دردشة حوامل مملكة المغرب - تجمع بنات المغرب

[chokirina]

الله اكمل عليك بالخير 6 أشهر تبارك الله هاد المرة تعرفي جنس الجنين ان شاء الله

[huyam]

و لكن بلادنا نبغيوها واخا ب les defauts ديالها و ماكرهناش تقدم حتى هي

[مقهورة]

سلام لبنات أنا جديدة فمنتدى تسجلت باش نتعرف عليكم انعود لكم مشكل ديالي أنا سمتي لطيفة 26 سنة هادي عامين باش تزوجت أنا حاملة بنية فشهر التامن دبا لمشكل عندي مع راجلي حيت هو مطلق عندو ولد مع طليقةو ولدو عندو دبا 8 سنوات راجلي مازال كيبغي طليقتو حيت طلقها حيت كتخنو أمكتشقاش ديمة كيجيب لخدمات هي مقابلة لبس المكياج الخروج ملي تزوجت به او أنا كنبكي أكنتعدب مخليت مدرت على قبلو أوالو هي ديمة كتصل به أكتجول ليه خصني كدا او خاص ولدك كدا كيخسر عليها رزقو كامل كاري لها دار اكاري لمها دار رغم أنه شرا لها دارها فاش كانو مزوجين دبا كتكري دارها مفرشة أكتستغلو إخلاص لها لكرة هو ماعندو حتى دار غارق كريديات وقتما تاصلات به كيجري اجاوب أكيجري اقضي لها غرضها ملي مشيت عندها حيت ساكنين فنفس المدينة قلت لها نساي راجلي صافي راح طلقك خرجو ليا هي أمها كيعيروني قالو ليا متحلميش ابقى معاك كيبغني أنا أزيدون ماعندنا منديرو به غارق كريديات غير كنقدو به لغرض بغاو إدربوني تصلو براجلي جىا أدافع عليها خاصم عليا أنا غالي سيري لدار أبقى معها كيسكت فيها أنا مشيت لدار فطاكسي فدموع ملي رجع لدار ضربني قالي هديك حسن منك بعدي منها ياك عطاتك تساع مشيت لدارنا قلتها لبابا ملي فاتت 3 أيام جا لدارنا كيطلب نسامح ليه هدر معاه بابا شرط عليه إفسخ لها لكنترى ديل لكرى ميخلصش رجعت معاه تفاجئت بللي مازال كيصرف عليها متبدل ولو حتى إلى بغى اعيت عليا كيعيت عليا بسميتها كنتقلق كيقول سمحي ليا غير زلة لسان عييت شنو ندير ساعدوني عفاكم

[chokirina]

كنت كندخل الموقع و كيعجبني الحوارات و أثار الفضول ديالي اﻷخت سمراء مبقاتش كتبان و مسكينة كتمنى تحمل وكون عندها بيبي الله اسهل على كاع البنات

[huyam]

اختي لطيفه الله يفرج همك و يهديلك راجلك
انا لي نقدر نصحك بيه هو تقراي سورة البقره بنية ان ربي يهديلك زوجك و طلقيها حتى فدار فكل وقت وكثري الاستغفار و راجلك حاولي تلتخيه واحد ليامات يعني تعاملي معاه ببروده و جاوبيه غي على قد السؤال و شوفي واش ينتبه لك و لا لا هادا مجرد اقتراح و نتي يرجعلك القرار

[chokirina]

أخت مقهورة أول حاجة قبل كل شيء ربي كبييييير و أهم شيء أنا ندوي معاك بصراحة كان عليك تأجلي موضوع الحمالة حتى ينسى راجلك موضوع طليقتو ولكن نحن مؤمنون بقضاء الله و قدره تهلاي فبنتك دابا و الصحة ديالك حتى تولدي و تفكي بخير و على خير عسى الله اهديه منين اشوف البنيتة باذن الله احن القلب ديالو[/quote]

[oumdarda2]

وعليكم السلام الاخت مقهورة حياكي ربي بين اخواتك في الله نصيحتي ليك الصبر ثم الصبر ثم الصبر يقولون ان الفرج الصبر هو مفتاحه الاهم حبيبتي هو ان لايكون زوجك مقصرا معكي متنسايش كتسناك بنية من الزوج ديالك فكري فيها قبل ما تفكري فنفسك ان شاء الله ربي يفرج عليك عم قريب...والابن الاول ايلا صرف عليه ماشي عيب حتى هو ولدو المشكل هو مسالة الدار اللي كاري ليها هي والام ديالها دعي للزوج ديالك بالهداية وانا بدوري غاندعي ليك بظهر الغيب ربي ينور بصيرة زوجك وينبهو لطريق الخير اللهم امين

[oumdarda2]

لا اله الا الله وحده لا شريك له له الملك وله الحمد وهو على كل شئ قدير

[oumdarda2]

الاخت هيام ولفتي هنا ولا والو ... انا الحبيبة واااالو واش ولفت البلاد هي البلاد واخا كاين فرق كبير بين هنا والمغرب ولكن سبحان الله القلب دائما كيحن ... ختي ضحى متخافيش من الولادة راه ربي يوقف معانا ان شاء الله الله يسهل عليك ويعطيك وقفة ساهلة.

[مقهورة]

المشاركة الأصلية كتبت بواسطة huyam

اختي لطيفه الله يفرج همك و يهديلك راجلك
انا لي نقدر نصحك بيه هو تقراي سورة البقره بنية ان ربي يهديلك زوجك و طلقيها حتى فدار فكل وقت وكثري الاستغفار و راجلك حاولي تلتخيه واحد ليامات يعني تعاملي معاه ببروده و جاوبيه غي على قد السؤال و شوفي واش ينتبه لك و لا لا هادا مجرد اقتراح و نتي يرجعلك القرار

شكراً أختي هيام أنا كنتجاهلو ولكن لا حياة لمن تنادي حتى هو كيتجاهل عييت جربت جميع طرق ماعرفت كيفاش حملت حتى طلبت طلاق القيت عندي شهرين انص أتنزلت عليه كنشكرك أختي على نصيحتك الله اسهل أمورك