سيدات ليبيا الحبيبات ..تفضلووو

[sosolibya]

فيفي ,, كثري من شرب الماء وركزي على التمر والعسل ونقصي من الحليب لأن توا غير بينفخ البيبي..

وركزي ديما على ملابسك الداخلية تحسبا لنزول العامة,,

[sosolibya]

زيارة الحامل للطبيب..



شن عشاكم ,,,

أنا مادرت شىء والحق بالليل مانطيبش ’’

وغداي اليوم دلااااااع ووو بيتزا ممممممممممم

[شموسه 88]

اني جييت سوسو
بلنسبه ليا درت سندوتشات شاورما بس ماقدرتش نااكل خذيت طاسة زبااادي او اخيياره ههههههههههههه

[شموسه 88]

كلمة المررور ليا كم يوم انخش وانحط في ارقام لي عادة نستعمل فيها لعند مااحززرت ان شالله مره هذي مش حنساه

[شموسه 88]

غذاكي خفيف ياسوسو او منعش انا درت غداي طبيخه فاصوليا خضراء او رز

[شموسه 88]

اامس دخلت شهري انصدمت لما شفت التاريخ نبي انجهز شنطتي او شنطت البيبي

[شموسه 88]

ام فرروسه انتي اتجيبي في مصحه ابن سينا
نبي نسالك لو القيتي دكتور لي ماسك تقدري اتقوليهم تبي اتولدني دكتوره الغلبيه نصحوني بيها بس مانبيش دكتور يولني او حتى زوجي مش مقتنع ان دكتور يكشف عليا

[dr.loly]

المشاركة الأصلية كتبت بواسطة شموسه 88

ام فرروسه انتي اتجيبي في مصحه ابن سينا
نبي نسالك لو القيتي دكتور لي ماسك تقدري اتقوليهم تبي اتولدني دكتوره الغلبيه نصحوني بيها بس مانبيش دكتور يولني او حتى زوجي مش مقتنع ان دكتور يكشف عليا

اهلين شموستنا ماشاء الله خشيتي شهرك
وعدن الايام بسرعه ان شاء الله ربي يتمملك ع خــير..

للاسف ماتقدريش لان ع حسب لي ماسكين وقتهاااا

بس القابلات ماشاء الله عليهن طبعا كلهن طاقم اجنبي

اوكرانيات وبلغاريات وفيلبينيات


للاسف الزهايمر متاعي نسي اسم القابله لي تولد فيا

هذه طلبتها في الاء جتني ف مرحله التخييط طقت فيا
وعطتني بنج هي ودكتوره خيطت

وقعدت معايا بعد وصلتني بكروسه لداري شوي



بس ابن سينا احسن اطباء ابنغازي فيها يمسكوا

وشن اسمه لدكتور الشايب رئيس القسم هههه

زكريا الانقي
حي ع الزهايمر حي ههههه وع فكره تعرفت ع صبايا
ايام مراجعات قالو لو تعرفتي ع دكتور ودكتوره اكثر لي تراجعي عندهم يجوووك
زي عبدالرسول ومحمد رافع
لان جارتنا هي وخواتها يطلبن ف عبدالرسول بس عمليه يجيبن الاثنين

وربي مايطيحك في دوريناااا ككان بتجيبي فيا هذه لي مخربه سمعه ابن سينا
دكتوره ماتنطقاش من الاخير
هي ودكتور نهاد مصري ديما يمسكوا لانهم مقيمين ف المصحه

نهاد كويس بكل وطاحت فيه صاحبتي مرتين وبنت عمي
ومراه تعرفت هنا عليها قالت مرتين هوو

نا نراجع عنده مرات لان شاطر و ويقولك جنين ع سونار
كل حاجه فيه بالضبط وبعد يأس مع ابوفروسي
مش مقتنع بدكتور نهائي بس ف ثامن ف فروسا

كان فترة عطله ودكتورتي معتدره ندكر رقاله وقتها زوجي

وخش معاياااا وبه لي حصلناه لان قالي كيف لتوا ماعرفوش جنس بيبي

ف ملفك طول اكدلنا قال ولد مجرد ماحط سونار

وف الاء نفس الصدفه هههه ومن الرابع قالي بنوته


عموما نا في فراس قلت لصاحبتي هذه نبيها هي تولدني ومعاها وحده فيلبينيه

عسل من الاخر

قالو نحن خبره 25 سنه... لكن بكريه لازم دكتور

ونا كنت متحشمه الحق ومش متقبله الفكره نهائي


ودكتور لي ماسك وقتها بروفسور اسمه سعد وواضح ان ملتزم

من لحيته والازااار

وجاني ف مرحله الخياطه بس لان مافش حد يخيط قالولي

حتي لي ف طوارئ وعمليات دكاتره كانوا

وقالولي هذا ممتاز وفعلا مثل ماقالووو



وف الاء ولدتني قابله اعجيز بلغاريه هههه

خبره من الاخيره الحق ماحسيت بيدها بكل حتي وهي تضغط ع بطني


والخياطه دكتوره معروفه اسمها سالمه مغربي اعتقد كان مالخبطتش




لكن انتي ثالت بطن مش حيخيطوا كان رحم انفتح خصيصا بكامل

ومخيطه قبل مرتين

يعني ف كل احوال قابلات حيولدنك ومش ح تستحقي للدكتور او دكتوره

الا في حالة مرور الخروج بس



لان بنات عمي وصاحبتي وجارتنا ثالت بطن قالو مايفتحوا ولا يخيطوا

وكذلك هك شفت صبايا جابن معايا



كان هي نفس ماجبت فيها سمحه تعتبر ابن سينا

النظافه والهدوووء لان مافش مرافقات طبعااا
وطقم ممرضات اجنبي

الهرجه اشوي تبدا من صبح من عاملات نظافه
والغيارات كلهن موجودات ف غرفه القسم سوا فوطه
او ورغان او روب او اولويز ونوع لي يجيبوا فيه (سندريلا)
بعد ولاده وتنظيف يلبسو البامبرز كبيره ههه


زياره من 2 ل 4


يهتموا ب البيبي وحاضنه الاطفال في قسم ولاده طبيعي

خطوه جنبك ويلبسوه منهم وكل شئ

بعد مايديرولك خروج بس تعطيهم لبسته بكامل

وحتي الزي موحد ارواب منهم

لان في اول ولاده غل كركرت دبش ع فاضي

رغم ان سقع كان لكن روب ربع كم انصدمت

بس فعلا دافئ المستشفي


في الاء طولت 3 ايام وماجابوش حد معايا ف غرفه هههه

دلع حاطه ع قناة المجد نذكر بعد عطوني البوس متاع ليه صناعيه

ورعب هههه مانبيش نخوفك عاد من توا


ربي يسهلك وتكون ولادتك ميسره يارب

ان شاء الله اكون افدتك واي استفسار اخر تفضلي

[شموسه 88]

نبي انخلي لصغار يسهروا اشويا بس هظا كلا غلبوني او رقدددوا

[sosolibya]

فروسة لو سمحتي تعالي جاي شوية ,, في بعض المواضيع يللي ليها فترة طويلة كاتبتها ,, خلاص معاش عندي صلاحية نعدلها ,,

بالله نبي الموضوع هذا ,, لو أنت عندك صلاحية التعديل تمسحي منه أي صورة بيبي ,, روح يعني,,

ومشكورة وبارك الله فيك مقدما,, وسامحيني على التعب,,

http://forum.hwaml.com/t95988.html