اهلا باهل الجود والكرم **اهلا بسيدات ليبيا**

[sosolibya]

ماشاااااااااء الله قل أعوذ برب الفلق عليها سوما السمحة زي الملائكة ماتقولش هاديكا يللي مدايرة المقالب في أمها هههههههههه

وبالنسبة لإحساسك تجاها هذا إحساس أي أم لبكرتها وبالعكس قلبك رح يوسع كل صغارك وتوا تجربي وتشوفي وتوا نحطلك موضوع أقريه..

[جوهرة ليبيا]

السلام عليكم ورحمة الله وبركاته

[جوهرة ليبيا]

ماشاء الله تبارك الرحمن ربي يحفظها الغاليه سوما من ضحكتها وحده مشاكسه

والصوره الاولي قمه في البراءه والنعومه والحنان

ربي يخليها وتشوفيها من خيرة البنات خلقا زي جمالها ربي يزيد ويبارك وتشوفي وخيها ووخيتها ووخيها <<هههه تعادل


وبالله ديما ارقيها وربي يحفظها من كل شر ويخلي ايامها حلوه ويحفظكم ليها

[جوهرة ليبيا]

هدهد لمن تشبه بنتك اكثر ليك او لبوها <<< باش نتخيلك صح هههههه

سوسو صحه العشئ وحتي اني زيكم من فوق تمااام من خصري شئ من هلللبه ومش شوي هههههههه

امبكري درت نفسي مانبيش نتعشي الا كيوي وانجاص شويه

لكن تواااا اكييييد حناكل هههههه جعت

[جوهرة ليبيا]

اوشي غطست معادش بينت ان شاء الله خير

وفروسه حتي هي

وباقي البنات امول ووسونه وفيفي وجنوده وام ورد ووووووووووووو

ان شاء الله يكونوا بخير

[هدية الخالق]

الله يسلمكم ويخليكم سوسو وجيجي عيونكم الحلوه ربي يحفظ صغاركم
بالنسبه للشبه يا جيجي اللي يشوفها يقول هديه الصغيرة سبحان الله أمي قاتلي هكي كنتي لما صغيره
وطبعا فيها حتي شوي من بوها أبيض وعيونه عسليات
البياضه جاية لزوجي أكتر مني ماشاء الله
أني تلاته أرباع بيضاء مش بيضاء كامله ههههه

[جوهرة ليبيا]

ماشاء الله عليك

صار هدهد الشقرونه بنقولك ههههههههه

بنزلك صوره عريسها وانتي ورايك مع ان في الصوره تعبااااااان ومريض

[جوهرة ليبيا]

تعالي ياهدهد الشقرونه

[هدية الخالق]

يا بنااااااااات حسني خايفة توا لقيت نازل مني شوية دم خفيف مع مخاط وصفته مش زي دم الدورة
زعما هادي الدورة جت والا علامة حمل ولا إجهاض لا سمح الله وظهري مفتوووووح منموت منا
أحسن حل نمتد ونرتاح نين نشوف شن يصير

[خوله 2014]

المشاركة الأصلية كتبت بواسطة هدية الخالق

يا بنااااااااات حسني خايفة توا لقيت نازل مني شوية دم خفيف مع مخاط وصفته مش زي دم الدورة
زعما هادي الدورة جت والا علامة حمل ولا إجهاض لا سمح الله وظهري مفتوووووح منموت منا
أحسن حل نمتد ونرتاح نين نشوف شن يصير

ان شاء الله لاباس اختي هدية وردي بالك علي روحك حسب علمي والله اعلم ان هدا شيء طبيعي يصير لان جارتي حتي هيا في حملها التاني ينزل عليها دم كانها دوره ولما عاينت القوها حامل ووضع الجنين ممتاز وتوا هيا في السادس وانتي بالك هده علامه حمل بوليد ما تندريش وربي يكمل حملك علي خير