تجمع حوامل ليبيا

[ام قصى محمد]

ههههههههههههه ام اسبل انتى ترجعى وانا نعدى
انا انشاءالله ماشييت ثالث يوم العيد
ما انا كنت طافشه عشان ام زوجى والمشاكل بس توا لا الحمدلله تصافينا وخلاص ما نقدر نمشى ونسيبهم فى العيد

[ميرنا]

روروروروروروروروروروروروى

الف الحمدلله على سلامتكن يابنات اطرابلس انتن وهلكن نورت ليبيا بيكم والله مشغولين عليكم وخايفين عليكم من هذا المجنون لكن الحمدلله ربى خلصنا منه والعقبة لمسكته

[ميرنا]

عقبال العرب سبها يارب وتخش حبل الوصال وتنور التجمع

[ميرنا]

عيون راجالها وميمونة الف الحمدالله على السلامة وباقى البنات الحمدلله يارب انكن طيبات انتن وهلكن

[ميرنا]

عيون راجالها // فى بداية الثورة فى شهر فبراير عندما قال القذافى يويلكم يا امتعين الحيى وبما ان راجلى كان مسجون فى بو سليم فى 96 طيلة سبعة سنوات هربنا لمصر وبعد ما جا ء الناتو وقال للقذافى الشرق صقع عليك تضربه روحنا وتوة قاعدة فى درنة

[ميرنا]

ام قصى بارك فيك ياحنة علمتنى سومة الله يربحها كيف اندير التوقيع لمسيكينة تخيلى قاعدت امعى اقريب 3 ساعات وهى اتعلم فى نين اخرتها على دورت فطورها وبما ان نحن وهم موش واحد فى التوقيت وهم قبلنا با4ساعات نين انحرجت وهى اتقولى خليك عادى توة انطيب هههههههه والله هذك اليوم ما عتقد انها درت غير شربة لمسيكينة

[ميرنا]

ليبيا قلبى ايش اخبارك .......... ؟

ام اسيل ........... ايش اخبار سلفك روح انا اسم عمى عمر شوفى التوقيع امتعى كاتبا فيه اسم النونو اذا كان ربى رزقنى

هاتو ........... شن صار امعك انتى اكويسة توة وشن قالتلك الدكتورة

ام روفيدة ربى يحفظك من كل سو ديمة توصى بالخير ان شالله ربى يكثر من امثالك

[عيون زوجي]

الحمدلله..ريحتوني بكلامكم
ميرنا وهاتو وام اسيل ماشاءالله نبوا اسبوع كبير في طرابلس
مش بنغازي تعالوا عندنا والاسبوع للبيبيات اعلينا
الف الف مبروك وتنوضوا على خيرررررر وبالسلامه انتم والبيبيز يارب
احنا يلي كنا خايفات عليكم اول الاحداث
لان طرابلس مافيهاش دوشه زيكم وخاصة اهل اجدابيا
ويوسف شاكير مفهم الناس ان بنغازي موت ورعب واغتصاب وجوع وكل شبابها ماتوا في الجبهات
قلت ياربي يحفظ الكل وخصوصا رجلاتكم لانكم الشرقاويات الوحيدات يلي نعرفهم في حياتي
وانشاءالله يكتبلنا ربي ونتلاقوا على خيررر
بعد انتهاء الاحداث نهائي خاطري نزور بنغازي وراس هلال والجبل الاخضر مع السنه الجايه كان كتبلنا ربي عمر والامور هانيه
بنسئلكم اولا:
ميرنا نبي قصة حملك بالتفصيل وزوجك انضم رسمي للثوار ولا لا
ام اسيل ماشاءالله في السابع ولد ولا بنت لان ماشاءالله ميرنا وليد صح واسمه عمر
هاتو شن عندك من صغار وقداش ليك حامل
ام قصي هي احملي في هالفجعه على قولة ام اسيل وجيبي خو لبنياتك
ميمونه يارب نفرحوا بحملك يارب
ونتمنى نطمن على سورينام احبيبتي وكل بنات طرابلس

[عيون زوجي]

ام روفيدة امتى مروحة لليبيا انشاءالله....

[عيون زوجي]

انا الشهر الفات تاخرت الدورة 12 يوم على قريب متت من الرعب مش وقت حمل الدنيا قصف وضرب وسلاح وحاليا المستشفيات بلا اطباء يا دوبك اشوية مشغوليين باسعاف الثوار والجرحى
ووليدي قاعد صغير وحركي يمرد ويمشي مع الحيط والصالون ومازال ما سكرش العام
وبخصوص الطهور طهرته لما عمره 8 شهور اكيد سورينام والبقيه بيضحكوا اعليا
لكن نبشركم ولله الحمد ماتعبنيش ولا ليله وجاته طهارة ماشاءالله
بعد العيد نبي نسافر مصر من تونس نبي نسئل عن التداكر كم ونسئل وين ننزل احسن القاهرة ولا الاسكندرية ووين نلقى شقه نظيف وراقيه وشن اسعار الايجار عندهم
وفترة اسبوع في مصر سياحه بزوز صغار تقديريا كم تكلفني