صباح الخير يا بنات بلدي الغالي الحاضرين و الغايبين*
أم ملاك الغالية *كيفك وكيف ملوكة العسولة والامير مالك ان شاءالله تكونو *بألف خير و الله يهون عليكي ولادتك و يسهلا و يجي مالك بك بخير وسلامة يارب*
سيلا الحلوة الزغتورة هلئ لعرفت انو عمرك 20 العمر كلو ياقمر وان شاءالله بتقومي بالسلامة و بتجيبي أحلى كرومة الله يهون عليكي ولادتك و يجعلا متل رفة العين*
هدولة الامورة كيفك و كيف رنوش القمر ربي يتملك شهورك ع خير يارب و يقومك بالسلامة*
جوري الحبابة كيفك يا قلبي و كيف يزوووون العسل ما شاءالله لاقوة الابالله الله يحميلك ياه يارب و يخليلك أهلك فوق راسك لكن يا عمي زيارات و قصص هههه الله يهنيكن*
أم يويو صباحك فل حبيبتي و مبروك ذهور يوسف و عقبال ماتشوفي أحلى عريس ان شاءالله*
ندى الشام كيفك حبيبتي و كيف ندووش الحلوة لازم تنزليلنا صورها بدنا نشوف هالقمر وان شاءالله بتدخلي و بتبشرينا بحملك يارب*
لولي اهلا وسهلا فيكي حبيبتي نورتي التجمع و بين اخواتك انتي ما بدك ترحيب يا قلبي ألف مبروك حملك والله يتملك ع خير*
أنا نور من اللادئية و عمري 25 و صرلي سنتين و حبة ههه متجوزة ولسا ربي ما طعمني ولاد بدك تقولي شو عم ساووي هووون و اتسائل عليكن مرة فتت بدي اسال الصبايا اللي ساكنين بالرياض عن دكتورة و علقت بهالحلوات ومالي قلب اتركن وهنن الله يسعدن يارب رحبو فيني و حسسوني اني وحدة منن ، انا متخرجة تجارة و اقتصاد اشتغلت سنة و بعدين تجوزت و حاليا بالرياض مع جوزي وما عم اشتغل شي هو مالو خاطر بشغلي مع انو انا حابة كتيير
سيدرة صباحك زنبق حبيبتي انتي وعبوة العسل ماشاءالله عليه وسلامة قلبو للحلو من المغص
سروءة كيفك حبيبتي وكيف جوود العسولة اشتقنالك*طمنيني عنك
أم عائشة وينك بهالغيبة اشتقتالك الله يقويكي و بعطيكي العافية يارب*
شام الهوووى اشتقنا لطلتك و اكلات الطيبة ان شاءالله تكوني بألف خيرر*
وردة سورية زهرة الحب الله يحميكن يارب من كل مكرووه و يخفف عنكن و يكون معكن و يحمي شباب الجيش الحر اللي عم تدافع عن الارض والعرض*
عبير حبيبتي كيفك و كيف الحلو الله يخليلك ياه ويارب تكونو بالف خير*
وردة حلب كيفك حبيبتي و الله يحمي اهلك يارب ويكوون معن*
انا منيحة الحمدلله مشغولة عنكن بسبب رمضان الله يعيدو علينا و عليكم و ع امة محمد ، عزايم وقصص والشغل برمضان ما بيخلص وأهلي مناح الحمدلله بس يا قلبي عليهن طول الوقت مقطوعة عندن الكهربا و بيطلعو من البيت شوي الصبحيات و بعدين ما عاد بيسترجو هلئ يمكن بالاخبار بتفكرو انو مافي شي باللادئية بس عنا بريف اللادئية شاعلة الدنيا والله ينصر الجيش الحر ويقويه أما جوات المدينة بمناطقنا كل شوي والتانية انفجارات و اعتقالات حسبي الله عليهم و بالمناطق التانية و فهمكم كفاية عايشين حياتن و متهنيين الله يريحنا و يخلصنا ع خير*
يمكن اول مرة بلعي هالئد سامحوني*
بحبكن كتييير و بوسااتي للئطئيط الزغااار*
08-08-2012, 04:12 AM
رد: تجمع حوامل سوريا-دردشة ورود سوريا-دردشة الغاليات
@أم يويو@ 
جديد منتدى إستفسارات حوامل من الشهر السابع إلى الشهر التاسع
العرض المتطور
