دردشة حوامل أهل مكة المكرمة - دردشة بنات مكة المكرمة - تجمع حوامل مكة المكرمة

[ام ميسومة]

واو الجو جنان وانا نفسي اخرج الجو مرة حماسي والا ايش رايكم
اة ياصوت المطر وريحته ياسلام لو اروح اتمشي بس المشكله ابو الشباب بالدوام

[حلّو]

سلااام كروشاات ... كيفكم ؟
اقدراشرب كف مريم عشان يفتح الرحم .
افدوني يابنات الله يسهل لكم ولادتكم جميعااا ..
لاني عديت موعد الولاده اكتر من اسبوعين لا الم ولابوادرطلق .

[أحلى موني]

اخباركم صبايا وحشتوني انستكم الرحمه والله الجو جنااااااان حمااااس المطر عاد شوفو الكسل اللي فيا امس رحت غمره بنت اخو زوجي وللان االتسريحه ماغسلتها شعري كله اسبريه والله مافيا حيل استحمى مين تاخذ شعري تغسله وترده <<خخخخخخخ >> تسوا فيا خير وارموه في البحر ههههههههههههه

رحووووووومه فين اسمي ليه مو مكتوب؟ هههههههه اخبارك يادبه وحشتيني موووووت كيف البيبي وامك ان شاء الله تكونو كويسين

ثلوووووووج عادي الاكتئاب والضيق هذا من الحمل بس قولي لزوجك يهون عليك بكلمتين حلوين بعد الله ادلعي عليه قد ماتقدري بعدين المحروس يجي ياخذ الجو اسئلي مجرب هههههههه

نانا كيفك ياقلبي وكيف فهوود ان شاء الله كويسين انصحك باللولب احسن من الحبوب تراها متعبه انا ركبته بعد الاربعين على طول في بنتي وان شاء ناويه بعد هذا كمان

انشوده ونلي ووفقني ياربي ونور القمر وام ميسومه كيف الحمل معاكم وكيف البيبيبهات ان شاء الله تمام وكيف الصحه مافي كحه ههههههههههه

كتوكته وعبوووووره وكوكو وحجازيه وحلو انظموفي <<قائمه لم يولد احد>>ههههههه ايش رايكم في اللقب اماانتو حاله نادره بصراحه انا اللي تعبت مو انتو ههههههه يالله متى تخارجونا وتنتجوا كل وحده ترميها للثانيه شكلو بنسوي مسابقه بينكم الله يسهلكم ولادتكم يارب ويرزقكم بالذريه الصالحه

[وفقني يارب]

فديتك والله موني الحمدالله انا تمام بس مليت باقي لي نص سنه على التاسع

[وفقني يارب]

واااه ثلجه اذا عنايتهم سيئه بالاطفال الله يخلف على ولدي والله ماتركه لهم دقيقه
بس انا اخاف الدكتور صلاح ياخذني على قد عقلي لاني مرتبكه وخايفه وبيسوي لي بنج كامل مو موضعي
افكر احلفه على القران ههههههههههههههه وش رايك

واسالي جارتك حست بالم بعد العممليه وهم يطلعون البيبي منها حست بشي ولا عادي وكيف كانت يد الدكتور خفيفه ولالا

[ثلجه فوشيه]

أخباركم بنات ؟؟

انا قبل شويا جيت من عند اهلي مررا كان الجوو جنان جلسناا فيالحووش وسوالف وضحك مع المطره والجوو المغيم ياسسسلام وحشتني جلسه اهلي من زمآآآن .. ربي مايحررمني منهم : )


انشووده الله يعين من جد الأكتئاب هذا لازم منوو الله يعيننا بس ويسهل علينا ولادتناا يارب

مووني وحششششششتيني ياكسسسسسلانه تلاقي شعررك صارزي الحجر من الأسبريه خخخ
والله من جد الواحد يجي من المناسبه تعبان يدور المخده بس هههه الله يعينك ..

