تجمع حوامل ليبيا

عيون زوجي · 12-04-2010, 05:39 PM

هادي ليونة بنت لولي
صلوا عالنبي
توت توت ليونه تبي تفوت

عيون زوجي · 12-04-2010, 05:41 PM

ما عرفتش البسها لا عربي طرابلسي ولا عربي شرقاوي
ولهدا خليتها بلا حوايج
ههههههههههههه
سامحيني عارفه الجو صقع
بس منشان الصورة تتطلع حلوة

عيون زوجي · 12-04-2010, 05:45 PM

سورينام كملي قصة فراس الليله
كل كلمة نقراها نتخايل
فيك قدامي وتهدرزي اعليا وتحكي
بعد قصص الولادة
رح نحكوا مواقف طريفة في الولادة
لان الضحة ديمة تجي مع الدموع
تفضلوا كابتشينو سخون
يصلح لجو المطر

حنين بالذات اكيد
هالفنجان ينحيلك الدراه كبد متاعك

عيون زوجي · 12-04-2010, 05:50 PM

ايه وميمونه كيف حالكم
ام روفيدة بري عايني
في بريطانيا فيه اطباء واخصائيين نفسيين
يساعدوك
تخافي يا حبيبتي حالتك تزيد
بنت عم بوي جتها كأبة مابعد الولادة
الشهور الاولى الوضع مقدور اعليه
لكن بعدين بدت تبي تلوح ولدها
وتخلي فيه جعان ويبكي وهي تشوفله
لاننا في ليبيا
الطبيب النفساني معناها المريض مجنون
بالعكس العالم المتحضر كله يزور في اطباء نفسيين
باش ينفسوا عن مشاكلهم ويرتاحوا
بنت عم بوي بعد عام ولت طبيعيه
لكن لليوم ولت شخصيتها وحدة تانيه
تعبانه ومرخيه ومتبلده
ديري بالك على روحك
وبعيد السو اعليك يا اوخيتي.....

عيون زوجي · 12-04-2010, 05:51 PM

نسرينا وحنين شن الجوووووووووووووو

عيون زوجي · 12-04-2010, 05:53 PM

ولدي محمد مريض عنده كحة
زي الشيباني ايسخف
وبعد ما يكح يرجع يلي في بطنه كله
وعنده نخامه حاشاكم حاصله في رقبته
عاينته اكتر من 3 مرات كل مرة في عيادة
بلا فايدة
شن نعطيه وشن انديرله ايسخف
افيدوني.................................

ام روفيدة · 12-04-2010, 06:20 PM

كيف حالك يا عيون حتى اني ولدي زي ولدك عنده نخامة حاصلة في رقبته من الولادة لأن ما شفطولاش السوائل اللي زامطهم في بطني لأن الاطباء يقولوا الشفط يضر البيبيى واني قلت لدكتورته عليها قالت لي عادي تو تمشي مع الوقت وما نعطوش في علاج ليها

عيون زوجي · 12-04-2010, 06:49 PM

اقتباس:

المشاركة الأصلية كتبت بواسطة ام روفيدة

كيف حالك يا عيون حتى اني ولدي زي ولدك عنده نخامة حاصلة في رقبته من الولادة لأن ما شفطولاش السوائل اللي زامطهم في بطني لأن الاطباء يقولوا الشفط يضر البيبيى واني قلت لدكتورته عليها قالت لي عادي تو تمشي مع الوقت وما نعطوش في علاج ليها

لاباس على وليدك واعليك

حتى انا الدكتور الاول اعطاني سيرب اسمه كالمتوكس
مامشاش معاه
الدكتور التاني اعطاه فقط فيكس دهان
وقال ممنوع نعطوه ادويه
لان عمره شهرين بس
وقالي عبي الحمام بخار سخون ودخليه يستنشق من 2 الى 3مرات يوميا
وبعدها طبطبي على ظهره وبطنه
يساعد على اذابه البلغم
او غلي اميه في طنجرة فيها شويه فيكس
وشميماله
والدكتور الثالت اعطاني سيرب موكلير
وكله ماجابش نتيجه
وانا ندهن فيه بزيت زيتون
ونعطي في رضاعات فليه
ورضعه امية زعتر مخففة وبسكر نبات
ولتوا قاعد يلهث
يتنفس ويرضع بصعوبه
وخشمه مسكر ورقبته مغلوقه بالنخامه
وكحته ورا بعضها
اسئل الله العظيم رب العرش العظيم ان يشفي اطفالنا يارب

عيون زوجي · 12-04-2010, 06:50 PM

قداش درجة الحرارة عندكم يا ام روفيده
اليوم احنا امطر وصقع حاله
جو غير مناسب للاطفال
محبوسه بيهم واخلاص
لاعاد طلعات ولا دورات
دابي داب الحوش وهما

عيون زوجي · 12-04-2010, 06:51 PM

ساره طلعت مع حناها لحوش الجيران
وانا شاده راس ولدي ومقعمزة
مرة التليفزيون ومرة النت