تجمع حوامل سوريا-دردشة ورود سوريا-دردشة الغاليات

Nayota · 01-14-2013, 05:41 PM

كيفك هديل الروح عرفينا عنك اكتر والله يخليلك رنوشة وشو اسما الحقيقي وأديش عمرا

في مرة باركتلك وقت قالت سروؤة انك ولدتي بتصور كانت بتقصدك انتي

Nayota · 01-14-2013, 05:44 PM

صار دوري ئلكون اخباري المعتة هههههههه اليوم طبخت منزلة بزهرة ومنزلة بأسود وعملت متبل بيتنجان مشوي
ونينو عم اتعزبني كتييييييييييييييييييييير بالاكل بتخلي اللقمة بتما ساعة لا بتطالعا ولا بتبلعا ههههههه رح جن منها
عم طول كتير وقت طعميها الوجبة

بسبوسة زوجها · 01-15-2013, 01:36 AM

هاااااااااااي صبايا
كيفكن ياحلوين انا كتير كتير اشتئتلكن تسلمولي شو بحبكن وأديش عم افرح واتفائل فيكن
زهرة سوريا الف مبروك سلامة البيبي وعئبال ماتشوفي بحضنك بخير وسلامة انشاءالله والحالة يللي مريتي فيها انا مريت فيها ييييي شو كنت خايفي ومتوترة وعملت الفحص الرباعي ولبين ماعرفت النتيجة انقطع نفسي وصرعت راس جوزي واهلي وانا ألن ادعولي يطلع ابني سليم وطبيعي بس الفحص التاني لسا ماعرفت نتيجته الاربعاء انشاءالله بعرف ادعولي تطلع النتيجة كويسة ويكون ابني سليم وطبيعي
بس مو خايفي متل اول مرة مطمنة الحمدلله
عندي الاربعاء موعد عند الدكتورة وعندي كمان فحص سكر وهلأ صرت بنص السادس الله يكمل حملنا بخير وسلامة ونئوم نحنا والبيبات بخير وسلامة انشاءالله
ومشان غراض البيبي انا لهلأ ماجبتلو شي عم انتظر بس صرت بالشهر التامن انشاءالله
وانتي شو حاسي معك ؟ انا دائما كنت حسو صبي سبحان الله يمكن من شكل وحامي عرفت
انتي حبيبتي صرتي باي اسبوع؟ الله يتمملك بخير وسلامة
بس ماألتيلنا شو هي الطبخة يللي نسيتي تحطيها عالنار هههههههههه
انا الله وكيلك كل يوم عم اطبخ طبخة كبيرة مشتهية يوم انسا اطبخ هههه بس مافيني انسا لان بيت حمايي عندي وماعم لحأ طبخ وتنضيف ومع انو ضهري عم يوجعني ومكربة وراكبني الرشح من اكتر من شهر وماعم بصرلي ارتاح

عبير اسماعيل · 01-15-2013, 02:35 AM

يسعدلي مساكون صبايا كيفكوون
صرلي زمااااااان مافتت حموده لهاني عالاخر
زهووووووووره الف الف مبرووووك الحمل وان شا الله ربي بتمملك ع خير

بسبوسة زوجها · 01-15-2013, 04:06 AM

ام نايوتا كيفكن ياحلوين
صحيح حبيبتي شو الاسم الكريم؟
كتير اشتئتلك حبيبتي
شايفي عهالبرد ييي عنا بالليل عم بصير كتير برد وبالنهار بس هون مابينزل تلج بس مطر حتى عنكن بالسعودية برد! يسلمو حبيبتي عطريقة البيتزا شكلها طيبي كتير عم انتظر ليخف البرد بساويها وليروحو بيت حمايي من عندي لان ازا بدي اعملن بيتزا رح اعمل شي تاني معها بس ولي أدي مشتهيتا مشكورة حبيبتي
بس شو هي منزلة الاسود وشو هي الفولية؟يمكن اعرفن بس التسمية بتختلف
ومشان روحة بيت حمايي عالسعودية بصير يروحوا لانن بامريكا وفيه تعامل وتاشيرات بين السعودية وامريكا وبنتن عم تعملن تاشيرة وخلال شهر بتطلع بس للاسف الشديد مابدن يروحوا رغبة من حماتي لان صايرة انا هون تسلايتها بالمشاكل بس هنيك بتخاف تعمل مشاكل صهرها مابيسكتلا وهي بتتنفس بالمشاكل بس انشاءالله بخلص منها وبروحو عالسعودية
لك حتى عبيت ابنها التاني مابتروح لان سلفتي بتبيدها ازا زعجتها
ومابقي بالميدان غير حديدان يللي هو انا
شو اخبارها نايوتا الحلوة بوسيلي اياها كتير
انا اليوم عندي عالعشا لحمة وسمك مشوي من مبارحة اليوم ماطبخت شي وكمان عندي محشي كوسا وقرع

بسبوسة زوجها · 01-16-2013, 02:15 AM

ام جوجو
الف الحمدلله على سلامة جوجو معافاي انشاءالله كيفها هلئ طمنيني عنها
هلئ انشاالله بتتحسن وبترتاح انا ابن اخو زوجي شايل لوزو من عمرو تلات سنين وهلئ عمرو صار ١١ سنة ومافيو شي دائما بيطلع الاول بالمدرسة بالركض
ايي كيفو حمودي رفيق ابني هههه صرتي يمكن بالشهر السادس متلي
كيف حملك؟وشو اخبارك مع بنات حماكي ؟انا هاي هي اخباري مع حماتي بس هلئ عم طنش كلامها وماعم ردلها وعم اتجنب القعدي معها بلكي بتروح عالسعودية وبرتاح
بوسولي جوجو كتير والحمدلله عسلامتها