وفقني يااارب ايش يضحك عليكي ؟ هههه لا مافي يضحك عليكي الشي الي تطلبيه يسووه لانو هذي خاص وكل شي بسعررو ياحلوووه :)
اممم شوفي أنتي راح تعرفي كيف وقت العمليه يجي دكتور خاص للتخدير هوا يسويلك هذا التخدير وراح يعطيكي جرعه اظن هيا في الظهر وراح يقولك حرركي الجزء الي اسفل يشوف انتي تحسي والا لا وطبعا ماراح تقدرري تحرركي شي لا تنفجعي هههه لانو جارتي تقول انا اتفجعت لما قلي حركي رجوولك احسبصار فيني شي بس هوا قال كذا يشوفها تحس والا لا ؟ يعني مو أي احد يسويه لك في اختصاصي معين له وبعدين اكيد ماتحسي ولا بشي بس زي ماقلت لك
راح تكوني شايفه وهما يشتغلو ويتكلمو بس ماراح تشوفي شي من بطنك ابدن لانهم يحطوو حاجه يمنعوكي تشوفي بس تسمعي وراح يحطو بنتك والا ولدك على صدرك اول مايخرج شعوور حلو .. لا تخافي توكلي على الله ..

[وفقني يارب]

اي صح الدكتور صلاح قالي بكلم لك دكتور التخدير قلت يعني بياخذني على قد عقلي بيقولي الدكتور قال لا واذا نشبت له يقول قال طيب ويسون لي تخدير كامل
والله اني مرعوبه

[Compassionate Heart]

صباح الخير على اهل الخير صباح الغلا على الغالين

ربي يجعلها جمعه مباركه عليكم يارب العالمين ربي يحفظكم من كل شر

بنات انا يوم الاربعاء روحت المراجعه حقتي في الصاعدي على اساس القه دكتورتي رجعت من السفر و رحت الصباح المهم ما لقيت غير عبير و انا قبلها كشفت عند منال المهم دخلت كشفت المراجعه عند عبير و ماشاءالله عليها هاديه في كشفها غير عن دعاء و عن منال دخلتني على السونار و شافت كل شي ماشاءالله و صورت 6 صور و حسبت انا في اي شهر لاني كنت احسب اني ملخبطه بس طلع السونار و حسابي نفس بعض الحمدالله بس هذا التوقيع مادري اشبو يبغالو كف ^_^ المهم و شافت تحليلي حق الشهر الخامس و قالت ابغاكي تسوي تحليل مرا ثانيه عشان تشوف الحديد لانه كان 8 و هيا تبغى تشوفه اتعدل او لا و لقينا صار 9 بس قالت لازم تاخذي حبتين بدال حبه من حبوب الحديد و كمان تاخذي ابرا في العضل في الاسبوع مرتين لين وقت الكشف الجاي بس برغم اني اشوف الحديد كويس بس مادري خلينا ناخذ و من توكل على الله فهوه حسبو المهم نزلت احليل و كانت في وحده على وش ولاده نزلت و طلع لقيتها تصرخ اااااه قلبي وجعني و جسمي نمل خرجت ركبت السياره مع زوجي رحت المستهلك لانهم قالو نص ساعه و ان شاء الله الدكتوره تخلص خلصت النص الساعه و رجعت و على بعد اذان الظهر ولد ماشاءالله جابت ولد بس حزنت عليها انها بتخرج مسكينه بعد كم ساعه ربي يحفظها يارب و قولت انا كل ما اروح القي حالت ولاده مرا قيصري و مرا طبيعي نفسيتي تعبت ::^_^:: ربي يهونها علينا يارب
المهم و الخبر الثاني اني امس رحت عند صحبتي على اساس عزمتنا انا و صحباتنا على مشوي بس الله لا يوريكم ايش صار رحنالها الساعه 9 تقريبآ المهم شويه باشرتنا عصير و قهوه و حلا المهم دخلت المطبخ و قولنا خلينا نقوم نساعدها الاخت لسه ما تبلت انتو متخيلين صارت 10 و نص و هيا ما تبلت المشوي المهم اختكم مرا مسويه شملوله شمرت و مسكت الدجاج و قاعده اتبلو و هيا حطت الرز على النار المهم لازم ساعه او نص ساعه عشان الدجاج يشرب التبله صارت 11 و كم دقيقه لسه الفحم ما ولع فحم تنح تناحه زي الا جايبتو ههههههههههههه صحبتي ^_^ المهم لا و امي معايه و ام صحباتنا البنات معهم يعني لو كلنا صغيرين مع بعضينا مش مشكله بس صحبتنا ما تحس بفشله ولا شي لان اخذين على بعض مرا المهم طلعنا السطوح هو بيتها دورين و قاعده انا وصحبتي نولع الفحم ااااه كاني انا الا مسويه العزيمه و في مساعده بس كلهم بليدين و باردين بعدين جبنا المساند حقت الباطرمه و قعدنا عليها ااااااه يا ظهري و يا رجلي كم مرا جاني شد عضلي المهم و امي تخاصم و ام صحباتنا عشان تعبوني و انا ما ينفعلي التعب المهم صاحبت البيت قعدت تشرب شيشه اووووف اكره ريحتها و ريحت الفحم و ريحت كل شي خلاص انا ما هاكل مشوي لين سنه المهم قعدنا انا و صحبتي على الشوي و اثنين بس يتفرجو و الثالثه تشرب شيشه مع صاحبت العزيمه انتو متخيلين بس بصراحه انبسط بس مرررررررررررررررررررررررررررررررررررررا تعبت و سهرنا لينا الصباح و زوجي جانا ركبت السياره ريحتي شوي و اصرخ من ظهري امي تقول احسن تبغي تسوي شملوله و ام صحباتي تقول لزوجي ربي يحفظلك هيا لانهم جون معانه نوصلهم و صحباتي من جد حرمتك فزيعه شعور حلو ^_^ بس قدامهم سوا انو مبسوط رجعت البيت بهدلني بهدلت الكلاب انتي ما تخافي على نفسك انتي و انتي المهم انا جيت على عند امي امي قاعده تقوله معليش عاد و هدينا بس هو لسه زعلان و انا مرااااااااااااا تعبانه اقوه شي ^_^ بس ان شاء الله اراضي ^_* انتو فاهمين صح هو ما كان يبغاني اتعب هنا عشان هو يتعبني واحد خلبوص ههههههههههه ربي يحفظه

