه

[عيون زوجي]

وكملت القصة ودهشتكم يا ام روفيده وام ورد هههههههههههههه
يلي عجبني في المانيا ان مرتب البطاله احسن من مرتب الموظف عندنا
زوجها كان ما يخدمش والدوله الالمانيه مسئوله عن ايجار حوشهم الكبير يلي كان حوالي 2000يورو وكل بيبي ينزله 300 يورو شهريا
ياريت في ليبيا تولي مرتباتنا كويسه وتوفرلنا حياة كريمة

[saly.me.91]

السلام عليكم كيف حالك ياعيون اتروحي بالسلامة
يللا كملي نتصنت فيك كلي اذان صاغية

[عيون زوجي]

نستأذنكم بنتي عملتها حاشاكم........

[عيون زوجي]

سالي حبيت انسلم اعليك قبل لنطلع انغير لساره
كيف حالك وحال البيبيات وشنو جوك توا بعد ما الرزن بدي معاك ربي يسهلها اعليك

[saly.me.91]

بالله مافيش بلاد حرفة زي بلادنا

حقا شن لبستي اما لبسة

[saly.me.91]

به غيريلها وتعالي مش تهربي
انا الحمدلله ربي يسهل وخلاص

[أم ورد]

صحة صحة صحة عيون
ماشاء الله ولا قوة إلابالله عندهم الكرم اللبنانيين ربي يخليكم لبعض يارب

[saly.me.91]

خشو للموضوع هذا سو كيووووووووووت

http://forum.hwaml.com/t93927.html