تجمع حوامل سوريا-دردشة ورود سوريا-دردشة الغاليات

[بسبوسة زوجها]

هاااااااااااي صبايا
كيفكن ياحلوين انا كتير كتير اشتئتلكن تسلمولي شو بحبكن وأديش عم افرح واتفائل فيكن
زهرة سوريا الف مبروك سلامة البيبي وعئبال ماتشوفي بحضنك بخير وسلامة انشاءالله والحالة يللي مريتي فيها انا مريت فيها ييييي شو كنت خايفي ومتوترة وعملت الفحص الرباعي ولبين ماعرفت النتيجة انقطع نفسي وصرعت راس جوزي واهلي وانا ألن ادعولي يطلع ابني سليم وطبيعي بس الفحص التاني لسا ماعرفت نتيجته الاربعاء انشاءالله بعرف ادعولي تطلع النتيجة كويسة ويكون ابني سليم وطبيعي
بس مو خايفي متل اول مرة مطمنة الحمدلله
عندي الاربعاء موعد عند الدكتورة وعندي كمان فحص سكر وهلأ صرت بنص السادس الله يكمل حملنا بخير وسلامة ونئوم نحنا والبيبات بخير وسلامة انشاءالله
ومشان غراض البيبي انا لهلأ ماجبتلو شي عم انتظر بس صرت بالشهر التامن انشاءالله
وانتي شو حاسي معك ؟ انا دائما كنت حسو صبي سبحان الله يمكن من شكل وحامي عرفت
انتي حبيبتي صرتي باي اسبوع؟ الله يتمملك بخير وسلامة
بس ماألتيلنا شو هي الطبخة يللي نسيتي تحطيها عالنار هههههههههه
انا الله وكيلك كل يوم عم اطبخ طبخة كبيرة مشتهية يوم انسا اطبخ هههه بس مافيني انسا لان بيت حمايي عندي وماعم لحأ طبخ وتنضيف ومع انو ضهري عم يوجعني ومكربة وراكبني الرشح من اكتر من شهر وماعم بصرلي ارتاح

[بسبوسة زوجها]

ام نايوتا كيفكن ياحلوين
صحيح حبيبتي شو الاسم الكريم؟
كتير اشتئتلك حبيبتي
شايفي عهالبرد ييي عنا بالليل عم بصير كتير برد وبالنهار بس هون مابينزل تلج بس مطر حتى عنكن بالسعودية برد! يسلمو حبيبتي عطريقة البيتزا شكلها طيبي كتير عم انتظر ليخف البرد بساويها وليروحو بيت حمايي من عندي لان ازا بدي اعملن بيتزا رح اعمل شي تاني معها بس ولي أدي مشتهيتا مشكورة حبيبتي
بس شو هي منزلة الاسود وشو هي الفولية؟يمكن اعرفن بس التسمية بتختلف
ومشان روحة بيت حمايي عالسعودية بصير يروحوا لانن بامريكا وفيه تعامل وتاشيرات بين السعودية وامريكا وبنتن عم تعملن تاشيرة وخلال شهر بتطلع بس للاسف الشديد مابدن يروحوا رغبة من حماتي لان صايرة انا هون تسلايتها بالمشاكل بس هنيك بتخاف تعمل مشاكل صهرها مابيسكتلا وهي بتتنفس بالمشاكل بس انشاءالله بخلص منها وبروحو عالسعودية
لك حتى عبيت ابنها التاني مابتروح لان سلفتي بتبيدها ازا زعجتها
ومابقي بالميدان غير حديدان يللي هو انا
شو اخبارها نايوتا الحلوة بوسيلي اياها كتير
انا اليوم عندي عالعشا لحمة وسمك مشوي من مبارحة اليوم ماطبخت شي وكمان عندي محشي كوسا وقرع

[بسبوسة زوجها]

ام جوجو
الف الحمدلله على سلامة جوجو معافاي انشاءالله كيفها هلئ طمنيني عنها
هلئ انشاالله بتتحسن وبترتاح انا ابن اخو زوجي شايل لوزو من عمرو تلات سنين وهلئ عمرو صار ١١ سنة ومافيو شي دائما بيطلع الاول بالمدرسة بالركض
ايي كيفو حمودي رفيق ابني هههه صرتي يمكن بالشهر السادس متلي
كيف حملك؟وشو اخبارك مع بنات حماكي ؟انا هاي هي اخباري مع حماتي بس هلئ عم طنش كلامها وماعم ردلها وعم اتجنب القعدي معها بلكي بتروح عالسعودية وبرتاح
بوسولي جوجو كتير والحمدلله عسلامتها

[بسبوسة زوجها]

سيريا كيفك يادلوعة التجمع؟ هي سرئتها من نايوتا ههههههههه
شو لهلئ ماعرفتي جنس البيبي !مع انك صرتي بالخامس انا كنت بنص الرابع لما عرفت
ومشان حركة البيبي بتكون بالشهر الرابع واول الخامس متل النبض وبس لما بتكوني متسطحة انا هيك صار معي بس بآخر الخامس وهلئ بالسادس عم حس باللبط والرفس يعني معارك عم بتصير هههههههه
ومافهمت ليش الدكتورة بدها تعملك سونار مهبلي بعد الشهر التاني كلو عالبطن
طمنيني شو اخبار الغربة عندك وكيفن اهلك؟وشو عم تطبخي غير الزيت والزعتر والاندومي؟