بنات الا تقراء كلامي لا تسوبني لان انا مرا هبله احوب اكتب بتفصيل القاتل المميت سمحوني الله يخليكم انا اسفه لو طولت بس عشان تعيشو الجو معايه ^_^ مفتريه احبكم اقوه شي

وفقني يارب
يارب ربي يسعدك و يحفظك لو ما اسئل على اخواتي و اكون معهم اسئل عن مين ربي يسهل عليكي لا تشيل هم الولاده من دحين خليها على ربنا هو خير حافظ و هو ارحم الرحمين

ثلجه فوشيه
و انتي كمان وحشتيني يا قلبي دوم يارب تكوني بالف خير اسم الله عليكي من الضيقه و البكه هونيها و تهون اذكري الله كثير (الا بذكر الله تطمئن القلوب) عسى ربي يسهل امرك يارب و تكوني بالف خير كويس انك رحتي عند اهلك الله لا يخليكي منهم يارب ^+^

•_• نـُور القـمَر •_•
هلا يا قمر انتي اخبارك بشرينا عنك كيف صحتك و انتي كمان وحشتينا ربي يسهل امرك يارب ويحفظك من كل شر

خطوة بريئه
هلا اختي نورتينا اما عن سؤالك في حساب الحمل ما عندي فكره ان شاء الله البنات ما يقصرو معاكي بخصوص المستشفى حكومي حراء خاص بخش او باشرحيل و عسى ربي يهونها عليكي طبعآ انا قولتلك عن المشتسفى على كلام اخوات هنا سبقونا في الولاده عسى ربي يسهل امرك يارب

حجــآزيــۃ
ربي يفرجها عليكي يارب وتقومي بالف سلامه ربي يعطيكي ساعة ولاده مباركه يارب

انشودةمطر
ايوا ماشاءالله الجو مرا روعه اهم شي تكوني تهنيتي فيه كيف ضرسك دحين عسى ربي يشفيكي يارب و يرفع عنك بحق لا اله الا الله ربي يهونها عليكي يارب ويحفظك من كل شر

ام ميسومة
^_^ يا قلبي حزنت عليكي يالله لم يرجع من الدوام اخرجي انتي و هو لو حتى لفه بسياره تغير جو ربي يسعدك ويحفظك من كل شر يارب

حلّو
هلا اختي انا ما اعرف اي شي عن هذا الموضوع بس لازم تشوفي الدكتوره لا يكون حسابك غلط او لا قدر الله لازم قيصري عسى ربي يكتبلك كل خير يارب و يهونها عليكي ان شاء الله البنات ما يقصرو معاكي باذن الله ربي يعطيكي ساعة ولاده مباركه يارب