بسبوسة زوجها · 01-16-2013, 02:27 AM

سيريا كيفك يادلوعة التجمع؟ هي سرئتها من نايوتا ههههههههه
شو لهلئ ماعرفتي جنس البيبي !مع انك صرتي بالخامس انا كنت بنص الرابع لما عرفت
ومشان حركة البيبي بتكون بالشهر الرابع واول الخامس متل النبض وبس لما بتكوني متسطحة انا هيك صار معي بس بآخر الخامس وهلئ بالسادس عم حس باللبط والرفس يعني معارك عم بتصير هههههههه
ومافهمت ليش الدكتورة بدها تعملك سونار مهبلي بعد الشهر التاني كلو عالبطن
طمنيني شو اخبار الغربة عندك وكيفن اهلك؟وشو عم تطبخي غير الزيت والزعتر والاندومي؟

بسبوسة زوجها · 01-16-2013, 02:36 AM

هديل كيفك ياروحي شو اخبارك انتي ورنوشي؟
بدنا صورها صارت ماشاءالله صبية وماعرفتينا عليها
وكيفن اهلك لهلئتن بادلب وكيف الوضع عندن نحنا بلدنا ادمرت وكل اهلها طلعو وهلئ اهلي بحلب وانشاالله وضعن بأمان
شو ماحكتيلنا قصة ولادتك انشاءالله كانت طبيعية وسهلة
حبيبتي لابئى تغطي غطات طويلة دائما طمنينا عنك

بسبوسة زوجها · 01-16-2013, 02:40 AM

شذا ام كوكي
الف مبروك رجعة كوكي عحضنك
كيف شعور الامومة اكيد حلو الله لايحرمنا منو
كيفها كوكي زغنونة التجمع ؟بدنا صور الها

syria · 01-16-2013, 04:42 AM

اقتباس:

المشاركة الأصلية كتبت بواسطة بسبوسة زوجها

سيريا كيفك يادلوعة التجمع؟ هي سرئتها من نايوتا ههههههههه
شو لهلئ ماعرفتي جنس البيبي !مع انك صرتي بالخامس انا كنت بنص الرابع لما عرفت
ومشان حركة البيبي بتكون بالشهر الرابع واول الخامس متل النبض وبس لما بتكوني متسطحة انا هيك صار معي بس بآخر الخامس وهلئ بالسادس عم حس باللبط والرفس يعني معارك عم بتصير هههههههه
ومافهمت ليش الدكتورة بدها تعملك سونار مهبلي بعد الشهر التاني كلو عالبطن
طمنيني شو اخبار الغربة عندك وكيفن اهلك؟وشو عم تطبخي غير الزيت والزعتر والاندومي؟

هلا حبيبتي انا تمام ومشتائتلك كتير

رح احكيلك الئصة من اولا

انا عملت فحوص الاقامة ومن ضمنا فحص الاشعة وبنفس الشهر طلعت حامل
اخر مرة رحت عالدكتورة كنت باول التالت وسئلتها مشان الاشعة اذا اثرت عالجنين ولا لئ ئالتلي هلئ مابيبين تعي عالشهر الخامس ورح افحصك مو عالسونار العادي عجهاز اشعة خاصة بالحمل مشان نشوف اذا فيو شي البيبي
رحت لعند اول الشهر الخامس فهون نظام المشافي انو السونار بغرفة لحالو مو بغرفة الدكتورة دخلت لعندى سطحتني عالسرير حطت ايدها عبطني ئالتلي حجم البيبي صغير حتى لو عملتلك سونار مارح يبان شي تعي بعد اسبوعين واذا لاول السادس احسن
هلئ بدي اروح بعد اسبوعين واشوف شو بصير معي

ومشان الطبخ وحياتك صرلي فترة عم بطبخ زوجي الي حاج صار لازم تعرفي تطبخي ماعاد في اكل جاهز

وصرت اطبخ والله عم يطلع معي شي طيب كمبتدئة

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
دردشة حوامل أهل جدة - دردشة بنات جدة - تجمع حوامل مدينة جدة	سماسم	إستفسارات حوامل من الشهر السابع إلى الشهر التاسع	2601	06-07-2013 07:34 PM
تجمع حوامل سوريا-دردشة ورود سوريا-دردشة الغاليات	jorri sham	إستفسارات حوامل من الشهر السابع إلى الشهر التاسع	791	07-07-2012 04:03 AM
دردشة حوامل أهل جدة - دردشة بنات جدة - تجمع حوامل مدينة جدة	LOOLOO	إستفسارات حوامل من الشهر السابع إلى الشهر التاسع	6422	01-02-2012 07:40 PM
دردشة حوامل أهل قطر - دردشة بنات قطر - تجمع حوامل قطر	اميره نفسى	إستفسارات حوامل من الشهر السابع إلى الشهر التاسع	248	01-01-2012 03:49 PM
دردشة حوامل مصر - دردشة بنات مصر - تجمع حوامل مصر ‏	دودى اشرف	إستفسارات حوامل من الشهر السابع إلى الشهر التاسع	23892	08-22-2011 07:42 PM