ديوانية حوامل البحرين

[ماكس مارا]

شخباركم يابنات ..

وانا راح انضم لكم ..

انا اخر دورة كانت ب3 - 5 - 2010

رحت الطوارئ قبل 5 ايام ومابان شي بالسونار الخارجي .. وطبعا قالوا لي عن السونار المهبلي ورفضت .. وسويت تحليل هرموني والحمدلله تمام

واللحين ابغي اعرف متى يبان بالسونار الخارجي علشان اروح لدكتورة بالخاص واتابع معاها

وياليت يابنات تقولون من افضل دكتورة اقدر اتابع معاها ؟؟

[زهر الرمال]

أخت نبيله اتقومين بالسلامه ان شاء الله والله يسهل عليج يارب العالمين

أختى ماكس الله يثبت لج حمالج يارب العالمين

مافي فرق بيني وبيج واايد يمكن أسبوع أخر دوره لي كانت 25 / ابريل
أروح لدكتوره فكريه الحين رحت لها مرتين لأني آخد مثبتات حمل
وبتابع معاها أن شاء الله
بس يمكن باقي الأخوات يعطونج أسامي دكاتره


وحياش الله بينا

[أم _ أحمد]

حروف عاشقة الله يتمم لج على خير حبيبتي ،،، والحمد لله يوم خفت النساه عنج، وعشان لصخونه اشربي عصير برتقال طبيعي او ليمون عشان فيتامين c وما تشوفين شر .

___________________________________

حياج الله عيني باشا نبيلة وان شاء الله تقومين بالسلامة .
________________________________

ماكس مارا حياج الله حبيبتي احسن شي سويتينه انج رفضتين الفحص المهبلي ، كانت عندي نفس المشكلة ورحت الشفاء والحمد لله طمنوني. بانسبة عن افضل دكتورة انا اسمع انهم يمدحود د. وهيبة او مهيبة مو ذاكرة اسمها بالضبط وعيادتها بس عصر.
______________________________________

[أم _ أحمد]

بنات بغيت استفسر انما صار لي الحين اكثر من 10 ايام وللحين ينزل علي وصخ بني مع اني اخذ مثبتات _ ابر وحبوب _ عندكم فكرة كم يستمر الموضوع لان بصراحة لاعت جبدي

[حروف عاشقة]

اهلين ام احمد

خيو انتي يبه ليش راحة تامة لا تتحركين عشان توقف عنش الافرازات وسألي الدكتورة إلي تابعين معاها احسن بعد ..
والله يثبت ليش حملش ..
--------------------

خيوتي حنين الماضي
مسامحة خيوتي ما رديت عليش إلا متأخر صرت مريضة حتى صوتي ما يطلع وادا تقدرين تخلين ارقام الدكتورة عشان الكل يستفيد خيوتي بكون شاكرة ليش
والله يتمم ليش على خير ..

[زهر الرمال]

أختى أم أحمد ليش ماتقولين للدكتوره يمكن عندش التهااب

أني ينزل مني لونه أبيض مايل للصفره بعد أحسه أمس واليوم بكثر ينزل مادري ليش

مع أني أمس رايحه للدكتوره بس ماقلت لها ولاشي

خليها على الله

[نبيله]

بس سؤال اختي ام احمد.... هذا اول حمل ليش؟
عموما لا تخافين وتحاتين واجد..لأن مو زين ليش في هالفتره...ارتاحي ولا تبذلين مجهود واجد ودائما طمني روحش واذكري الله..والله كريم
الله يتمم ليش بالخير.

[حنين للماضي]

حبيبتي أم أحمد لاتحاين ولا شيء أني أختي كان ينزل عليها دم في حملها بعد تى تقول كانت تحط كوتكس ساعات من كثرته ولا كانت تاخذ مثبت ولا شيء والحمدلله جابت أحلى عباده في الدنيا
الافرازات أثناء الحمل شيء طبيعي واذا الوحدة حطت الخوف في بالها اهني المشكلة

أني بصراحة من يوم حملت تعلمت معنى الصبر والتوكل على الله وحطيت هالآية في بالي على طول((قل لن يصيبكم إلا ما كتب الله لكم))

أختي حروف عاشقة هاي رقم عيادة الدكتورة سميرة مدن 17260909
واذا عندش استفسار تقدرين تتصلين ويحولونش على الدكتورة اذا عندها وقت بترد عليش على طول بكل طيب وسعة صدر

وهاي موقع الدكتورة http://www.evamadan-clinic.com/

[زهر الرمال]

ها شخباركم حوامل ديرتي

وينكم مااشوف لكم حس

كله بالوحام؟؟

للحين ماتوحمت آنا مادري خايفه أقول يمكن مو طبيعي؟؟؟؟؟

طمنوني

آنا في الاسبوع السادس
وماتغير علي شي

طبيعي؟؟

[حنين للماضي]

المشاركة الأصلية كتبت بواسطة زهر الرمال

ها شخباركم حوامل ديرتي

وينكم مااشوف لكم حس

كله بالوحام؟؟

للحين ماتوحمت آنا مادري خايفه أقول يمكن مو طبيعي؟؟؟؟؟

طمنوني

آنا في الاسبوع السادس
وماتغير علي شي

طبيعي؟؟

لاتحدسدين روحش ان شاءاله مايجيش خير شر
أني امي تقول ما كانت تحس طول فترة الحمل لا وحام ولا شيء
الامر طبيعي
أني ابتدأ ويايي من سابع اسبوع وكل ماطوف المدة يزيد للأسف بس اشوه مو طول اليوم يروح ويجي

الله يعدي هالايام على خير