أحلى موني
^_^ هلا يا قمر انا اقدر انساكي يا قلبي و انتي كمان وحشتيني انا بخير يا وجه الخير و البيبي يبوس راسك و امي الحمدالله بس دعواتكم عشان عمليتها في 27 محرم عسى ربي يهونها على الجميع يارب بشريني عنك و عن بنتك و البيبي ربي يحفظكم من كل شر يارب

خلاص بس كفايه خلاص ابغى اروح انام امواااااااااااااح

[انشودةمطر]

هاااااااااااااااااااااااي بنوتات كيفكم وش الاخبار
ثلوجه _ وفقني ربي - حجازيه - احلى موني - رحيمه ر- ونيلي- ام يسوري - ميسومه- نانا- نور القمر -خطوة بريئه كيفكم وكيف البيبيات ان شالله تكونو بخير وصحه وسلامه وتولدو على خير
حكايتي حكايه مع هذا الضرس اليوم بروح اليوم اشوف خف الالتهاب واذا خف اخلعه وبيني وبين نفسي زوجي راح عنده شغل واقول ان شالله يتاخر بسلامته عشان يروح عليه موعد الدكتور جباااااااااااانه
احلى عبوره واموره وكتكوته ان شالله تكونو ولدتو

[ثلجه فوشيه]

جمعه مباركه كروششات ..

رحيمه يااااااا الله كأني كنت معاكم قعدت اتخيل الجلسه وأنتو فيها < خيالها واسع ههههه

بس بصراحه أحب الجمعات الي زي كدا حلووه وتجي عفويه ماهو مرتب لها وتجي مخبصه

بعض الأحيان ويتاخر العشا بس عادي مدام مآخذين على بعض الوضع يمشي خخخخ

عليكم بالعافيه ياااااارب المشاوي بصراحه شهيتيني ههه بس برضو ترى مايصير تتعبي

نفسك بزيااده والله دا كلو راح يطلع من عينك على الثامن ونهايتو خخخخ اسأليني والله

الم الظهر دا متعبني < يعني يعني خبره ههههه المهم حاولي تراضي زوجك بكم كلمه

وماعليكي راح يرضى بس هوا زعلان عليكي عشانوو خايف يتغلى يعني كم كلمه على كم بوسه

ويرضى ان شاء الله ..

اما عن الشيشه وما أدراك مالشيشه هههه عاد حدث ولا حرج دا شي لازم منو بس ايش نسوي

أنا كل ما اروح جمعه أعاني من دا الشي بس احاول ابتعد عنهم شوويا ..

بعدين رحوومه من جدك انتي الحديد عندك كان 8 ؟؟؟؟؟

يووه يادبه انتبهي على نفسك ماهوو كويس شكلو من الشاي اللي تشربيه مااااااينفع

انتبهي انتي بالشهور الأخيره خلاص انا لما رحت عند الدكتوره أخر مره وحللت كان 9 وقعدت

تنصحني وتقولي مو طيب ترى الطبيعي 12 تخيلي !! المهم قالت لي خذي حبتين بدال الوحده وكلي اشياء خضره وزبيب وكبده وسبانخ واشياء فيها حديد

وبعدين لو ماتعدل خلاص راح آخذ ابر وشوفيني الين دحين ماحللت بروح احلل بكرا والا اليوم

عشان ابدا خلاص آخذ ابر لو لاقدر الله برضو نازل لانو قالت خطرر في الولاده مايكون عندك دم

لو صار شي لا سمح الله لأنو الحديد هوا نبه الهيموجلوبين في الدم يعني نسبه الدم في جسمك

بس وراح اشوف ادعوولي ياااااااااارب ما احتاج ابر عشان باقي 3 ايام وأدخل التاسع خلاص

بأذن واحد أحد ..


اممم انشوده هااااااا بشرري خلعتي ضرررسك ؟؟


وفقني يارب ..
ماراح يضحكو عليكي ولا تشيلي هم لساااابدرري مرا مرا مرا
فكري دحين في الي بطنك بنووته والا ولد بعدين شوفي ملابسهم راح تستمتعي وانتي تختاريلو
ملابسوو خلي الولاده اخر همك وربي يوفقك ...

حلوو ..
الله يسهلك والله ما ادري بس اعرف انو اكثر من اسبوعين لو ماجاكي طلق لازم تروحي لهم عشان لا يكبر البيبي والا المشيمه تشيخ انتبهي روحي ضروي .. ربي يسهلك ولاده حلوه وسهله