تجمع حوامل سوريا-دردشة ورود سوريا-دردشة الغاليات

Nayota · 12-22-2012, 11:36 PM

مياااااااااااار كيفك
شو خبرينا كيف كانت اصداء العزيمة وان شالله ماصار شي

وصحتين علفتة بجاج شلون بتساويها ئليلي

Nayota · 12-22-2012, 11:42 PM

اقتباس:

المشاركة الأصلية كتبت بواسطة بسبوسة زوجها

ام نايوتا كيفك وكيفها الامورة نايا
ليش حبيبتي عنكن كمان برد؟والله نحنا عنا برد كتير اكتر من سوريا وكلن هون عم بأولو هاي اول سنة بصير هيك برد
مر الاسبوع بسرعة وبكرى جاييتني حماتي بس كان هالاسبوع بجنن كلو رومانسية وحب من زمان ماعشت هيك جو حلو وارتحت كتير مضيتها متل ماألتيلي اكل كلو خفيف تسخين وطبخ عالخفيف ونسهر جنب الشومنيه للساعة 2او3 وزوجي كتير انبسط بس الله عليم ايمت رح ينعادو هيك ايام لان بيت حمايي بس اجو لعندي بيلزأو متل الغري
بوساتي الك وللامورة نايا

ايه منار بالرياض في شتاء وبينزل مطر كمان بس موكتير شتاء طويلة يعني تقريبا بشهر التاني ببلش الصيف

وطمنينا عنك على طول

Nayota · 12-22-2012, 11:45 PM

اقتباس:

المشاركة الأصلية كتبت بواسطة نَيرُوز

مرحبا ياحوامل كيفكون ان شاء الله مناح؟ انا ببداية حملي يعني بشهر الاول ولسه ئدامي مشوار طويل بـ اذن الله

مغص ببطني بيجي وبيروح ثواني يعني بس اتسطح بروح وحسيت بحموضة بمعدتي هل شي طبيعي؟؟؟؟

ربي يتمم حملنا ع خير يارب

مبروك الحمل نيروز والله يتمملك حملك على خير

وان شالله كلشي طبيعي

ابقي طمنينا عنك

ميآر [ مهند حيآتي ] · 12-22-2012, 11:51 PM

اقتباس:

المشاركة الأصلية كتبت بواسطة nayota

مياااااااااااار كيفك
شو خبرينا كيف كانت اصداء العزيمة وان شالله ماصار شي

وصحتين علفتة بجاج شلون بتساويها ئليلي

اهلييييييييييييييييين نايوتا ... كيفك والله انا بخير ومشتائتلك ...
العزيمة كانت مهلكة والله عملت كبة وسلطة وفاصولية ورز
وكيك وفطاير ومقبلات حمص ومتبل وبطاطا ....
وكآن عندي شوية ورق دوالي لفيتهم وعملت محشي والله هلكت يعني شو بدي ئول
فاتو من الباب ( حماتي - حمايي - 3 ولاد حمايي مع زوجاتهن وولادهن و 2 من بنات حمايي )
يعني العزيمة كانت 18 شخص تقريبا وليييييييييييييييييييييي متت والله

الكل كانو مبسوطين الا حماتي وسلفتي - للعلم سلفتي الله ما طعمها ولاد للاسف وكتير عانيت من غيرتها بحملي الاول .... انا ما خبرت حدا عن التوأم ... والله خيفانة عليهن ... بس انا وابو مهند بنعرف ... وامي ...

المهم اعدو اكلو والرجال اعدو يدردشو والنسوان ينمو والولاد يلعبو مع مهند ... يؤبر ئلبي ما نام لل 2 ... ع اد ما سهروه ... وكلو وانا ئول معلش بيت جدو وزيارة ما بتتكرر ...

اجو حوالي 9 وما راحو لل 2 ونص مع انو العزيمة كانت غدا بس تأخرو ...

انا نمت شي 5 بس والله فرطت \\ كلو بيهون لعيون ابو مهند ...

انتي طمنيني عنك وشو اخر فصول نايا ... مهند بلش يبربر هههههه بيضل يعمل بربربربربر هههههههههههه ...

