تجمع حــوامل التوائم

[محجبه]

شكرا بنت الهدى على تعبك والله واضح والله يفرحك بالعافيه فرحتيني يوم نطيت للاسبوع19احس فيه نقله قوووويه الله يصبرنا

[اميرة الشعر]

بنات الحقوني انا معي تقلصات تروح وتجي (عادي متعودة على هالتقلصات من زمان تجي)وقبل شوي رحت لدورة المياه الله يكرمكم ونزل معي قطعه كبر انملة اصبعك الابهام تقريبا لونها ابيض على صفار تتوقعون هاذي الي يقولون السدادة

انتظر على احر من الجمر

[أستاذة ذوق]

المشاركة الأصلية كتبت بواسطة اميرة الشعر

بنات الحقوني انا معي تقلصات تروح وتجي (عادي متعودة على هالتقلصات من زمان تجي)وقبل شوي رحت لدورة المياه الله يكرمكم ونزل معي قطعه كبر انملة اصبعك الابهام تقريبا لونها ابيض على صفار تتوقعون هاذي الي يقولون السدادة

انتظر على احر من الجمر

السلام عليكم
كيفكم كروشات>> طبعا انا رشيقه خلاص

اميرة الشعر
خذي بالك ممكن تكون السداده
انا نزل علي مثلك وولدت بعدها بثلاث ايام
يعني خليك مستعده ممكن تنزل عليك مويه بأي وقت او يجيك طلق
بس انتي لاترتبكي وقتها بس روحي على طووووول المستشفى


ابشركم
بنتي الحمدلله اليوم طلعوها من العنايه المركزه وحطوها بالحضانه العاديه
يقولون صارت زينه بس مادري متى يطلعونها معي

[قمرين 2]

أميرة الشعر
هاذي بشارة الولاده ما أعتقد بتطولين كلها اسبوع او اقل ويشرفون الحلوين انا صار معاي في بنتي نفس اللي صار معاج وما طولت 3 ايام ولدت الحمدالله

[وصايف]

كيفكم ياعسولات ؟

دعواتكم لي احمل بتوام عاجلا عاجلا بعد رمضان

الله ييسر لمري وامر من تريد الحمل
يارب تونس وحدتي وتبعد الاكتئاب عني



استغفروا :


استغفرالله العظيم الذي لا اله الا هو الحي القيوم واتوب اليه

[زود الغلا]

صباح الخير عليكم يا حلواااااااااااااااااااااااااااااااات
مبروووووووووووووووووووووووووووووووك احمر الورد ويتربون بعزك
نبي قصص ولادتكم بالتفصيل .

[همس الموج]

هلا كروشات والله متابعه قصة كل وحده فيكم من البدايه للحين وانا اعيش وياكم تجاربكم
الله يتمم حملكم على خير وتشوفوهم بالسلامه ان شاء الله ويرزق كل محرومه
انا ماني حامل واتمنى ان ربي يرزقني وادخل معاكم ادردش اتمنى تقبلوني معاكم
ويكون ظلي خفيف عليكم .....طولتها وهي قصيره بس سعيده بالدردشه الي بينكم واتمنى اكون معاكم قريب ان شاء الله

[هجران]

صباااااااااااح الخير والبركة للجميع

همس الموج يا هلا فيك بيننا عزيزتي وعقبال ما تنضمي لينا بحملك التوأم
أختي وصايف ربك كريم توكلي على الله سبحانه

توأمي فرحة عمري أن شاء الله حبيبتي بعد أسبوع يرجع زوجي من العمل وراح نروح عيادة أشوف نسبة دمي وأذا لسه ما زاد راح أخذ الابر والله كريم

بصراحة أخاف من نزول الدم بالولادة زيادة وعاد أحس نفسي من النوع إللي يفقد الدم بسرعه وهذا إللي حاصل معي بإجهاضي الاول
والله يكتب إللي فيه الخير
تسلمي حبيبتي بالنسبة لرضاعة بنك حاولي تعملي مثل ما قالوا الاخوات حطي الحليب بالبرونه وإن شاء الله تشرب منها إخدعيها وسايسيها وبأذن الله راح تشرب منك ربي يحفظ لك بنوتاتك ويطلع العسل الصغيرة بالسلامه قلوبنا معها

