تأخر الدورة يومين تعالوا

[فولة]

صباح الخير,
وشأخباركم أنشاء اللة بخير
انا متأخرة علي الدورة يومين علمآ أن دورتي منتظمة وكنت أحس بألاام ومغص قبل خمس
أيام والحين ألم فضيع في ضهري بس ولا أحس بولا أعراض غيرة الا حلمة صدري أحسها توجعني وجع خفيف
وكان عندي موعد اليوم عند دكتورتي وقالت لازم أسوي لك تحليل حمل
وسوت لي وسار سالب
اللحين وش أسوي
ممكن يكون فية حمل اولا

[الضنا غالي]

حبيبتي قالت لك الدكتورة سالب يعني لو فيه راح يبان

الله يعوضك الشهر الجاي يااارب

ونصيحه مني دام قالتلك سالب لاتحطي امل وبعدين يصيدك احباااط

خليها على الله وانسي الحمل وراااح يجيك

[فولة]

الضنا غالي اللة يجزاك الجنة ياربي
بس أنا دورتي منتظمة أستغربت تأخيرها
اللة يستر يارب

[**سماسم**]

أنتظري يالغاليه أربع أيام وسوي تحليل مره ثانيه وإذا كانت النتيجه سلبيه راجعي الدكتوره حتى تشوف شنو السبب وتعطيج علاج ينزلها
,,

[سبحانك اللهم وبحمدك]

الله يعينك يارب ويبعد عنك لخبطة الهرمونات

[روح حماده]

حبيبتي انا قبل موعد الدوره سرت اسوي تحليل هرموني لان كان فيني الم فالبطن ويوم سالت الدكتوره فيه حمل قالت ماشي بعدج صغنونه وقالت يوم بتيج الدوره بعد عشر الايام تعالي عندي وبشووف ومن اهناك ما ياتني الدوره وانا دورتي منتظمه وسويت تحليل منزلي الحمدلله طلعت حامل هذا بعد اسبوع من زيارتي للعياده والله يرزقج حبيبتي بالذريه الصالحه.

لا تنحبطي اذا تاخرت وايد سوي تحليل منزلي ولان الدوره تختلف علشان الهرموون.

[فولة]

أمييين يارب أرقني الحمل يارب
تكفووون أدعووولي

[فولة]

بنات ماجتني الدورة
وش أسوي

[Raheefa]

حبيبتي الافضل بعد 10 ايام من تأخر الدورة تحللي
لانه يمكن الحمل توه
وخلي املك بالله كبير
يعني استني وشوي والصبر زين .. اذا كان حمل افرحي وقولي الحمدلله
واذا طلع شي ثاني لاسمح الله خربطة هرمونات ولا اشي .. بعد قولي الحمدلله خيرها في غيرها

[بنت جدة]

المشاركة الأصلية كتبت بواسطة Raheefa

حبيبتي الافضل بعد 10 ايام من تأخر الدورة تحللي
لانه يمكن الحمل توه
وخلي املك بالله كبير
يعني استني وشوي والصبر زين .. اذا كان حمل افرحي وقولي الحمدلله
واذا طلع شي ثاني لاسمح الله خربطة هرمونات ولا اشي .. بعد قولي الحمدلله خيرها في غيرها

انا اتفق معاكي