دردشة حوامل أهل الرياض - دردشة بنات الرياض - تجمع حوامل الرياض

[{ يا كُل مآملك ,,]

ممكن احد منكم ينصحني باي شهر ابدا اقضي
انا بشهري ثالث و راح ادخل الرابع الحمدالله نساتي بدت تخف
وحالتي صارت احسن وافكر ابدا اقضي لكن مادري هو لسى بدري علي ؟؟

وممكن تساعدوني بمحلات تبيع ملابس حوامل حلوه ومريحه سواء للبيت او للزيارات
مابغي البس لبس اكون فيه متبهدله وكاني اكبر من عمري لا ابغاه مناسب لي ومريح تكفون انشدوني ؟؟

[همسه ود]

اختى ياكل الملابس عندك لواء للحوامل ومراحل ملابسه كويسه وتناسب جميع الاذواق

[دلوعة ميمو]

مساء الورد والياسمين لاحلى كروشات بالرياض
اعرف بنفسي اولاً ,,, انا عضوة جديدة وهذي اول مشاركة لي
انا عايشة بالرياض بس اهلي فمكة اكرمني الله وحملت الحين في الشهر الثاني وهو حملي الثاني والاول اجهاض حملي الثاني جاء بعد سنتين الحين اراجع بمركز الشعاع الطبي عند دكتورة عزه مرة شاطرة وفاهمه شغلها
بعد التعريف السابق ابي مساعدتكم بالتالي .......
ابي افضل مستشفى حكومي اراجع فيه واتابع حملي لان الميزانية ماتسمح والتامين ما يغطي ماتبعت الحمل
كثير مدحوا مستشفى الملك فهد اقدر افتح ملف فيه واتابع حملي ؟ متى اروح لهم ؟ومن افضل الدكتورت فيه ؟
بنات انا شايلة هم النونو لاني سقطت قبل كذا وش الاحتياطات اللي تنصحوني بها؟
الشي الثاني احس اني صرت اكره الدجاج مرررررررررره والسمك ما اطيقه واللحم ما احب ريحته وش الحل؟كيف اغذي البيبي البروتين اهم شي لنموه ؟

اسفة على الاطاله واتمنى تفيدوني وان شاء الله المرات الجايه افيدكم ادعولي ربي يتمم حملي ويفرح قلبي وقلب زوجي بشوفته سليم معافى

[{ يا كُل مآملك ,,]

همسه شكرا لك
راح اروح للمحلات اللي ذكرتيهم لي


انشدوني يا حوامل لازلت بحيره بموضوع الولاده انا اتابع بمستشفى المملكه و ودي اغير الى مستشفى دله لان اغلب اهلي نصحوني فيه ويقولو الولاده فيه احسن من المملكه
حاليا انا مرتاحه للدكتوره اللي بتابع معها لكن انا اهم شي عندي الولاده وباقي لي وقت طويل على الولاده وحابه من الحين ارسي على مستشفى اواصل فيه الى الولاده

انتو تنصحوني اروح الدله ولا ابقى بالمملكه ؟؟!!

انشدوني زوجي مل مني كل اشوي بقوله براجع المستشفى الفلاني وهو يقول لي الحين قرري وين حابه تولدين ونخلص

[انا منتازة]

حبيبتي دلوعة ميمو وربي مثلك مااحب الاشياء اللي قلتيها
وغير كذا السكريات كنت اموت فيها والحين مااطيقها
بس الله يعينك ويتممم لك على خير
ويرزق كل محرومة من الذرية

[$حبيبة زوجي سطومي$]

مرحبا كروشااااااااات
اخباركم واخبار الحمل والنونو معكم

اختي دلوعه الله يتمم حملك وتولدين بالسلامه وتفرحين ويفرح زوجك يارب
بس عليك بالاذكار وكثرة الدعاء والصلاة الليل صلاة القيام وقراءة سورة البقره يوميا والله يثبته
من ناحية المستشفيات الحكوميه انا كثير مدحو لي الجامعي
بس انا رحت بفتح ملف ورفضوني لاني ماجيتهم بالشهور الاولى جيتهم بالشهر السادس
كان تبين تروحين روحي من الحين
هذا اللي بصراحه احس فيه ذمه شوي
بس مستشفى سلمان على الشميسي لاتقربينهم انا جربتهم وزحمه مدري على ايش وللاسف مستشفيات مقرفه من ناحية النظافه
وفيه ناس راحوا له ويمدحونه يقولون خبره انتي عاد لك الخيار لو تروحين تزورينهم او تروحين عند كل مستشفى وتطلبين كشف اذى حسيتي بشي كذا بتكونين جربتي وببلاش انا كذا سويت بس الله يعينك على الزحمه والانتظار

من ناحية الملك فهد اللي اعرفه مايفتحون ملف او يولدون الوحده اللي ان كان زوجها يشتغل عندهم والا بواسطه قويه
او تدفعين فلوس بس مدري كم
انا كلمتهم قلت بولد على حسابي قالوا لي والله مانضمن نلقى لك سرير وقت الولاده
وماعاد كلمتهم وماقد رحت لهم بصراحه

