تجمع مواليد شهر ( ذو الحجة ) لعام 1434 ه بإذن الله

ام لموووش · 10-11-2013, 03:33 PM

غيمة ومطر اللهم امين
انثى حالمة الله يهون عليك مابقى اكثر من اللي راح
تووم حساب الدورة والسونار الاولاني هو الاصح
هذا كلام دكتورتي عشان الاسبوع اللي راح قالت لي اني اول يوم بالتاسع وانا اقول ع حساب السونارات القديمة اكون لي اسبوع
قالت الدورة والسونار القديم ادق شي

بيللي · 10-11-2013, 05:16 PM

اليوم رحت المستشفى

وكشفو علي من تحت وقالو مقفل مره

وربي جاني احباط

وقالو لازم تنويم وطلق صناعي لحد ماتولدي

صراحة حسيت بالخوف وقلت لا ماابي

قالو مايصير دخلتي العاشر بعدين مويه الجنين تنشف

وسو تخطيط قلب للجنين

مليت الموضوع طول

قالو لحد الان سليم بس ماتطلعي

طلعت على مسوليتي وقلت برجع لكم بالليل

:(

بس جد الكشف يالم اجل كيف الطلق

الحين احس اني دايخه

ani8h · 10-11-2013, 05:22 PM

مسساء العسل ..

فديت من سأل عني ..ابششركم للحين صااااااااااااااااااامده ..
كلمت دكتورتي امس قالتلي عادي مايعتبر طلق ولاشي ..
تحطمت من ججججججد:"(

شكلهم مسوين تحالف عيالنا .ناويين يعيدون ف بطوننا .ههههههههههه
باقي يومين واخلص التاسع ..
يارب سهل الامور..

غيمة ومطر · 10-11-2013, 05:23 PM

هلا بنات
مساكن الله بالخير
شو اخباركن

انا والكرشة طيبات والحمدلله
وامورنا ياربي لك الحمد باحسن ما يكون

امممم مليت بصراحة
ولي يوم و ١٣ ساعة وانا تركت الخلطات خير شر
وفليتها بالممنوعات
لاني اعرف وقت النفاس راح انحرم منه
طبعا خربتها ايس كريم وبيتزا هت ومشروبات غازية
ولا بعد
طلعنا الصبح نفطر بره بالاستراحة
راح العب بالمرجيحة جلست اتمرجح
لين فجأة لقيت امي واختي يركضون علي
يامجنونة بتطيحين البنت بتموتين البنت
انزلي من المرجيحة هههه
مانزلت الا لما جا اخوي وقال ترا وحدة من السلاسل خربانة ومو مثبته خفت اطيح فنزلت
وجا وقت الغذا
امي حطت قسمت اختي وقسمتي ( جريش باللحم مع القرصان ) وحلي ( مراصيع بالعسل والسمن )
جلست اناظر يمه هذا اكل النفاس
قالت كليه زين لك وخذي لكم ثلاجة زنجبيل بالزعفران
ياااااساتر
واناظر
يااااسلام فلينها
ياكلون برجر دجاج وبروستد وبطاطس مقلي و متكين ع البيبسي والفانتا وشبس وشاي وحركات
سلامات
خربتها
ورحت اكل من اكلهن
وتونا رجعنا من الاستراحة
طبعا لا جديد
مافي الم ولا وجع بالعكس احس بنشاط واحس نفسي مستصحة
ولا عاد نزل مني لا دم ولا موية ولا يحزنون

طبعا انا ملاحظة ان الكرشة صغرت شوي
وتكورت بدل ما كانت كانها كورة منسمة
لكن يوم قست الطول والعرض بالمتر لقيتها اقل من قبل اسبوعين بكم سانتي
غريبة ماني عارفة وش القصة يمكن لاني جالسة انحف كل فترة عن فترة
يالله ربكن كريم

وشكلنا بنخلص الشهر العاشر ولم نولد بعد
او بالاصح راح نعيد ولسااااا الكرشة مرتزة

الا صحيح بنوتات
مين ناويه تسافر باجازة العيد هذي
يعني حق ٤ ايام ع قولتهم

ولا الخوف من الولادة حابسكن بالبيوت ؟؟!!

اهلي ودهم بالخبر او الجبيل !
لانهم شافوني مطووووووولة ولا فيه بوادر للولادة
وطبعا انا معهم بروح بتمشي
وطبعا السفر بالسيارة مش بالطيارة
لاننا بنروح على ثلاث سيارات
تعرفون امي
سيارة بس لمعدات الطبخ من قدور وسكر وشاهي ورز وخلافة
سبحان الله ما يجيزها السفر الا وعدة المطبخ معها
الله يسعد قلبها ويحفظها لنا يااارب

المووووهيم
انتوا
شو
فين
قررتوا تتمشوا
ع جناح الطواري كل ليلة
ولا بتسافروا وبتعيدوا ف الاجازة

عطوني امكان تقترحون السفر فيها ابو ٤ ايام بالكثير
انتظر ردكن ياااحلوات

غيمة ومطر · 10-11-2013, 05:34 PM

ههههههه
اخت toome
ريحي راسك
قال ايش حساب الدورة او السونار
ياماما
انسي الموضوع
كله بيد الله
حنا خلصنا حساب الدورة والسونار
ولا بعد ماخذين فترة تمديد
العلم عند الله
والله اللي يعلم متي تفيض الارحام ومتي تزداد كله بعلمه
ومانقدم ساعة ولا نستاخر الا بعلمه سبحان الله
فوسعي صدرك
ولا تحسبي شي

