دردشة حوامل أهل الرياض - دردشة بنات الرياض - تجمع حوامل الرياض

[فولة]

مساء الخيرر ياكروشاات
أنا حامل بس مدري كم لي وبأي شهر حامل
بليز أحسبو لي لأني ضعت كل مستشفى يقول شهر
أخر دورة كانت 3/6 عربي

[بنت سدير]

اهلين شجووون
بالنسبه للولاده اتوقع انها ب 6500
وبالنسبه لمقاضي البيبي من سنتر بوينت ومذركير ونكست والاستقبال من القرعاوي قاليري
اما انا عند حياه مول الدور الي فوق فيه محلات تبيع ارواب استقبال مثل محل واحه الجلابيه

[ام سلطان ksa]

السلام عليكم ورحمة الله وبركاته
انا اليوم اول لي في المنتدى وحابة استشيركم
انا من الرياض ولكن تزوجت وسكنت في الشمال
وانا هالحين حامل في اول الثامن ومحتارة وين اولد مع انه الحمل الثالث
لاني ولدت الاول في مستشفي عبيد التخصصي وكان خياطهم مو زين
والثاني ولدته في مستشفى الملك خالد الجامعي وكان مرة ممتاز ولكن رفضو اني اولد الثالث عندهم
وانا هالحين متوهقة ومو عارفة وين اولد
مع العلم ان كل ولاداتي قيصيريه
وابي اعرف وين احسن مستشفى اولد فيه بعملية قيصيرية وابي مشورتكم
اما بالنسبة للمستشفى التخصصي الحكومي ومدينة الملك فهد ما يقبولون على طول لازم واسطة على ما اظن
والا انتم وش رايكم يا كروشات

اتمني انكم ما تبخلو علي
وربي يسهل لكل حامل ولادتها
ويرزق كل مشتهية الذرية الصالحة

اختكم ام سلطان

[*غزلان*]

حبيبتي ام سلطان
انا كمان جديدة زيك في المنتدى
انا ولادتي الاولى ولدت في مستشفى اليمامة الحكومي
ومرة عجبني اهتمام ونظافة يعني ارتحت عندهم
وناوية ان شاء الله على ولادتي الثانية اروح عندهم

[*غزلان*]

اخواتي
حبيت استفسر الدكتورة قالت عندك 7اسابيع ونص
يعني كم شهررر ردوا يالغوالي

[ام سلطان ksa]

هلا فيكي اختي غزلان
وربي يسهل لك ولادتك يارب
مدري انا ما اعرف مستشفى اليمامة مع اني اذكر ان زوجة عمي تولد فيه
كانت غرفهم صغيرة وتضيق الصدر
اما هالحين ما اعرف يمكن تغيير
انا بعد السؤال والتدقيق راح اولد في مستشفى المملكة باذن الله
عند دكتورة اسمها اميرة
وربي يهونها علي

[ام سلطان ksa]

اختي غزلان
انتي في الشهر الثاني وباقي لك اسبوعين وتدخلين في الثالت
وربي يتمم لك على خير

[تـالا]

هلا بنات
حبيباتي ابي نصايحكم وين اراجع في اي مستشفى انا بالثاني واراجع عند د. منى الريس بس مامدحوها كثير بمتابعة الحمل وغير كذا تاكلك بالسونار كل اسبوعين من حملت وانا اراجعها وتسوي لي سونار وانا لسا ماسويت البرنامج ومرره زحمه انتظار اقل شي ساعه ونص ومن الزحمة صارت تضيع هي واصفة لي الدوفاستون ولما سالتهامتى راح اوقفه قالت انا ليش اصلا كاتبته لك انتي معك اجهاض متكرر او متاخره بالحمل قلت لا قلت غريبه اكيد وصفته لسبب <<?? المهم بعدها باسبوع صار معي نزيف ورحت لها قالت علامات اجهاض مع ان اوضاع الجنين كويسه المهم انا تعبت من زحمتها وكذا وخده مامدحوها بالمتابعه يقولوا تدخل تسجل بالملف وتطلع بسرعه مرره احترت

وابي اسالكم فيه وحده سوت تامين فردي لها مشان متابعة الحمل سمعت عنه كثير

[بنت سدير]

اختي تالا ..

انتبهيييييييييييييييييييييييييييييييييييي من منى الريس الي في الشبلان مررة تشخيصها سئ
عن تجربه مني ...

[تـالا]

طيب وين اراجع فيه في نفس مستشفئ اللي باولد فيه او بمركز ثاني للحين مدري وين اولد باي مستشفى محتاره
ماتعرفوا شي عن التامين الطبي للافراد اللي يشمل الولاده