[Nayota]

المشاركة الأصلية كتبت بواسطة بسبوسة زوجها

ام نايوتا كيفكن ياحلوين
صحيح حبيبتي شو الاسم الكريم؟
كتير اشتئتلك حبيبتي
شايفي عهالبرد ييي عنا بالليل عم بصير كتير برد وبالنهار بس هون مابينزل تلج بس مطر حتى عنكن بالسعودية برد! يسلمو حبيبتي عطريقة البيتزا شكلها طيبي كتير عم انتظر ليخف البرد بساويها وليروحو بيت حمايي من عندي لان ازا بدي اعملن بيتزا رح اعمل شي تاني معها بس ولي أدي مشتهيتا مشكورة حبيبتي
بس شو هي منزلة الاسود وشو هي الفولية؟يمكن اعرفن بس التسمية بتختلف
ومشان روحة بيت حمايي عالسعودية بصير يروحوا لانن بامريكا وفيه تعامل وتاشيرات بين السعودية وامريكا وبنتن عم تعملن تاشيرة وخلال شهر بتطلع بس للاسف الشديد مابدن يروحوا رغبة من حماتي لان صايرة انا هون تسلايتها بالمشاكل بس هنيك بتخاف تعمل مشاكل صهرها مابيسكتلا وهي بتتنفس بالمشاكل بس انشاءالله بخلص منها وبروحو عالسعودية
لك حتى عبيت ابنها التاني مابتروح لان سلفتي بتبيدها ازا زعجتها
ومابقي بالميدان غير حديدان يللي هو انا
شو اخبارها نايوتا الحلوة بوسيلي اياها كتير
انا اليوم عندي عالعشا لحمة وسمك مشوي من مبارحة اليوم ماطبخت شي وكمان عندي محشي كوسا وقرع

الرياض جوها صحراوي وفيها برد ليش لأ بالعكس البرد الصحراوي كتير قاسي
وبالنسبة للفولية مكوناتا فول اخضر وسلق ولحمة موزات مسلوقة وفيها كمان كزبرة وتوم ازا مابتعرفيها قليلي على عيني بكتبلك الطريقة
والمنزلة بأسود هية عبارة عم بيتنجان صغير مقشر ومقلي وطبعا قبل القلي بتشئي البيتنجانة بالسكين من جنبا وبس تخلص قلي بتحشيها لحمة وبصلة وبتصفيهون بصينية وبتطبخيون بمي وملح شي خمس دقايق وبتعملي جنبا رز مفلفل بشعيرية
ولا تاكلي هم حماتك اكيد بتشتاق لبنتا وبتروح لعندا حتى لو شهر
ومعافاية من الكريب والله يقويكي عالطبخ بس بتعرفي انا بحب هيك ملي وقتي ومايزيد معي وقت اتنفس مدري ليش غاوية تعب هههههههههه

[عبير اسماعيل]

يسعدلي مساكون صبايا كيفكوون
صرلي زمااااااان مافتت حموده لهاني عالاخر
زهووووووووره الف الف مبرووووك الحمل وان شا الله ربي بتمملك ع خير

[Nayota]

المشاركة الأصلية كتبت بواسطة عبير اسماعيل

يسعدلي مساكون صبايا كيفكوون
صرلي زمااااااان مافتت حموده لهاني عالاخر
زهووووووووره الف الف مبرووووك الحمل وان شا الله ربي بتمملك ع خير

ويسعد مساكي عبير عرفينا عنك اكتر والله يخليلك حمودة ماشالله مبين من توقيعك شو لزيز

[الأم الحنوووون]

مرحبا صباياأناحامل بالشهرالأول بس عندي إلتهابات وعم يصير معاياحرقان وأخدت تحاميل والحرقان ماعم يروح شوأعمل وبدي إسألكن صحيح الإلتهابات بتأثر على الجنين

[Nayota]

المشاركة الأصلية كتبت بواسطة الأم الحنوووون

مرحبا صباياأناحامل بالشهرالأول بس عندي إلتهابات وعم يصير معاياحرقان وأخدت تحاميل والحرقان ماعم يروح شوأعمل وبدي إسألكن صحيح الإلتهابات بتأثر على الجنين

طبعا بتأثر الاتهابات عالجنين ومشان الحرقان فيكي تسألي دكتورتك بيجوز اتغيرلك نوع التحاميل وفيكي كمان انتي أكبر قدر انك تتشطفي بمي وملح

[Nayota]

سيريا لاتخافي وان شالله جنينك سليم معافى وابقي طمنينا وقت تروحي عالدكتورة

وبرافو عالطبخ اتشجعي واطبخي وانتي اشطر مني انا وقت كنت قدك ماكنت اعمل شي حتى عالمطبخ ماكنت فوت ههههههه