قمرين2
حبيبتي أنا جزء من المشيمه كان نازله عندي من الشهر السادس بس نصحوني بالتقليل من الحركة وأرفع رجلي وانا أجلس بمستوى بطني وانا نايمه أرفع رجلي على مخدات
والحمد لله توكلت على الله وقللت كل هذا والحين أنا بالثامن وما حصل إلا كل خير لا تخافي أنتي مثلي عندك نزول جزئي بسيط لا ترهقي نفسك وهذا طبيعي من ثقل الاجنة على المشيمه هو السبب في نزولها
وربي يحفظك

أميرة الشعر
ربي يسهل عليك حبيبتي وتولدين بالسلامه كيف وضع البيبات معك روسهم تحت وإلا لسه وكم أوزانهم للحين ربي يحفظهم
وديري بالك على حالك وكوني مستعده لأي إفراز ربي يحفظك

شــازل
حبيبتي أنا ما أخذ أي فيتامينات بس أحاول أشتري الاغذيه إللي تحتوي على فيتامينات وغير إللي تصرفه الدكتوره لي ما أخذ من الصيدليه أخاف على البيبيات
فحاولي تهتمي بتغذيتك وتختاري الاغذيه المفيده

بالنسبه للي تسأل عن الامور اللي تزيد من اوزان البيبات
سمعت أنه الموز واللوز والحليب
والشوفان ـ تعملي شوربة شوفان سمعت أنها كثير مفيده وتزيد من أوزانهم

تغلي الشوفان معاه حليب وأذا تحبي تحطي له هيل للنكهه
وتحطي سكر .... يعني شوربه على الطاير بس سمعت أنها كثير مفيده وتزيد وزن البيبات

والسموحه للي ما ذكرت أسمائهم او ما رديت على إستفسارتهم
للنسيان مو أكثر
تحياتي

محجبه
الف تحية لك

[هجران]

بس حبيت أخبركم عن الاعراض إللي تصير بهذي الايام والاوقات أحس بضغط من أسفل كأنه بجهة الرحم وكأن الرحم راح ينفتح على مع الالم خفيفه ونغزات في الظهر مثل الكهرباء يروح ويرجع ويستمر دقايق ويخف ويرجع مع آلم بالصدر عاد صار له يومين
وانا الحين أكتب لكم أحس الضغط لا زال موجود وكأني بولد لكن الحمد لله ما في ظواهر إفرازات أو شيء من هذا القبيل يمكن البيبات يحاولوا يطلعوا بس الله يلطف ويستر
الاسبوع الماضي وحده وزنها 1600 والثانيه 1700 هذا على كلام الدكتوره وانا أتمنى من الله العلي العظيم أن أوزانهم توص ال2 كيلو لكل وحده يارب

[اميرة الشعر]

المشاركة الأصلية كتبت بواسطة هجران

بس حبيت أخبركم عن الاعراض إللي تصير بهذي الايام والاوقات أحس بضغط من أسفل كأنه بجهة الرحم وكأن الرحم راح ينفتح على مع الالم خفيفه ونغزات في الظهر مثل الكهرباء يروح ويرجع ويستمر دقايق ويخف ويرجع مع آلم بالصدر عاد صار له يومين

وانا الحين أكتب لكم أحس الضغط لا زال موجود وكأني بولد لكن الحمد لله ما في ظواهر إفرازات أو شيء من هذا القبيل يمكن البيبات يحاولوا يطلعوا بس الله يلطف ويستر

الاسبوع الماضي وحده وزنها 1600 والثانيه 1700 هذا على كلام الدكتوره وانا أتمنى من الله العلي العظيم أن أوزانهم توص ال2 كيلو لكل وحده يارب

عادي ياهجران هاذي من اعراض الثامن