تجمع حــوامل التوائم

[توينز 2010]

المشاركة الأصلية كتبت بواسطة توأمي فرحة عمري

السلام عليكم
مبارك عليكم الشهر

بالنسبه لقصتي بدأت يوم الجمعه يوم سألتكم انه تنزل علي مويه قليله جداً
وانا طنشت الموضوع ورحت نمت وانا نايمه الساعه 3 الفجر فجأه نزلت
مويه كثيييييييييره وحااااره حسيتها انفجرت انفجار وقمت مفجوعه ناديت أمي
بأعلى صوتي وجسمي يرتعش حتى أمي ارتبكت مره وع طول ركبنا السياره
وسيدا ع المستشفى دخلت الطوارئ والمويه تنزل شلالات كان وقتها دكتور
مداوم وقال لازم يفحصني ورفضت بشده وقامت الممرضه فحصتني وتألمت
وصرخت ماكان مفتوح إلا 1سم ومافيه آلام دخلوني قسم الولاده وتعالوا شوفوا
دخلت على أصواااااات الصراخ كان كثير يولدون هذاك اليوم ماشاءالله وانا
تحجرت بمكاني وميته من الخوف دخلوني الغرفه وحطولي جهاز الطلق وتخطيط
لنبض الأجنه ومغذي وانا عقلي مع الصراخ اللي أسمعه احس كأنها غرف تعذيب
وقاعده ادعيلهم واقول متى يولدون ويرتاحون من هذا العذاب المهم صلوا الناس
الفجر وطلع الصباح وانا ممده على السرير مادري وش مصيري وفجأه تفاعلت
مع الناس وجاتني آلام قويييييه بظهري وبطني وصرت أتألم وأتلوى وانا
من الخوف كنت ناويه اقولهم ولدوني قيصري شوي جات دكتوره قالت ابي
افحصك قلت انا ابي أولد قيصري عندي توأم ومااقدر أولد طبيعي>>طبعاً من اللي سمعته تجننت
قالت لازم أول اشوف الرحم واذا تبين عمليه عادي قلت طيب فحصتني وقالت
2سم بس الراس نااااااازل وانا خفت قلت لالا ابي قيصري راحت الدكتوره
وقعدت انا بحاله نفسيه مايعلمها إلا الله اقول بنفسي هذولا موقادرين يولدون
واحد كيف انا بولد اثنين طبيعي وكل شوي يجون يقيسون الضغط وكان
الضغط زين وجلست لين الساعه 10 الصباح شوي جات الدكتوره ومعها
دكتور وقال ليش طالبه عمليه قلت لأني بكريه ماقدر اولد توأم وخايفه قال لاعادي
وضع الأجنه طبيعي وتقدرين عاد انا وقتها مادري وش صارلي قمت ابكي
زي الصغار واقول للدكتور لالا ماقدر اولد انا خايفه سوولي عمليه
وابكي بكا من قلبي والدموع شلالات وأعصابي منهاره والدكتور قال للممرضه
تقيس الضغط والضغط طلع عندي عااااالي ارتفع بسبب جرعات الخوف اللي
اخذتها من اول مادخلت طبعا اول مره يرتفع عندي الضغط وعلى طول الدكتور
قالي خلاص بنجهزك لغرفة العمليات وانا فرحت ووقفت البكا خخخخخخخ
وخلوني اوقع على العمليه وجهزوني وركبولي قسطره وطلعوني لغرف العمليات
وكانت أمي مسكينه برا شافتني وجات تجري وراي وانا ع السرير وقالتلهم
ليش مابتولدونها طبيعي قالت الممرضه لا خلاص الضغط عالي وانا اقول
لأمي خلاص خليهم انا ابغى عمليه خخخخخخخ >> يتبــــع

هذي قصة ولادة من الصفحات السابقة ..........عجبتني حركة البكاااااااااااء اللي تبي عملية تفتح حلقها بالصياح ....خخخخ امزح ترا .... بس ما الومها بكرية وخااايفه واللي حولها خوفوها اكثربالصراخ
الوحدة بالطلوق وبالولادة تكون معها ملائكة والله ييسر لها ان شاء الله ........ يالله اللحين صارت القصة ذكريات عندها. عقبالنا ...

