ديوانية حوامل البحرين

الفتاة الذهبية · 08-10-2010, 07:56 PM

وعليكم السلام

انا توني مخلصة فطور

اليوم ما دخلت الديوانية لانه قمت اجهز لانه بيت عمي صاموو كلهم
قمنا نسوي الفطور والحمدلله خلصنا وتفطرنا

شخباركم بعد ؟

الفتاة الذهبية · 08-10-2010, 08:16 PM

بكره موعدي ان شاء الله
ادعووولي اسمع نبض الجنين

rose soul · 08-10-2010, 09:29 PM

الفتاة الذهبية
عليج بالعافية...الله يتقبل صيامكم

وموفقة باجر..وان شاء الله البيبي يكون بصحة وعافية
^_^

أم حماني · 08-10-2010, 09:34 PM

رمضاااااااااااااااااااااااااااااااان

مباااااااارك عليكم الشهر .... فديتكم

rose soul · 08-10-2010, 09:51 PM

ام حماني
مبارك علينا وعليج ان شاء الله

ويسهل على كل الحوامل صومه

^_^

أم حماني · 08-10-2010, 10:03 PM

آمين ان شاء الله ... انا متحمسه اصوم ... ماتخيل نفسي افطر ... الله يقدرنا ان شاء الله
كنت ابي اروح اصلي التراويح في المسيد بس ريلي مارضى يوديني معاه

rose soul · 08-10-2010, 10:11 PM

اي ان شاء الله
هههههههه يخاف عليج هههه

انا امس صادني حموضة عدلة وحرارة
حسيت روحي بموت
وصل الى صدري وبلاعيمي
قعدت آكل ليمون لأن حسيت يروح اللوعة
بس طلع علي بعدين
والله قعدت اصيح وماكنت اعرف شسوي

أم حماني · 08-10-2010, 10:25 PM

ليمون مره وحدة ... انا معظم حملي كنت كارهه اي شي حامض بسبب اول حملي اشرب ليمون عبالي يودي اللوعه .... ههههههههههههههههههههه

حنين للماضي · 08-11-2010, 12:02 AM

السلام عليكم
مبارك عليكم الشهر
وعسى ربي يسر ونصومه كله على خير

اليوم كنت بصوم بس الصبح رجعت اله في جبدي كامل
ماقدرت اصوم بعد
ان شاءالله باجر بإذن الله

اخت حروف مابينت؟؟؟
ان شاءالله تكون بخير

وام حماني الف الحمدلله على سلامتش
الحمدلله طلع كل شيء طبيعي
ودام دخلتي شهرش توقعي الولادة في اي وقت
اني اختي ولدت قبل موعدها ب16 يوم تقريباً

اختي فتاة ان شاءالله باجر تسمعين نبضة وتفرحين
اني يوم سمعته حسيت الارض مو شايلتني
صدقت نوعاً ما اني صدق حامل

وعلى طاري الليمون اني صايرة اموت في شيء حامض
وكله ابي آكل ليمون
ساعات مااقدر اجود نفسي اروح آكل لي ليمونه عجيب

أم حماني · 08-11-2010, 12:22 AM

ههههههههههههههههههههههه مشكورة حبيبتي حنين ... عقبال ماتعدي عليج فتره الحمل بسرعه وتكون سهله ... واي شي بخاطرج اكليه ,,, متى موعدج الياي ؟؟ اتوقع يصير تعرفين جنس البيبي الحين