ديوانية البحرين - دردشة حوامل البحرين - البحرينيات

[حنين للماضي]

المشاركة الأصلية كتبت بواسطة um amal

مشكورة شمس الصباح على تعليقش ..
بس اللي فهمته منش ان عادي ما البس الأسود واجد .. حتى وان كان في شهر صفر!!

"طفلي حياتي" .. صلي على النبي , وإن شاء الله كله خير بجاه القاسم (ع)

حده عادي حبيبتي
اني مالبس سواد اله بس في العشرة واذا بطلع عقب العشرة البس الوان بينة غامقة يعني
المهم الحزن في القلب حبيبتي
اني عندي لو ماتلبسين اسود افضل
يعني احس مو حلوة اجونش الناس اهنونش بالمولود وانتي لابسة اسود

[بنت الأياويد]

انا الثياب الي خذتهم عاديين اللهم ان فيهم ازرة حق الرضاعة وبخصوص موضوع الصدرية مو مهم تاخذين خاصين بالرضاعه لانهم شغله تاخذين العاديين احسن لج تستفيدين منهم حتى حق بعدين أما عن لبس الاسود اتمنى البنات الباقي يفيدونج لان ماعندي خلفية والله يهون عليج ان شاء الله

[Um Amal]

مشكورة بنت الأياويد .. "من اي محل اكثر اشتريتين لش البيجامات؟؟"
قالوا لي اكثر محل فيه هالأشياء "ماكس"

أنتظر تعليقات البقية ..

[بنت الأياويد]

انا خذيت من السعودية وخذيت بجامه وحده من بيت الحوامل عندها شغلات حلوة ورخيصة ااما البقاية اختي يابتهم لي بعد حلوين اوكي ناعمين بس يدهم قصيرة يعني يصلحون حق البيت

[طفلي حياتي]

السلام عليكم
مــــــأجورين......شخباركم
بنات اني من التعب كله كان شي بينزل مني وفوق هذا اليوم حسيت بشوية رطوبه وخفت خايفه ليكون ماي الجنين...... الله يستر
ان شاء الله ببركة ابوفاضل وخصوصيته عند رب العالمين يكون جنيني سليم معافى وهذا من التعب ولا هو ماي الجنين
اللهم صل على محمد وآل محمد وفرج كربي وكرب كل مكروب واجعل جنيني سليم معافى انا واخواتي جميعهم ونولد بالسلامه

ام جعفر ماعرف لمشكلتش حل وكنت مفتر مخي من جدي مارديت عليش ان شاءالله يارب تبشرينا بكل خير

[طفلي حياتي]

المهم حبيباتي بقوم الحين وادعوا لي من قلب ان مافيني شي وهالرطوبه عاديه وجنيني سليم الله يقضي حوائجكم بحق محمد وآل محمد
في امان الله

[حنين للماضي]

السلام عليكم
شخباركم دباديب؟؟؟

شموس عاد قبلش ماتوقع راح اولد
أني دورتي غير منتظمة نهائياً من جدي على حسب السونار يقولون متأخر الحمل اسبوعين والعلم عند الله
بس ان شاءالله نولد سالمين ونجوف عيالنا بين ايدينا
عاد قولي لملوك تتأخر شوي عشان يطلع علاوي مادري ميثمي قبلها يمكن ينعجبون ببعض ماتدرين
تصدقين ملاكي حددده عجيب بالعجمي
دلعيها ملاكي وخلاص

طف طف الرطوبة اذا كانت الكمية قليلة وبس صار رطوبة في الملابس الداخلية الامر حده طبيبعي
اني بعد يصيدني ساعات
على العموم الافرزات تزيد في الاشهر الاخيرة لاتحاتين
وعلى طاري النغزات اني بعد كان يصيدني
توكلي على الله ولا تخافين حبيبتي

بنوتة شخبارش حبيبتي؟؟؟
ان شاءالله صرتي احسن

بنت الاياويد خليني اهاوش شيوخة يمكن تخاف مني وتطلع هالكتكوتة القمر

ام جعفر حبيبتي كلش ماعندي خبرة ولا سمعت احد من قبل نفس حالتش من جدي مارديت عليش

الذهبية شخباارش رفيقة ولادتي ان شاءالله؟؟؟
دخلاتش قلت واااجد هالايام
ترى لاتغيبين هالكثر توحشينا نوعاً ما

احلام ام الله يتقبل منكم ويقومش بالاسمة ياااااااارب
يلا عجل سوي لنا دورة عشان نجي نتعلم منش

باجر عندي موعد في المستشفى خاطري بسرعة اروح واطمن على ولدي
اني بعد احس روحي بستجن كلحين اطلع ثيابه واقعد اتحجه بروحي
جان ما اجن ويتغربل هالولد فيني

[Um Amal]

مشكووورة على ردش "حنين للماضي" ..
للحين ما كملت أغراض البيبي .. بعد باقي له بساطات ما اشتريت .. ولا السوالف البسيطة مثل القصاصة والمشط ..
ولا لي إشتريت ولاشي .. أنتظر تخلص عشرة محرم وتالي أكمل ..

"أني موعدي بعيد شوي في السلمانية"الفاتح" تاريخ 23-12"

[طفلي حياتي]

السلام عليكم
مــــــــــــــــأجورين
اني الحمدلله اذا ارتاح اصير اوكى لكن هاليومين عندي الم في فخودي قوي وقاعد يزيد حتى القعده تعورني مادري ويش هالسالفه بعد هو من الحركه والقومه والقعده هالايام لو ويش مادري
بلاوي

[طفلي حياتي]

وين النااااااس
مافي الا رفيقة دربي ولا يت للحين اني رجعت من وقت البيت تعبانه حدي لكن مابنام اعرف روحي القعده تتعبني