تجمع حبايبنا في منتدنا الحبيب

[آحسآس آنثى]

صبااااح الخيرات اخبااااركم
اليوم زوجي طلع جده مع صاااحبه ومابيجي الا الجمعه بيني و بينكم مقهوره منه طول الاسبوع وانا بالبيت كنت اتمنى ياخذني معه بس هذه من سابع المستحيلاااات كل مره يوعدني بطلعه و ماتتم احس حياتنا صارت ملل تخيلو ماشوفه الا نادر صحيح طيب و مو مقصر معي ولما اتعب يريحني من شغل البيت بس انا محتاجته
يعني اليوم ماطلعت العصر لبيت خالتي عشان اجلس معاااه قبل مايسافر لاكن للاسف دخل غرفته و قفل على نفسه للمغرب و بس طلع يصلي و طلع يتسوق للبيت من اكل للاطفال و للبيت و على طول مشي حسيت بقهر بس وعدت نفسي بان مابين له باني متضااايقه لان لو حس اني متضاايقه راح يفسرها باني انسانه انانيه و ماحب الا نفسي
لا والقهر ابوي زارني بعد مازوجي سافر و دخلته المجلس واول مادخلت ريحة المجلس كلهااا حشيش ارتبكت و انحرجت كان ودي الارض تنشق و تبلعني خفت ابوي يسآلني وش هالريحه وش راح اقوله و ابوي اكيد عارف هالريحه زين حتى ابوي تغير ساعة مادخل المجلس مع ان تكلمت مع زوجي وقلت له اتمنى تترك الحشيش بس صرفني
والحين ارسلت له مسج بانه احرجني مع ابوي و ليتك تتركه لان ماراح تستفيد من الحشيش اي شي لاكن كالعاااده مارد علي
حاسه الدنيااا ضايقه فيني
تدرون الي يقهرني بجده اصحابه يتجمعو بشقه و حشيش و حتى الصلاه بالبيت يصلوهااا عشان كذا اتضايق يوم يطلع جده
وهو عارف هالشي بس للاسف يقولي ربي بلاك بانسان مافيه خير اصبري و اسكتي و ادعيلي اقوله دام انت عارف اللي تسويه مو زين ليش ماتتعدل يقول الحرمه الشاطره تصبر و تسكت طيب هو لو شاف علي شي مو زين بيصبر علي زين اذا مارماني لشااارع
اسفه يااابنات من جد تعبااانه وابي احد يسمعني لان هالكلام مستحيل اقوله لاحد قريب مني لان راح يتشمتو فيني و ياااما مرت علي مشاكل واصبحت حديث المجااالس تقول مافي الدنيا الا اناااا

[غرااام]

الله يعينك ويصبركي على ماابتلاكي
ويهديه ويتركه عاجلا غير اجل ويبعد عن اصحاب السوء
الدعاء يابنات وينكم
حبيبتي فضفضي ماعليكي من احد واحنا بنسمعك وندعي لك حبيبتي
لكن عند الناس ماينفع تفضفضين والله انك صادقه اصلن بيفرحون فيكي الناس غريبه جدا تموت على المصايب الله يكفيكي شرهم
وربي حتى انا صرت اقول الي بقلبي لبنات المنتدى لاني وجدت من يساعدني على المرور بالازمات النفسيه التي تنتابني بسبب الذكريات المؤلمه الله يجزاهم الجنه ويجعلهم من نسائها
على فكره ماكنت اقدر افضفض لحد والي بقلبي بقلبي
لكن قلت ماتسوى الدنيا اعذب نفسي اكثر اقل شي اقول لاخواتي بالمنتدى بالذات اني احب اعيش وانا فالتها هههههههههههههههه ياشيخه ماراح ناخد من الدنيا حاجه بلا هم
اعذريني ليس بيدي غير الدعاء

[غرااام]

هلا بك شذا نورتي المنتدى
يا شيخه اسمك يفتح النفس مع صباح ربي خير
بروح اصلي وراجعه لكم
فديتكم والله

[شذا حداد]

هايييييي ايفري بودي ...كيف الحوامل

[4يو]

خذي راحتك احسااااس الله يعينك ويصبرك على مبتلاك ويهدي زوجك هايه لن يضل بعدها ابدا
ويريح قلبك ويسعدكي اخ بس من الناس حسبي الله ونعم الوكيل فيهم مصاييييب وربي همي صغير عندهم هم يكبروووو الموووضوع ويخليه مثل سبق هههه
نورتي التجمع شذا

[غرااام]

ههههههههههههههههههه

حلوه سبق ههههههههههههههههههههه
كثري منها بالفعل تصير مثل سبق
صباحك يا عسل اخبارك اليوم وكيف اولادك ياحلوه وكيف الحمل معاكي

[غرااام]

ام نايف ويين كيس الهوا تبعي

والله شكلك خلصتيه بطريق الرجعه ههههههههههههههه

انتي وكرشتكي

[غرااام]

بنات اليوم اتحلمت حلم غريب في وحده من اخوات زوجي
وماادري ايش معناه
مع ان قبل كيدا اتحلمت فيها والله يابنات صاار نفس الي بالحلم بس اخذ فتره طويله على ماتحقق مع اني ماذكرت الحلم لاحد
طبعا احلامي دائما تتحقق والشئ الي احس فيه يصير
افسر الحلم ولى اتركه
خير يكون وشر يبعدوا عنا يارب

[4يو]

هههههههههههههه
لا اارسلته عبر الاثير ماتشوفين الجو برد شوي
الحمد لله طيبه بس عيالي مطفشيني الصغار

[4يو]

يارب انتي توكلي على الله ولا تفكري كثير في احد