تجمع حوامل سوريا-دردشة ورود سوريا-دردشة الغاليات

[يارب أرزقني طفلااا]

اااااااااامين الله يسمع منك ياااارب يا كريم والله بطير عقلي ازا صار عندي ولد الله لا يحرمن لانسان يارب اي بس ع حظي التجمع دايما فاضي الله يفرجها كل مين ملتهي ايام كان التجمع ع اصوله انا كنت ما موجوده انتي من اي محا فظه؟؟؟ تأبشي البي ويخليللك ندوشه ادش صار عمرها الله يحفظها

[ام ندوشة]

انا عمري متلك 20 وفايتة با21 الي تلت سنين متزوجة عندي ندوشة عمرا سنتين وحامل ببنوتة تانية قربت اولد دعيلي قوم بالسلامة* شامية ومقيمة بمصر من اول مااتزوجت * كل اهل سوريا ما في متلن بالدنية والنعم منن يابشو قلبي* والله يطعمك بالذرية الصالحة وبطفل يسر قلبك وخاطرك حبيبت قلبي * والله هلئ بهاالفترة يا عزيزتي كلنا السوريين مارقين بايام صعبة شوي وحالة من الملل والياس والحزن والاكتئاب حتى سواء يلي جوات البلد ولا المغتربين الله يفرج علينا وعليهن ويفك كربنا ويبعد عن اهلنا كل سوء واذى

[ام ندوشة]

اليوم طابخة رز ببزاليا والي زمان ما خبصت الرز بس اليوم لانو مزاجي معكر انخبصو الرزات هههههه وقت يكون موجاي عبالي اطبخ بتطلع الطبخة معفشكة وفايتة بالحيط

[يارب أرزقني طفلااا]

انشالله العمر كلو يااارب وانشالله الله يسر ولادتك ويجعلها متل الصلاه ع النبي ويسهل عليكي وع ام مهند يااااارب ويجبركن ويقر عينكم بأطفال سليمين معافاين ياااارب يلا بقى والله الواحد بس يكون مزاجو زفت ابيطلع كم شغله بالطبخه مو نا جحه يلا صحتين والف هنا والله يفرجا يارب والله انا من كتر ما متابعه الاخبار صايره عم شوف نشره الاخبار بنومي وهيك حا سه حالي مكتأبه ياربي دخيللك وبضل ببكي

[syria]

كيفكو ياحلوات شو اخبارك مين الامورة السهرانة لهلئ

انا كتير تعبانة من فترة جوزي صار معو رشح وعداني هو طاب بعد كم يوم واننا بئيت اسبوعي اعاني سعلة وديئ نفس احس حالي بدي اختنء

ماصرلي خمس تيام طيبانة وجوزي رجع مرض وهلئ هو طاب بس ااانا ليوم بلش معي لكريب ضهري عم يوجعني وماعم بئدر اتنفس

اولتكنن ممكن ياثر عالبيبي عندي مراجعة عند الدكتورة لاسبوع الجاي يوم التنين بكون خلصت السادس بس عنجد اذا هالمرة بتئلي انو الولد صغير ومو مبين بدي ابطل حبابة واعلئ معا يمكن عم بيشوفوني صغيرة ولطيفة معون وعم يتمئطعو فيني

[Nayota]

سلامتك سيريا وان شالله مابيصير عالجنين شي بياخد المناعة منك وانتي احسن طريقة لتئوي مناعتك تاكلي فواكه وخضار فيها فيتامينات بتقوي المناعة واشربي سوائل ومي واشربي نعنع وزهورات بس ابتعدي عن القرفة والميرمية مو مناح للحامل
وبس ترجعي الاثنين قوام خبرينا شومعك وانشالله بتقلك

[Nayota]

كيفكون صبايا شوعاملين اليوم
انا اليوم راحة وماعندي شي بس شوية كوي عم شوف الشغلات المتراكمة عليي عم اتداركها
بدي اسألكون اصحاب الخبرة بنتي ماعم تحب الفواكه لاحظت عليها مابتحب الطعم الحلو مع اني لهلأ مادخلتلها بأكلها لا السكر ولا الملح
بس الفواكه اجمالا فيها سكر شو اعمل لحتى تاكل فواكه انا احيانا عم اخلطلها مع التفاحة رز مسلوق بتصير بتاكلها وشو عندكون افكار كمان نوروني

[نجمة السمر]

سلامات حبوبات شكرا لك يلي رحبوا فيني الله يسلمكم ويعطي كل وحدة مرادها ويفرج همنا بسوريا


ربي ارزقني طفلا الله يرزقك بطفل يقرعينك فيه يالقريب العاجل ويسعدك ويهدي الاحوال بينك وبين زوجك (ادفع بالتي هي احسن)الله يهديه ومايشوف احلى منك بكل الدنيا ويشوفك شمس وقمرويجمع بينكم على خير


سيريا سلامات حبيبتي خدي بالك من نفسك معافاية يارب



نايوتا حكياتك حلوة اسعدني ترحيبك فيني مشكورة بالنسبة لبناتي عندي حلا 12 وسنا 10 وجود 5 وشام سنة و3 شهور الله يخليلك نايا وتفرحي فيها عندك غيرها



صحيح مابعرفكم كلكم بس قرات كم صفحة عنكم الله يتمم للحوامل على خير ويفرحهم باولادهم ويعطي كل وحدة مشتهة الحمل في القريب العاجل امين يارب


دمتم بخير

[syria]

الله يسلمك نايوتا ا شاء الله اول ما اعرف نوع لبيبي رح خبركن
انتي كيفك شوووووو اخبارك

[syria]

نجمة السمر يعافي ئلبك يارب عرفييني عنك

بعرفك عن حالي احم احم انا دلوعة التجمع متل مابسموني من حلب عمري 17 متزوجة من 8 اشهر

مغتربة بالإمارات

\