احطمك اكثر
ايش رايك ان موعد ولادتي كانت حددته لي الدكتورة قبل اختي باسبوعين
وولدت هي قبلي والان هي خلصت الاسبوع الثالث من النفاس
شكلها بترجع بيت زوجها وانا لساااا حااامل
سبحان الله
التاريخ اللي عطتني الدكتورة اولد فيه ولدت فيه اختي
وانا والله العالم متي راح اولد
الظاهر عقب العيد
ويمكن بنهاية ذي الحجة

الموهيم
انسي بس
بجد توترنا بالتعداد والحسبة
وبالاخير
لساااااا هههههه

غيمة ومطر · 10-11-2013, 05:42 PM

اخت عبدالرحمن
ربي يسعدك ياشيخة

اخت ام لمووووش
الف شكر لك

انثي حالمة
ربي يعينك ويسهل امرك

اخت راما القمر
يسلمووو وشو اخبارك انتي
طمنينا عنك

وحلم العمر
كيف قررتي تسوي باجازاتك وعيدك
بتصبغي او تقصي ولا كله بعدين خخ

بيللي
ااااه يااابيللي
دنتي معذباني
شو لحد هلا ما ولدتي
ولسااااااا
انتي شوووفتي حاااجة
الكشف يالم
مش يالم بس
الا جزارين عندنا حشا مو اطباء
مافيش حنية خااالص
مااعرفش راحت فين
لكن من كثر ما كشفت علي الدكتورة
من تحت ٤ مرات وسوت لي تحريض
انا صرت اقول
المكان توسع وقضينا
ومرات اقول الحمدلله زوجي مو عندي
لانه لو حصل xxxx بيقول المكان وسيع
ولا بيتهرب مني او يمكن يقول كاني احس راسها بنص الخط
شو بنعمل
خلاص تعودت ع كشفيتهن
اول مرة جلست ٣ ايام ينزل مني دم وافرازات والم بغيت اموت

ثاني مرة
جلست يوم دم وافرازات ووجع

ثالث مرة
جلست ٤ ساعات اتوجع
والافرازات بيضاء

رابع مرة
كنت فالتها وواثقة انه مفتوح
لان الدكتورة دخلت اصابيعها ولا حسيت فيها خير شر
ههههههه استغفر الله العظيم

يالله
بكره بولد فيها طبيعي
وبيمر راسها من تحت
يمكن رحمة من ربي لي
الله يجعلنا هالشهر امهات ياااارب
ولا يحرمنا من ذريتنا ياعزيز ياكريم

غيمة ومطر · 10-11-2013, 05:48 PM

اقول
انا شكلي
بترحل
للتجمع مواليد شهر محرم
هههههههه
مافي امل اولد هالشهر
يالله
خليني افتش من التجمع حق مواليد ذي القعدة
شكلهم ما بعد قفلوه
اكيد وحدة منحوسة متكيه
ابروح اجيبها لمناااا

غيمة ومطر · 10-11-2013, 05:50 PM

صراحة
المفروض
كانوا يسمون تجمعنا
تجمع المتأخرات بالولادة
او تجمع الشهر العاشر ولساااا ياماما في الدنيا دي ناس غلابة
يالله
الله كريم
ياااارب

غيمة ومطر · 10-11-2013, 05:54 PM

تصدقوا
ران راح عن بالي
معقولة اننا محسدوين او صاكينا عين ؟؟!!
قد جربتوا الرقية الشرعية
ولا ماخطر ع بالكن
والله هذي استغفر الله العظيم فاتتني
والله كل شي جايز
ليه لا
يمكن نفس
او عين
يارب رحمتك
ما اقول الا
حسبي الله ونعم الوكيل ع كل حاسد ونفس لامه وعين حاقدة
اللهم ابعدهم عننا واصرفهم مننا ياحي ياااقيوم
حسبنا الله ونعم الوكيل
اللهم اني استودعتك مافي بطني فاحفظها لي ليوم مولدها يارحمان ياكريم

نور المغرب · 10-11-2013, 06:58 PM

اهلين فيكن
اخباركم وحشتوني كيف الايام هاذي الفضيلة الله يجعلها مغفرة و رحمه يا رب
ابد ما في جديد رحمي من اسبوعين معلق على 2 سنت لا طلق و لا شي الله وكيلكن
عيالنا مغرزين في كروشنا يمكن لبعد العيد
يوم وقفة عرفة الدعاء مستجاب خلينا نكبر و نلبي و الله المستعان
اخت غيمه كل شي بيد الله و العين ما انكر انها حق بس الرقية حجاب حصين
الله يحفظنا و يحفظ عيالنا من شر كل شيطان و هامه و من شر العين اللامه

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
هنا تجمع الحوامل الي ولادتهم في ذو القعدة 1434	ميمي 17	إستفسارات مرحلة الولادة	3965	10-20-2013 06:09 AM
تجمع بنوتات كروشات ••جمادي الاول 1434•••مارس 2013•••	أم الزين	إستفسارات مرحلة الولادة	16965	04-12-2013 02:05 AM
تجمع اللي بيولدوا في شهر ربيع الثاني 1434	ام رتيل	إستفسارات مرحلة الولادة	9124	03-16-2013 04:08 AM
[ تجمع الحوامل اللي موعد ولادتهم في ذي الحجة 1433 ه ]	دلوعة وطيوبة	إستفسارات مرحلة الولادة	2858	11-18-2012 11:34 AM
تجمع الحوامل الاتي سيلدن في ذو الحجة	بيوني	إستفسارات مرحلة الولادة	3806	01-09-2011 10:00 PM