Nayota · 12-23-2012, 12:02 AM

ميار مشان اتعوضي لهنودة شربي حليب صناعي طبعا 8 رضعات باليوم وبيضل الطفل الحليب غزائو الرئيسي لعمر السنة
انا بطعمي نايا بس كلها مكملات غزائية الرضاعة مني تضل الاساس مشان بناء العضم
فيكي ازا خلص الاربعة شهور وبلش بالخمسة تسلقي تفاحة وتطحنيها واطعمي ياها مرة باليوم وتشربي ازا بدك عصير برتقال
واطبخيلو نشاء كمان خفيف علمعدة ومغزي وازا ماحبو كسترد كمان مغزي
ولا تنسي الحليب اساس هي كلها مكملات غزائية

ميآر [ مهند حيآتي ] · 12-23-2012, 12:09 AM

اي هنودة بكرة بيطبق الخمسة مشالله يؤبر ئلبي كتير كبر ...
يسلمووو يا حلوة ع الافكار الحلوة فعلا هيك بيصير يشبع لان يؤبر ئلبي مانو عم يشبع

شكرااااااااا ياقمر

Nayota · 12-23-2012, 12:11 AM

يسلملي هو وبربرتو هنودة افندي لسا ماشفتي شي

والله نايا طلعت مخادعة احيانا بتناديلي بابا ولابوها ماما هههههههه
طلعت لسا موعرفانة معناتا للكلمة ههههههههه
وفي مرة قالت باما هههههههههههه

Nayota · 12-23-2012, 12:12 AM

تسلميلي ميارو وكل شهر بقلك اكلات جديدة بدي كبرو لصهري مسند ضهري

ميآر [ مهند حيآتي ] · 12-23-2012, 12:15 AM

هههههههههههههههههههههههههه ما احلاها باما ههههه ...
تؤبش ئلبي هالنايا ما اهضمها هي وامها الحلوة ...
ييي يا ئلبي الله يخليلي ياكي والله انا بحتار ...

شو عم تعملي انتي ونيوشة ..

Nayota · 12-23-2012, 12:21 AM

نايا منشوي نامت وصايرة عم تعزبني بالنوم اصلا مافي يوم ماعزبتني مابتحب النوم هالبنت ونشيطة كتير بتفيق بالليل بترضع كل ساعة واحيانا كل ساعتين وانا من شهر بطلتا عادة الهز والحمل قبل ماتنام
بحطا بسريرها بتبكي شوي وبتنام

معاناتي بالنوم مع نايا خانم ههههههههه
انا بحب النوم وهية مابتحب على طول ناقصني نوم وبضل بشرب منبهات لحتى صحصح
الصبح بشرب اربع فناجين قهوة لأصحى اليوم من الخمسة ونص قاعدين انا ونايا ههههههههههه
شحادة وبنتا

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
دردشة حوامل أهل جدة - دردشة بنات جدة - تجمع حوامل مدينة جدة	سماسم	إستفسارات حوامل من الشهر السابع إلى الشهر التاسع	2601	06-07-2013 07:34 PM
تجمع حوامل سوريا-دردشة ورود سوريا-دردشة الغاليات	jorri sham	إستفسارات حوامل من الشهر السابع إلى الشهر التاسع	791	07-07-2012 04:03 AM
دردشة حوامل أهل جدة - دردشة بنات جدة - تجمع حوامل مدينة جدة	LOOLOO	إستفسارات حوامل من الشهر السابع إلى الشهر التاسع	6422	01-02-2012 07:40 PM
دردشة حوامل أهل قطر - دردشة بنات قطر - تجمع حوامل قطر	اميره نفسى	إستفسارات حوامل من الشهر السابع إلى الشهر التاسع	248	01-01-2012 03:49 PM
دردشة حوامل مصر - دردشة بنات مصر - تجمع حوامل مصر ‏	دودى اشرف	إستفسارات حوامل من الشهر السابع إلى الشهر التاسع	23892	08-22-2011 07:42 PM