حاليا في عملية طفل انابيب طلو على موضوعي انا محتاجه دعمكم ودعائكم

[يارحيم]

سموة الشوق واموو.. شكرا لردودكم.. انا اليوم الحمدلله احسن شوي وما صرت اخذ مسكنات وصرت اصلي عادي مو وانا جالسه..
بدديت اليوم التحاميل المهبليه الحمدلله سهله مرة كنت شايله همها.. ثلاث مرات باليوم مع حبوب ثانيه ومضاد حيوي.. الله يكتب النفع والاستجابه..

الترجيع بيكون الاربعا الجاي ان شاء الله.. بيرجعون لي اثنين.. الله يثبت لي حملي ويفرح قلبي وقلب كل محرومه.. كان نفسي مرة نجمد الباقي عشان لو قدر الله لو ما صار حمل ارجع احط بدل ما اعيد كل هالمشوار لكن تكلفه التجميد طلعت عاليه وزوجي قال ما يحتاج :( خايفه ما يصير حمل ويروح كل تعبي خساره.. امنيتي اجمد الباقي عشان ارتاح نفسيا انه لو ما صار حمل فيه فرصه ثانيه .. بس ان شاء الله خير ما باليد حيله..

مشكورين على المتابعه وان شاء الله برتاح بعد الترجيع.. مع انه امس كنت طول الوقت بالسرير بعد العمليه واليوم قلت برتاح بعد وحسيت اني طفشااااانه.. زوجي طول الوقت يدرس وانا مو متعوده على الفراغ.. بس كله في سبيل الاطفال يهون..

[يارحيم]

ياجماعة الخير انا سويت السحب امس وكنت اوكي.. اليوم صحيح ان الالم خف بس فجأة افرازات بنيه كثيرة.. هل هو بسبب العمليه ولا يمكن بسبب التحاميل؟؟ اللي عندها فكره تخبرني..

[أثري في مدادي]

يسر الله أمرك ،،، حبيبتي ،،،
ضعي لنا اسم نناديك بها يا غالية ؟؟؟
لا تبالي بالإفرازات ،، فقد أخبرتني طبيبتي أنها ربما تنزل منك فلا تبالين بها ،،، ولكنها لم تنزل معي ،،
متى الترجيع سيكون ؟؟؟

[يارحيم]

نادوني يارحيم :) تخيلي ما حددوها للحين!! الدكتور لما كلمني قال ممكن الاثنين بس اكبر احتمال الاربعا.. انا اتوقع انها الاربعا بس ما جاني الخبر الاكيد لسا..

الافرازات زادت وصارت غريبه مويه كثير ولون ابيض !! مادري ليه احسها من التحاميل.. يعني التحاميل زادت هرمونات الحمل والرحم بدا يفرز هالافرازات يمكن؟

[Amooo]

المشاركة الأصلية كتبت بواسطة يارحيم

نادوني يارحيم :) تخيلي ما حددوها للحين!! الدكتور لما كلمني قال ممكن الاثنين بس اكبر احتمال الاربعا.. انا اتوقع انها الاربعا بس ما جاني الخبر الاكيد لسا..

الافرازات زادت وصارت غريبه مويه كثير ولون ابيض !! مادري ليه احسها من التحاميل.. يعني التحاميل زادت هرمونات الحمل والرحم بدا يفرز هالافرازات يمكن؟

مرحبا اختي ,,
الافرازات شيء طبيعي الموية اللي تشوفينها والافرازات البيضاء هذه من التحاميل لا تخافين ..
اما الافرازات البنية هذا دم من بعد السحب عاادي يختلف الللون من وحده لوحده وتراه طاهر
يعني تصلين وتصومين عااادي واسالي الدكتور لاحتياااط بعد ,,
والله يطمن قليبك ويرزقكك

[يارحيم]

مشكورة امو الحين تطمنت..

ياناس الانتظار موت بطئ.. احس اني اموت باليوم عشر مرات هذا وانا لسا ما سويت الترجيع.. ودي اغمض وافتح بعد ثلاث اسابيع حتى لو لا قدر الله لقيت خبر مو حلو بس على الاقل اخلص من هالانتظار.. ذبحني وكل شوي بكا ودموع بسبب وبدون سبب.. نفسيتي تعبت مرة..

[Amooo]

النفسية لازم تتعب حبيبتي يارحيم من اثر المنشطات الله يرحمنا برحمته
ويرزقنا بدون تعب
المهم عليك بالصبررر انا كذا المرة الاخيرة كنت بموووت وطفشت وحالتي حاله
وابي اطلع من البيت استغفر الله ما كان عندي صبر وما كتب الله لي الحمل
اما المرة اللي قبلها والله كنت اقعد بالبيت واقرا قران واتصفح النت ومريحة نفسي
وقالولي حامل باول تحليل وبعد اسبوع قالوا ما في حمل الحمدلله
طولت عليك اعذريني بس لاني حاسة فيك وربي واكيد غيرنا بعد مر بهالتجربة

[دلوعه فصولي]

الله يوفقك ويتكب لك الي فيه الاخير يارب

[يارحيم]

الله يرزقك امو حبيبتي الذرية الصالحه اللي تسعدك وتبر فيك عاجلا غير اجل.. ويرزقني وكل محرومه..

مشكورة دلوعة فيصل الله يستجيب..

انا يا جماعة الخير سويت السحب يوم الجمعه وتعبت يومها وتألمت بس يوم السبت تقريبا طبت وحتى طلعت من البيت وعشت حياتي طبيعيه.. لكن فجأة امس الاحد رجع يزيد الالم شوي شوي ولما صار بالليل بغييت امووووت جاني شي مو طبيعي اكلت مسكن وبصعوبه قدرت انام!! مادري وش السالفه.. اليوم لما صحيت كنت احسن وكلمت الدكتور وقالي يمكن ما تشربين مويه كويس كثري مويه ولا تحرصين على الكربوهيدرات ركزي على البروتين ولو تعبتي كلميني اجيبك المستشفى اشوف وش فيك.. الله يستر

عملية الترجع تحددت يوم الاربعاء الظهر.. الاجنه كل مالها تقل.. اول شي قالو لي تخصبت ست اجنه من اصل 14 بويضة بعدين قالو اربعه هي اللي نمت بشكل طبيعي واثنين مو وصلو لعدد الخلايا المطلوب.. بعدين قالو من الاربعه واحد نخب اول واثنين نخب ثاني والرابع صار تسع خلايا الظاهر مايعتبر طبيعي.. قالت نشوف لين الاربعا وش بيبقى.. ضاق صدري مرررررررررة.. ياااااربي ان اجنتي ودااااااعتك يامن لا تضيع عنده الودائع.. احفظها ياربي وردها لي سالمه انك على كل شئ قدير..

[Amooo]

الله يحفظ اجنتك حبيبتي
بس الدرجة الاولى افضل بالترجيع
انا رجعت مرتين من الدرجة الثانية
ولا يضيق صدرك ولاتحزنين قولي الحمدلله
واحمدي ربك على واحد والا 2 وحتى لو مافي
عشان الله يبارك لك ويسعدك يا حبيبتي
ومشكووووووورة على الدعاء
زوجي الحين يضبط اوراقنا للسفر خارج المملكة للعلاج
تعرفين شيء عن بلجيكا ؟؟