دردشة حوامل أهل قطر - دردشة بنات قطر - تجمع حوامل قطر

[**سماسم**]

بسم الله الرحمن الرحيم فتحنا هذا التجمع من أجلكن لتبادل الخبرات والمعرفه بخصوص الحمل بهذه الفتره .. ونتمنى مراعاة الآتي حتى لاتتعرضين للتوقيف والحضر من المنتدى : عدم التدخل بخصوصيات العضوه . أحترام وجهات النظر وعدم الشتم والتجريح والكلمات الغير لائقه لأي عضوه . تبادل الإميلات والأرقام وروابط المواقع داخل التجمع ممنوع . يمنع تنزيل أي عمل تجاري أو عروض داخل التجمع. يمنع التطرق والتعرض للأعراض أو للعنصريه أو للقبليه أو الطائفية والتي بها تجاوزات دينيه وسياسيه. يمنع فتح تجمعات إلا بعد التنسيق مع مشرفات القسم أو الإداره . نتمنى التعاون معنى وأتباع قوانينا التي وضعت من أجلكن لتتمتعن بدردشه راقيه وذات فائده ,,

[حرم المالكي]

السلام عليكم و رحمة الله و بركاته

انا اول كروووشه

ثانكس على هالتجمع.. بس وين راح التجمع القديم؟؟؟

[Mss Hassan]

وعليكم السلام و رحمة الله و بركاته


حي الله حرم المالكي نورتي المنتدى

و تبارك التجمع فيج فديتج 

شلونج و شخبارج ؟

وان شاءالله ينترس هالتجمع 

[حرم المالكي]

منووور بوجودج حبيبتي ..

نداء حق الكروشات القطرياااات .. تعالوا اهني نسولف

[Mss Hassan]

بعد البي انتي 


جوري قطر

شوكولاطه

ام الهنوف

وينكم حبوباتي طمنونا عليكم

[شوكلاطة]

هلا وغلا حبيباتي وبنات ديرتي

منزلن مبارك وتجمع مبارك يارب ههههه

مس حسن سألت عنج العافية يالغالية

أنا بخير يامال الخير

أحس اني ثقلت خلاص كله عيزانة هههههه
واحس كله بطني مشدود مادري ليش

ةنومي معتفس بعيد عنكم وأفلم لكم بهالأحلام كوكتيل عجيب غريب مع اني اتوضا واقرا الاذكار بس مافي فايدة ولله الحمد
طبعا غير الفزات وروحات الحمام تكرمون

الحمممممدالله اني بديت اجازة ولا مادري شلون بداوم على هالحال

وبعد مممم

وبعد اخباري

مازال التجهيز مستمر ولو انه بكسل

ورحت اليوم المعرض شوي وتعبت وزحممممممممة مساكين أهل قطر مايصدقون يصير معرض

وبعد مممم

اذا تذكرت شي برجع لكم


انتو شخباركم

مس حسن شلون البيبي


وحرم المالكي شخبارج ويا الحمال

[حرم المالكي]

صباحكم خير..
شخباركم كلكم..؟
مس حسن وحشتيني.. انا بكرة بروح العمرة ان شاء الله .. يومين بس.
نفس حالتي شوكولاطه.. ثقل و مافي نوم .. الحمدالله على كل حال..
انا تقريبا اسبوع و بدخل الثامن ان شاء الله..
بديت اجهز باقيلي شوية اشياء.. المعرض طايحين فيه طيحه .. بس انا ما افكر اروح .. مافيني شدة الزحمة ..

انتي اي شهر لج و كم بيبي عندج؟

[Mss Hassan]

شوكولاطه :


ياهلا فيج حبوبتي نورتي التجمع 

الله يبارك فيج 

و التجمع يتبارك بوجودكم الحلو 

الله يعافيج فديتج 


دوم يَ رب مو يوم 


الله يعينج و يسهل عليج ولادتج يَ رب 


حتى انا نومي معتفس و مع ولدي كل شوي يقعد

ولا انام عدل وان نمت حلمت حلوم مادري شسالفتها  !

التجهيزات احلى شي حتى لو بكسل

انا مارحت المعرض ولا رحت محل قعده بالبيت و ملل والله يعين 

ان شاءالله تذكرين و ترجعين تونسينا 

الحمدلله بخير الله يسلمج 

البيبي يسلم عليج

محتاسين مع مواعيد المستشفى

و قربت تطعيماته حق الشهرين بعد الله يعين

[Mss Hassan]

حرم المالكي :




صباح النور و السرور

الحمدلله طيبين و بخير و نسأل عنج 


مايوحشج غالي فديتج و انتي اكثر 


ان شاءالله تروحين و ترجعين بالسلامه يَ رب 

بنشتاق لج وايد 


و بيبين مكانج بالتجمع 

[شوكلاطة]

المشاركة الأصلية كتبت بواسطة حرم المالكي

صباحكم خير..
شخباركم كلكم..؟
مس حسن وحشتيني.. انا بكرة بروح العمرة ان شاء الله .. يومين بس.
نفس حالتي شوكولاطه.. ثقل و مافي نوم .. الحمدالله على كل حال..
انا تقريبا اسبوع و بدخل الثامن ان شاء الله..
بديت اجهز باقيلي شوية اشياء.. المعرض طايحين فيه طيحه .. بس انا ما افكر اروح .. مافيني شدة الزحمة ..
*
انتي اي شهر لج و كم بيبي عندج؟

هلا والله عزيزتي
عسى مايوحشج غالي يارب

ماشالله .. تروحون وترجعون بالسلامة يارب*
والله يتقبل طاعاتكم ان شالله ويسهل عمرتكم عاد حاسبي على نفسج يمه

المعرض والله لا باس مع ان ماطولت بس الاسعار دبل العام ودبل اسعار دبي*

اي زين تسوين خلصي جهازج قد ماتقدرين بدري

الله يعينا عالثقل ويكتب لنا الاجر يارب
وانا سلمج الله سابقتج بشوي
*فالثامن الحمدالله تقريبا خلصت ثلثينه .. *باقي عشر ايام وادخل التاسع ان شالله*
وهذا أول بيبي .. حملت قبل مرتين بس ما الله كتب يثبت حملي
عسى الله يقر عيونا بشوفة البيابي يارب

مرة ثانية ترجعين بالسلامة يارب وتقبل الله طاعاتكم مقدما

في حفظ الله *