[حزن الزمان]

شخبار بنوتك ياتوأمي ... كملي القصة وهل القسطرة مؤلمه والعملية شلوووون ؟؟؟
بنات مشكورات على كل من سأل عني ؟؟
اليوم خذيت ابرة الرئة الساعة 9 وبكرى لازم اخذها بنفس الوقت ؟؟؟
أنا بالسابع بالسونار الاسبوع 28 والدكتورة لأنها بتسافر كتبتها لي قبل ...وهي بتجي 4/9 بكون دخلت الثامن ..
بنات كله عيوني نعسانة وما بي اقوم من النوم أنا كل حملاتي كذا النوم يحيني بالأشهر الأخيرة مادري ليش ؟
عسولة يا قلبي كثري استغفار وريحي نفسيتك وخذي الامور بشكلها الطبيعي ولا دققين على التفاصيل بتتعبين

[نورة نايف]

صباح الخير جميعا
كيفك توامي نستنى باقي القصه

[حزن الزمان]

هلا وغلا نارا شخبارك وش قالت لج الدكتورة وشلون اوزانهم طمنيني عليج ؟؟

[أستاذة ذوق]

دخلوني غرفة العمليات يوم السبت الساعه 11 الصباح وأول مادخلت الغرفه
كنت عادي بس شفت الغرفه كبيييييره وباراااارده وشفت الإضاءات اللي فوق
اول مره اشوفها ع الطبيعه مادري وش صارلي وقتها جاتني رجفه عجيبه بجسمي
صار جسمي كله يرتعش وينتفض لدرجة اني كنت بطيح من السرير شافني دكتور التخدير
وقالي اشفيك خايفه ولا بردانه وانا ساكته لأني مادري اصلاً ليش ارتجف
صار يقولي اتوكلي على الله ويقولي أدعيه المهم انا لما شفت نفسي خايفه ماطلبت
بنج نصفي لأن اعصابي تعبانه حطولي كمامه واستنشقتها ورحت فيها نوووووومه
شوي واحس الممرضه تصحيني وقمت حسيت الموضوع مر بسرعه خياليه
وبدأت احس آلام العمليه صرخت واعطوني ابره مسكنه وكنت احس راسي ثقيل
من البنج حتى اني ماسألت عن بناتي طلعوني غرفة الإفاقه وقاسوا الضغط
ومثل ماهو مرتفع وخلوني أنام عشان يتعدل الضغط شوي وصحيت والممرضه
جابت بنتي واعطتني اشيلها وانا دااااايخه وسألتها عن الثانيه قالت في العنايه
عشان وزنها قليل وهذا كله وانا بغرفة الإفاقه مارضيوا يطلعوني تنويم عشان
الضغط مو راضي ينخفض وأهلي ماشافوني وانشغل بالهم وكل شوي يدخلون
عندي يعطوني مسكن ويخلوني انام وعلى هذا الحال من السبت إلى اليوم الثاني
الأحد في العصر وممنوع عني الزياره وأمي تجننت تقول خلوني اشوفها
يقولون هي كويسه بس مانقدر نطلعها الضغط مااعتدل أهلي شافوا بناتي وماشافوني
وانا كل ماافوق اقول طلعوني تنويم ابغى أمي تشوفني وهم يعطوني مسكن عشان أرجع انام والمويه مايشربوني إلا قطرات
يقولون نامي عشان الضغط يتعدل ويوم الأحد العصر جات الدكتوره وقاسوا الضغط
وطلع أحسن من اول وقلت للدكتوره انا بغى اشوف أمي قالت خلاص طلعوها تنويم
وماصدقت طلعوني وجات أمي شافتني كان بالها مشغول مره وزوجي كان يتصل
لأنه مسافر وقاعد قلقاااااان وماصدق كلمني
بس هذي قصة ولادتي كلها أكشن
والدكتوره قالت يوم طلعت من المستشفى لازم كل فتره تشيكي على الضغط

الله يسهل عليكم ويخفف عنكم برمضان ان شاءالله ماتحسون بأي تعب

[حزن الزمان]

بنات دكتورتي مسيحية بس قالت لي الصيام يفيد الاجنة ولازم تصومين افضل سبحان الله ...الله يقويني يارب