والحرس والعسكري لازم زوجك يشتغل عندهم او واسطه قويه مرررره

ومستشفى الملك فيصل التخصصي كلمتهم قالوا مانستقبل الا الحالات الحرجه يعني اذى بالام الحامل او الجنين مشكله او مرض قلت بسم الله علينا
او اذى سبق لك ولاده قيصريه او حملك حمل انابيب
ومارحت لهم ولاعاد دقيت
لان هذا اول حمل لي الله يهون علي وعليكم اجمعين

اتمنى افدتك اختي الغاليه دلوعة
ومن ناحية كرهك للاشياء اللي ذكرتيها انا مريت فيها بالشهور الثلاثه الاولى هذا الوحام الله يعينك ويصبرك
بس انا كنت اول مااصحى من الفراش اكل بسكوت مالح والله بالغصب
ومره كنت اكل خيار واكل الثلج خاصه اذى استفرغت الصبح عاد انا ذبحني الاستفراغ
وكنت اسد خشمي واكل غصب اللحم والسمك بس الدجاج والبصل والثوم المحموس الله لايوريك ان شميتهم بس اكل غصب عشان البيبي
واذى مره ماتقدرين خلي الدكتوره تعلمك اكلات او انتي شوفي بالنت اكلات تكون نفس الفائده بالدجاج واللحم والسمك
انا بصراحه معاد قدرت اتحمل ورحت للدكتوره وكتبت لي حبوب للغثيان والوحم ونفعت بصراحه اكل حبه قبل النوم ولما اصحى يخف ويروح الوحم شوي
ونفعت فيني والله
بس اهم شي اول ماتقومين اكلي شي لاتجلسين جايعه ترى الجوع هو اللي يخلي الوحم يشتغل ههههههههه
والله يعينك والله حاسه فيك
اتمنى افدتك يالغاليه
وادعيلي ان الله يسهل حملي وارسي على مستشفى ودكتوره والله يسخر لي دكتوره تريحني مااتعذب معها


طيب حوامل بسئلكم انا فكرت بكذا مستشفى عشان اولد بعد مارفضوني الجامعي قررت اولد بخاص بس مايتعدى ال5000 او6000 هذا اللي اقدر عليه
وفكرت وقررت دله
ونصحتني دكتورتي اللي من حملي وانا عندها قالت روحي للمستشفى السعودي البريطاني يمدحونه وارخص من دله
فحبيت اسئلكم احد جربه او يعرف عنه شي
ووش افضل دكتوره عندهم تولد وخياطتها ممتازه
تكفوووووووووووون ردو علي لاتطنشوني
ومشكورين مقدما خياااااتو

[همسه ود]

حبيبه زوجها انا بولد ان شاء الله بالسعود البريطاني عند د.فايزه كثير مدحوها وهي عراقيه اذا كنت بالرياض اما اذا سافرت راح اتوهق لاني ماأعرف دكتوره كويسه وشايله هم الموضوع ومسبب لي اكتئاب الله يعين ويسهل

اما يأكل مستشفى المملكه كويس بنت خالي والده فيه مرتين وطبيعي وتمدحه ودله كويس بس اذا كانت حضانتهم مليانه يجمعون الاطفال سوى بسرير واحد
وانتي دام مرتاحه مع طبيبتك وهي الى راح تولدك افضل لك واريح وخلك بالمضمون واستخيري والخيره فيما اختاره الله


بس عندي سؤال انا احس بحالته اكتئاب حمل شديد واحس مليت ودي اولد وارتاااح ونفسيتي خايسه مره ولااطيق احد حتى الاكل ما أكل كويس وجبه باليوم وياليت اخذ كفايتي بعد
واحس الله يكرمكم البول عندي زياده مره وكل مااستلقيت اناااام ويجيني خمول وخفت ان يكون عندي سكر حمل وتفشلت من الطبيبه كل يوم جايتها ماودي اروح
هل هذي الاعراض اعراض سكررر؟
وش تنصحوني؟

[$حبيبة زوجي سطومي$]

مشكوره يالغاليه همس
بالنسبه باللي تعانينه والله مااعرف
انا بعد هاليومين تجيني حالات ضيقه لدرجه انام وانا اصيح ومااحب اكل او اكل بشراهه
ومن ناحيه البول وانتي بكرامه ذبحني من كثر مااروح للحمام لدرجه اقوم من نومي عشان الحمام ماعاد عرفت انام والله الله يعين

[أرجوان]

وانا كمان مو عارفه وين اولد قالوا لي التامينات حلوه الولاده فيه وماادري ايش رايكم فيه احد ادردش معاه لان صدري ضااااااااايق مره

[تولين]

مرحبا كروشات اخباركم
الله يهون على الجميع الي ودها تعرف عن الجامعي شي انا اراجع فيه بصراحه حلو
والله انا ها الايام طفشانه صار معي سكر حمل والحين حايسه بها الجامعه من دخلت التاسع وانا ميته خوف ان الولاده تجيني با الجامعه الله ييسر بس
تكفون ادعولي ربي يسهل ولادتي