تجمع حوامل ليبيا

عيون زوجي · 01-19-2011, 04:12 PM

اختي جابت يوم الجمعه بالعمليه
تعذبت بالطبيعي والطلق والرحم مافتحش اكتر من 1.5سم
والحمدلله جابت اوليد حلووو
عقبال عندكم سماته عبدالرحمن
ومرت خوي قبلها بيوم ونص طبيعي
مع انها مواليد94 ربي سهلها اعليك
ماحستش الم كبيررر بكل وجابت طبيعي بلا عداب
ماشااااااااءالله اعليهم
وعقبالكم يارب

عيون زوجي · 01-19-2011, 04:13 PM

اضواء وام قصي مرحبتين بيكم بينا

عيون زوجي · 01-19-2011, 04:14 PM

انا جعانه ما درتش غدي
بنتصل براجلي ايجيب غدي من برا وخلاص
لانه هو يتغدي برا ويروح مع ال 5 العشيه

عيون زوجي · 01-19-2011, 04:15 PM

سورينام حبيبتي وينك تعالي طمنيني اعليك
ولا زعمه فيه حد خش اعليكم في شقتكم
في ظل هالفوضى والدوشة يلي صارت

عيون زوجي · 01-19-2011, 04:16 PM

ام اسيل شكلك زرعتي في عيادة الامل صح
يارب ايكون شكي في محله وتفرحينا

عيون زوجي · 01-19-2011, 04:19 PM

بنسئلكم مرت خوي مدايرة اسبوع
الاسبوع الجاااااااااي
والحاجه الحلوة يلي بتقدمها مع الشاهي
قلتلها اني بنجيبهالها هديه
ومحتارة شن ناخدلها اقترحوا اعليا
بالله اعليكم
مانبيش كيكه ولا حلوات حوش
ولا كنافه بالقشطه
شن الحل وشن ناخد ومن وين
نبي تفاعلكم وردودكم يلي زي البلسم
هيا افيدوني..........