صار وقت احكي تجربتي و عقبال ما الكل يحكي تجربته هون يارب قريبا جداً جداً :)
رح ابلش من قبل الزواج
كنت مهمله بحالي كتير ضلت دورتي تتلخبظ لمدة سنه و ما راجعت لتحتى صار تيجيني 21 يوم متواصل و صار عندي فقر دم حاد ... لما راجعت طلع عندي الحمدلله اكياس دم و بطانة الرحم المهاجرة و تليفات و التصافات و كله بمرحلة متأخرة لانه انتأخر كتير بالفحص ... عملت عمليه لشيل الاكياس بس الدكتورة ما عرفت تشيل كل شي لانه الالتصاقات كانت كتير ... بعد العمليه الدكتورة حكتلي ما تحكي اللي معك لحدا حتى اهلك لانه اذا حدا عرف ما عمرك رح تتزوجي لانه مستحيل تخلفي طبيعي و صعب جدا بالعلاج
بعد شهر من هالحكي تقدملي زوجي الحالي و طبعا اول شيء عشان ما تتم هالزواجه حكيتلو عن العمليه و حكيت لاهلي و اهلى حكوا كمان معه و حكولوا ما في نصيب و بنتنا راضيه بنصيبها و ما بدها تتزوج ... و طبعا عشان رحمه الله كبيرة هو تمسك فيني كتير و اصر و قال انا بتكفل بكل علاجها و انا راضي و صار النصيب بفضل الله
بلش مشوار العلاج منشطات و ابر تفجير لمدة سنه! شهرين ما تتطلع و لا بويضة و شهر بويضة و ما يصير حمل بعديها نصحتنا دكتورتي باطفال الانابيب لانه المبيض اليمين كله مش شغال و الشمال من العملية ضعيف جدا
رحت اول مركز و بلشنا منشطات الحمدلله طلعت بويضة وحدة فقط فالدكتور رفض يعمل العمليه على بويضة
رحنا على الاردن و عملنا العمليه هناك و برضو بس بويضة وحدة و الدكتور كملي العمليه و الحمدلله تلقحت الوبضة بس الله ما راد ان تثبت لان بصراحة كانت نفسيتي و كل الظروف حولينا مش ملائمة و كنت اصلي استخارة و الامور تتلخبط بس كانت اختي الكبيرة مصرة اكمل
رجعت من الاردن للامارات و قررت ارجع لحياتي طبيعية خصوصا انه زوجي الله يحفظه و يحميه كان كتير واقف معي و يصبرني و يحاول يخفف عني بس طبعا العقل الداخلي ما ببطل تفكير بالموضوع قررت بس ارجع اعمل تشيك بعد العملية ان كل شي تمام فالدكتورة نصحتي اعمل فحص بحددوا فيه نسبة البويضة المتبقية عن الست عشان على هواه نبلش علاج و فعلا عملت الفحص و هون كانت الكارثة .... طلعت النتيجة 0.01 يعني تقريبا صفر يعني ما في بويضات ضايل عندي !!! هون اسودت الدنيا بعيني ... حكتلي ما بنقدر نبدأ علاج هلأ و كتبلتي على دواء DHEA لتحسين نوع البويضات و فيتامينات لمدة 3 اشهر و بعديها اعيد التحليل اذا في تحسن او لأ و بعدها بنقرر اذا في مجال لاطفال الانابيب او لأ
طلعت من عندها على مركو بريطاني جديد فاتح في دبي و كتير كبير ... لما شافوا نتيجة التحليل برضوا رفضوا يعالجوني و حكولي خلص ما في امل و عم بتضيعي وقتك و مصاريكي
طلعت من عنده على البيت ابكي و اصلي و ادعي و ضليت 3 اشهر اخد الادوية و ادعي و بعد ال 3 اشهر رجعت حكيت من دكتورتي عشان نعيد التحليل الا هي مسافره و هو بضو اسودت الدنيا بعيني و صرت اصلي استخارة و ادعي الله اذا ما كتبتلي الذوية يارب انك تتوفاني لعندك من كتر ما كانت نفسيتي تعبانه
فجأة خطر في بالي اشوف شو في مراكز بالشارقة و اقلها اخد رأي جديد و فعلا على الانترنت و اذا في مركز جديد فاتح بالشارقة من سنه لانه هالعمارة بالذات انا كنت اعرفها و متأكده انه ما كان فاتح المركز و قرأت انه عندهم دكتورة باكستانيه شاطر و فعلا اخدت موعدي و رحت عندهم و كان زوجي مسافر لانه هو كان يحكيلي لازم ترتاح و تنسي الموضوع
رحت شفت الدكتورة و كتير كانت منيحة معي صحيح انصدمت من التحليل بس برضو حكيتلي دايما في امل و بس خلصنا كل المعلومات المطلوب حكتلي بصراحة خلينا ناخد كمان راي مدير المركز هو اخصائصي اطفال انابيب و خبرته كبيرة بالمجال هو دكتور هندي و عايش طول عمره ببريطانيا و فعلا رحنا عنده و تحمس كتير على موضوع و صار عنده تحدي انه يعملي العمليه
انا بصراحة كنت مترددة لانه كنت بدي الدكتورة كنت كل مرة احجز موعد عن الدكتورة مش عنده و الدكتورة تحولني عنده هو حس فالاخر حكالي trust me please! i, هون استحيت و كملت معه زي الشاطرة و بعد كل التنشيط طلعت برضو بويضة وحدة فقط لا غير و الحمد لله تلقحت و الحمد لله ربنا كتب للعمليه تنجح بكرمه يارب و رحمته و هاي انا في الاسبوع السادس و يارب يكتبلي اشوف ذريتي يارب و يفرح قلبي
و عقبالكم يارب كلكم ... انا كتبت قصتي كاملة عشان بس تتفائلوا انه ما في شي على ربنا بعيد و رحمت الله وسعت كل شي ... اذا اراد شيء ان يقول له كن فيكون
ادعولي