تجمع الحوامل الي بيولدون في شهر ذو القعده ^_^

[ورد القلوب]

المشاركة الأصلية كتبت بواسطة mooni

مرهفة حس
طعمة كف مريم مقبول بس يوم شفت شكلة حووووم كبدي مدري ليش
شكله مقزز كنه عقرب كنه كشة كنه شجرة بلشارع >> مادري كيف اوصفها
لاشربتها قامت كبدي تلوع بسبة شكلها
بس شربتها مرتين ولا سوت لي اي شي جابت لي النوم ذاك اليوم ونمت

خخخخخخخخخخخ

انا ما اعرف شكل العشبة بس حمستيني ابحث عنها
وبحثت في قوقل وشفتها

[wounded feelings]

مرحباا يا بنات
شخباركم ؟

الحب الابدي
انا بعد اكتشفوا نقص الحديد فيني وعطوني 5 غراش لكن جربتهم يوم وترك
وجدا الغرزه مالته مؤلمه لانه حار على الجسم

’’

ام جيان
ينفع يعني هالحلتيت ؟ تدرون يا بنات انا من بعد الجماع امووت يجيني طلق قوي ويستمر ساعات ويفك الصبح مادري شالسالفه وياه خلاص حرمت مابي جماع دام هذي الحاله

،،

روح الفراشه
عورتي قلبي والله نفس الحال واليوم هي الليله الثالثه مع الالم
انا توني كنت بروح بس كنسلت مابي يقولون لي بارد وبنفس الوقت خايفه على البنوته
يارب احفظها من كل سووووء


،،
حامله قيمي
شسوي الكل يقولي صبري بكريه عادي تتأخرين
مشكلتي اتألم مليون مره والله بس محد يحس لو توصفين له
يا صبر ايوب على بلاوه .. مافهمت شنو يصيد الرحم خوفتيني !!
انا ماعلي من روحي بس اهم شي البنوته تكون بخيرررر

[wounded feelings]

مووني
انا متردده مع هالصناعي لان امي وخواتي و زوجي مو راضيين اخذه يقولون لي بكريه تتأخر وبعد بنت طلق بارد شي طبيعي
احين ابي اعرف هل الطلق هذا بس بعد الجماع ولا يجي بالليل ولا شسالفته

،،

ام عبدالرحمن
انا قلت خونتي فيني و ولدتي هههههه
الله يسهل على الجميع ربي يعطيج العافيه اي زين خلصي اغراضج
انا كل شي جاهز على الاخر من 10 ايام تقريبا
انا دكتورتي مسويه لي فحص الخميس اللي طاف وقالت الراس بالحوض والماي تمام والمشيمه فوق وكل شي اوكي ولله الحمد وقالت روحي سوي ابره طلق صناعي و ولدي بس انا قلت بقعد كم يوم يمكن يزيد وللاسف اختفى بس السداده نزلت واحين 3 ايام عندي طلق متعب جدا ما انام الليل بسبته واول يوم صادني رحت قالت لي بارد بس لين زاد شويه تعالي وامس جاني بس مادري هل زاد ولا اقل من اللي قبله وخليته تحملت وانا اعض على روحي من الالم والصبح راح والمغرب قلت لزوجي عن الجماع لاني احسه يسوي لي تحريض وسبحان الله ماتطوف ربع ساعه والا الم يجي من كل صوب ومستمر من الساعه 7 لي الحين بس متردده اروح انا خايفه على البيبي


كنت بروح المستشفى وجاااء زوجي يشوفني يقولي ما احس فيج شي قلت له تعبت من الالم بس متحمله تبيني اصرخ عشان تحس ورجع قالي مايبين عليج وهو عافس وجهه يقولي انا من داخلي مابي اوديج لان ننتظر مده على الخالي وبنفس الوقت مابيج تقولين مايهتم وجذي وانا لا شعوريا قلت له خلاص ودني وروح عني وقعدت اصييح قهرني والله انا اتألم بس ماعرف يمكن يكون بارد بعد الطلق لكن ازعجني كلامه كفايه اني اتعذب من داخلي وقعد يراضي فيني ويقولي يالله نروح وانا ركبت راسي قلت له خلاص مابي مستشفى روح ارجع حق ربعك وبقى فتره وبعدين هو زعل لاني ناديته يجي من عندهم وكنسلت الروحه والله الصراحه جاب لي الضغط انا تعبانه لكن شاسوي مشكلتي بكريه وماعرف لهالسوالف عدل وخاااايفه والله على بنتي ينقص ماي او اكسجين او دقات القلب ماعرف اي شي بس جد خايفه عليهاااا

سامحوني جيت افضفض لان عيوني مو موقفه دموع ومالي غير الله ثم انتواا اللي بتحسون فيني وبهالوقت

[MooNi]

اذا جنك الالااام روحي للمستشفى ترى مو شرط يعطونك طلق صناعي فيه اشياء ثانية غير الطلق تسوي مساعدة وتحمي الطلق <<ماما تقولي كذا

انتي اذا جتك الآلام روحي ويحمونها لك بالحقن والتحاميل
الله يهونها عليك يارب

[ورد القلوب]

انا كمان قالت لي الدكتورة الرحم مسكر
والجنين لسى مانزل بالحوض

مادري شسوي مليت من كثر المشي
صار لي اكثر من شهرين مواصلة على المشي
ومافيه فايدة

[ورد القلوب]

wounded feelings
ام عبد الرحمن لسى تستنانا مشان نعوشر مع بعض :)

[MooNi]

ورد القلوب
قالوا لي خذي نفس عمييييييق وطلعيه من فمك الحركة تفتح الرحم
ودهني حلمتك بزيت زيتون لمدة ربع ساعه اجلسي حركيها وانتي تدهنيها

أنا جالسه اسويها وان شاءالله تفيد

[ورد القلوب]

المشاركة الأصلية كتبت بواسطة mooni

ورد القلوب
قالوا لي خذي نفس عمييييييق وطلعيه من فمك الحركة تفتح الرحم
ودهني حلمتك بزيت زيتون لمدة ربع ساعه اجلسي حركيها وانتي تدهنيها

أنا جالسه اسويها وان شاءالله تفيد

خبريني بالنتيجة ..ان شاء الله اسويها اذا كانت هالحركة
تسرع الولادة

[MooNi]

المشاركة الأصلية كتبت بواسطة ورد القلوب

خبريني بالنتيجة ..ان شاء الله اسويها اذا كانت هالحركة
تسرع الولادة

هم قالوا لي تفتح الرحم مو تسرع الولاده.
بس انتي سويها مايبيلها شي وانتي جالسه عالنت

[MooNi]

ويندي
صدقيني بنتك حاطه عينها على حدى الحوامل اللي حاملين فولد
تحتريه يطلع قبلها عشان يكون اكبر منها لو في اسبوع هههههههه
ان شاءالله يكون آنااا