[أستاذة ذوق]

هـــلا حزن ونوره شخباركم

القسطره عادي ألمها بسيط جداً كأنها وخزه عاديه
والعمليه لما كنت بالمستشفى ماكنت أحس بألمها لأنهم يعطوني على طول
ابر مسكنه خمس ايام على الابر
وفي البيت بدأت أحس بآلامها بس مومره زي ماتخيلتها لاعادي كأنه جرح
مثل ماتحسين لما تنجرحين جرح عادي يعني ألم تقدرين تتحملينه
بس انا آخذ حبوب مسكنه كتبوها لي والحين الحمدلله حتى الحبوب وقفتها
بس عمليتي لسه مافكوا عنها اللصق عشان فيها شوي دم وبكرا عندي مراجعه

وجواب على سؤال هجران انا كنت متابعه أوزان البيبيات وكان الفرق 300 جرام
بس بالشهر الأخير مادري ليش توقف نمو وحده منهم صارت الثانيه بس تزيد
مع انهم بمشيمتين والحين مختلفين كل وحده شكل بس يتشابهون شوي

واللي سألوا عن بنتي الحمدلله أمس زرتها بدأت تتحسن وزادت 100 جرام
وشالوا عنها الأنبوب اللي تتغذى منه لأنها كانت ماتتقبل الرضاعه فصاروا يرضعونها
عن طريق الأنف بس الحين الحمدلله صارت ترضع عادي بالرضاعه ... نحمدالله

بالنسبه للأسماء أبوهم سمى وحده سهى وانا سميت الثانيه سجى

[هجران]

المشاركة الأصلية كتبت بواسطة توأمي فرحة عمري

هـــلا حزن ونوره شخباركم

القسطره عادي ألمها بسيط جداً كأنها وخزه عاديه
والعمليه لما كنت بالمستشفى ماكنت أحس بألمها لأنهم يعطوني على طول
ابر مسكنه خمس ايام على الابر
وفي البيت بدأت أحس بآلامها بس مومره زي ماتخيلتها لاعادي كأنه جرح
مثل ماتحسين لما تنجرحين جرح عادي يعني ألم تقدرين تتحملينه
بس انا آخذ حبوب مسكنه كتبوها لي والحين الحمدلله حتى الحبوب وقفتها
بس عمليتي لسه مافكوا عنها اللصق عشان فيها شوي دم وبكرا عندي مراجعه

وجواب على سؤال هجران انا كنت متابعه أوزان البيبيات وكان الفرق 300 جرام
بس بالشهر الأخير مادري ليش توقف نمو وحده منهم صارت الثانيه بس تزيد
مع انهم بمشيمتين والحين مختلفين كل وحده شكل بس يتشابهون شوي

واللي سألوا عن بنتي الحمدلله أمس زرتها بدأت تتحسن وزادت 100 جرام
وشالوا عنها الأنبوب اللي تتغذى منه لأنها كانت ماتتقبل الرضاعه فصاروا يرضعونها
عن طريق الأنف بس الحين الحمدلله صارت ترضع عادي بالرضاعه ... نحمدالله

بالنسبه للأسماء أبوهم سمى وحده سهى وانا سميت الثانيه سجى

الف الحمد الله ع سلامتك حبيبتي كل هذا الاكشن مريتي فيه تصدقي أنتي تحكي واتخيل نفسي
لأن بإجهاضي الاول مريت بإحداث قريبه من إللي صار لك تعذيب من الليل لليوم الثاني حاطيني كذا أنزف وكل دكتوره تجي تفحصني وتعذبني وتروح عني وانا طول الليل أتالم وغرقانه كاني نافوره مفتوحه تعذبت كثير كنت موجوده من الساعه 11 بالليل ولليوم الثاني مع أن الدكتوره أعطتني أبرة تنويم حتى أنام ع الساعه 3 بالليل لكن ما فاد مفعولها معي إلا الساعه 7 الصبح وكنت بالعنايه والساعه 8 صحيت على آلام قويه أقوى من إللي قبل وبغيت أموت لدرجه دخلوني العملية الساعه 10 ونصف وكنت على السرير أتلوى مثل السمكه والله آلام قويه حيل ما تنوصف هذا إلا إجهاض كذا وكانوا يريدوا يسون لي عملية تنظيف وفجاه شفت نفسي بغرفة العملية والله أني جالسه أترجى كل مره أحد عشان يخدروني وارتاح من الام حاطين الاكسجين وانا أشيله واقولهم بسرعه بمووووووووووووت
بعدها ما دريت إلا وانا صاحيه واشوف الدكتور ماسك إيدي يصحيني يتأكد إذا مت وإلا لساتني عايشه لأنه هو دكتور التخدير واشوف عليه وارجع أنام وبعدين صحيت وكان يسألني عن أسمي يشوووووف الذاكره موجوده وإلا أستخفيت

