تجمع حــوامل التوائم

[كوثرية]

نارا

كسرت خاطري أمج مسكينة

علميها وريحيها إذا تتوقعين انها ما تقول لأحد

ترى رح ينكسر خاطرها إذا ولدتي بتوأم وعرفت أنج كل هالفترة مغبية عنها، وإذا علمتيها رح تستفيدين دعواتها لج وسؤالها عنج .

حبيبتي لمياء
واحنا والله فرحنا فيج وودنا نفرح بتوأمج

تدرين ؟

كثري من شاي المرمية لأنه يزيد الخصوبة في ناس من أهل زوجي جربوه، لذلك اللي يسوون مانع طبيعي ما يناسبهم لأنه يخلي المرة تحمل ومرات تحمل بتوأم من شدة الخصوبة

[لمياء]

تسلمين ياقلبي كوثريه

والله هذا انا اشرب فيها وادعي ربي

ويارب ماتخيب رجاي ياكريم

[لمياء]

وعقبال ماابشركم

[حزن الزمان]

نارا هلا حبيبتي شخبارك انا نفسك ما علمت حد غير زوجي ولا حد ثاني نهائيا ... وفي الشغل نفس الكلام قالت لي وحدة ... لان مشيتي مثل البطة اللحين ...ههه
بنعرف اذا انا قبلك ولا أنتي قبلي من أخر دورة صح ولا أنا غلطانة أخر دورة لي 27/1 بالميلادي وأنتي حبوبة
انا ابي حد معاي ...

[حزن الزمان]

اليوم رحت المستشفى أذني حكة فضيعة واكتبتلي الدكتورة على شراب للحساسية ...وأدول حبوب
وابي شي للأمساك عطتني نفس الفوار ثقيل وطعمه لوعة ماعجبني كثيررررر بس شسوي من حبوب الحديد ...

[نونة العسولة]

المشاركة الأصلية كتبت بواسطة لمياء

نونه العسوله

لا ترهقين نفسك يجي وقت الولاده وانتي تعبانه

انتي باي شهر الحين؟

انا باخر الخامس بعد 6 ايام ادش السادس

المشاركة الأصلية كتبت بواسطة حلمي الامووومه

الله يحفظ لكم اجنتكم ويثبت حملكم والله يهون عليكن كلكن ياحوامل وتقومون انشاءالله بسلامه

ادعولي ان ربي يجبر بقلبي ويرزقني بتوام حمل ثابت وما افقدهم مثل الي راحوا

يارب الله يجبر قلبج ويعوضج باحلى توام يارب العالمين

[نونة العسولة]

خواتي ادعولي الم ظهري موتني

عندي الالام دووورة تعبتني وخااااايفه حدددي

يارب ان شاء الله خير يارب

باجر اروح للدكتورة من الصبح من غير موعد واطمن عليهم

حددددي خايفه وتعبانه من هالعوار الله يستر بس

[أستاذة ذوق]

مســـاء الخيرجميعاً

شفتي كيف يانارا اننا مفضوحات كروشنا فاضحتنا
ولسه كرشك بتكبر أكثر

بس ماتخافين على زعل امك اذا ولدتي وعرفت انه توأم وماعلمتيها ؟

لمياء الله يرزقك بتوأم وكل الي يتمنى يارب

[اميرة الشعر]

شرفتي عسولة وينك كل هالغيبات

انا مثلج ايام وادش السادس بس الشريط يركض بي

[نـــــــارا]

كوثرية... لا تحاتين الوالدة عادي أنا وهي صديقات وايد يعني هي تسوي جذي عشان تطلع مني الكلام بس الله يعيني لين عرفت جنسهم شبتسوي فيني.. حبيبتي أمي ما تزعل بالعكس فرحتها راح تكون غير وبتكون مفاجأة ما بعدها مفاجأة لأن شي جديد على العائلة

لمياء.. الله ما يسوي شي إلا فيه خير وصلاح والله ينولك اللي في بالك يا رب

حزن الزمان.. قلت لج انتي أكثر مني بكم يوم أنا آخر دورة 30/1 يعني توأمج أكبر من توأمي ب3 أيام هههههههه

على طاري الحساسية.. حاولي تمتنعين عن أي أدوية أنا بعد عندي حكة فظيعة بأذني وحساسية بالجيوب وتلاقيني دوم قبل لا أحمل يومياً لازم أبلع حبة وألحين الحمد لله مستغنية لأني ما أقدر أستخدم أدوية الحساسية لأنها مضرة .. رغم أني أعاني وايد بس شنسوي.. مرة رحت لعند الدكتور ورفض يعطيني أدوية وحط لي بس كريم فيه كورتيزون في أذني .. وهالكريم سحري روح الحكة كم يوم وارتحت عليه.. بس هو يحطه في العيادة ما يعطيني إياه.. وأنا ما احتجت أروح له مرة ثانية رغم ان الحكة رجعت بعد أيام بس أهون بعد.

توأمي ... إيه والله مفضوحات الله يعين في الأشهر الجاية!

حابة اسأل عن التجهيزات.. يعني أكيد كل شي بشتري منه أثنين بس شكثر أشتري ثياب؟ خصوصاً أن ولادتنا راح تكون على بداية الشتاء

من منكم يحاتي الشهر الكريم؟ صراحة شهر رمضان وصيف وحر وحمل وراح أكون بالسابع! يعني كيف راح نتحمل الجوع والعطش؟ وتعب الحر والشمس ودوامات!!

الله المستعان