والحمد لله طلعت وكأني مولوده من جديد
وحست أن الدنيا غير
وان الصحه ما تتعوض صح أني فقدت جنيني وكانت نفسيتي تعبانه بس الحمد لله طول فترة أتألم أقول اللهم آجرني في مصيبتي واخلف لي خيرا منها

والحمد لله رب العالمين الحين أنا حامل بتوام وربي يتمم على خير وعلى الجميع
وهذا فضل ونعمه من الله وعوضني خير على صبري
مع أني متزوجه 2009 وعلى طول حملت بس ما كملت شهرين إلا صار لي إجهاض
والحمد لله رب العالمين

والسموحة على الاطاله بس حبيت أخبركم بقصتي

توأمي فرحة عمري ربي يحفظ لك بنوتاتك وتقر عينك بشوفتة بنتك بين أحضانك

وربي يسهل ويسر علينا جميعاً كثروا من الاستغفار والدعاء وهذي فرصة بهذا الشهر المبارك

بالنسبة لكلام دكتورتك أختي حزن الزمن أحس كلامها معقول لأن الصوم شيء زين
والله يقدرنا ونصوم

[نـــــــارا]

توأمي ألف مبروك والله يخلي لك سهى وسجى وتفرحي فيهم يا رب وتحضني الثانية
وإن شاء الله جرح العملية يشفى بأسرع وقت وترتاحين

حزن الزمان.. طمنتيني على الصيام كنت خايفة انه يأثر على الأجنة وكل همي احط لي برنامج غذائي يساعدني على صيام الشهر

بالنسبة لبناتي الحمد لله قالوا لي وزنهم زين وطبيعي وحدة منهم 960 جرام والثانية أقل شوي
الفرق بينهم 80 جرام.. إن شاء الله يستمر الفرق هالكثر وما يزيد وأولدهم بأوزان حلوة

حوامل حبيت انبه أنكم لازم تهتمون لأكلكم
التفاح مفيد جداً ويقي من الأمراض وهالجو الواحد يلتقط فيه الرشح والزكام.. يومياً اكلي تفاحة
والموز مغذي وايد حاولوا تاكلونه بين فترة وفترة
ويومياً لو على الأقل كاسة حليب بالإضافة إلى منتجات الحليب الأخرى.. أجبان وألبان وأيسكريم ومهلبية وهالسوالف
عززوا نفسكم بالبروتين لأن الأجنة محتاجة تبني لحم خاصة بالأشهر الأخيرة اللحوم بأنواعها ولازم تكون مطبوخة زين

وحاولوا تاكلوا التمر ولا تخافوا.. التمر راح يسبب لكم مغص ولكن ما راح يجيب الطلق لأن التمر مسهل وراح يخفف الإمساك وبنفس الوقت مغذي غني بالحديد وكافة البروتينات والفيتامينات والمعادن والأملاح
واللي ما تحب التمر عليها بالزبيب لو على الأقل كل يوم 7 زبيبات

وأكثر شي يرفع الدم الخضروات الخضراء والورقية
عليكم بالسلطات اللي فيها خس وبقدونس وطبعاً الطماطم مفيدة جداً وتقوي الدم

ولا تهملوا الحبوب أبداً حتى لو كان أكلك زين

وربي يسهل علينا كلنا يا رب

[البرنسيسة..؟]

توأمــــــي خوفتــــيــني عـــلى الـــوزن لانهم بمشيمتين ووقف نمو وحدة من التوام..