قصتي بولادتي ببنتي البكر

[سكر عسل]

السلام عليكم ورحمة الله وبركاته

وحشتووووني يابنااااات جدا انا تعافيت والحمدلله بعد 15 يوم بالمستشفى وبنتي بعيده عني الحين لي تقريبا من ولدت 21 يوم والحمدلله على كل حال

بقولكم قصتي بولادتي ببنتي البكر >>> اااااه كرهت الولاده خلااااااااص واحد وبس..

المهم قبل ولادتي ب3 ايام كان يجيني الم زي الدوره بس على اقوى يروح ويجي
وكان مفتوح عندي الرحم 2 سم >> وعلى فكره ماجاني الطلق وانفتح الرحم الا من تنويمي بالمستشفى عشان دقات الجنين كنت باسبوع 39 واربع ايام جاني انهيار عصبي وانا
بس صارخ ابي اطلع من المستشفى وماكان عندي بوادر ولاده
بعدها طلعت على مسوليتي
وبعدها بيومين كنت عند زوجي وياما رحنا مشينا وكرفنا عشان اولد
وعلى الصبح شافني زوجي قال ماشكلك بتولدين شكلي بسافر وانتي لسى
انا جاني تحطيييييييم وجلست على هالمنتدى اقرا خخخخخ
فجأه نزل مني شي
وكنت بالسرير تحركت شوي الا بووووووم شلاااااااال ينزل
قمت اركض ادور جوالي زوجي طلع لما احتجته خخخخ
ورحنا بسسسسسسرعه على البريطاني قالو عمليه لان دكتورتي ماخذه اجازه
ومافي الا وحده تولد بس عمليه
وطلعت قلت همهم ذولا الماده وبس ولله حرام عليهم
قلت لو اروح حكومي يولدوني طبيعي مو زي الخاص مادييين
رحت على الجامعي ورقوني فوق بسسسسرعه وانا صراااااخ وبكاااااء
الوجع واصل لعيوني .... وحطوني بغرفه فيها 6 اسره كلهم ساكتين
وانا الوحيده اللي صياااااح اشوفهم يطلون علي ياقوي قلوبهم ماشاء الله
وجتني الدكتوره والسسترات قاسو لقو مفتوح بس 3 سم تحطييييم
وكان طلقي بالجهاز عالي وحطولي مغذي وحطو فيه طلق صناعي
انا اسالهم هذا طلق انا ما ابي طلق قالو هذا مغذي يلعبون علي مجرميين
ومن هنا شفت المووووت طلعت عيوني صدق
وجو لمي وانا افككر المغذي وصيااااااح
وقلت ابي ابرة ظـــــــهــــــر ونقلوني غرفه ثانيه خاصه ونادو دكتور التخذير
وقال اي حركه ترا شلل وانا كنت ارفس من الالم
قلت وشلون بدون حركه تستهبل
وشرحلي المهم وافقت وعطيته ظهري ومسكت طاوله واطلق واعصر فيها واقرا الزلزله
والكرسي وادعي اني ما اتحرك
وخلص مني بعد ربع ساعه تقريبا بدون حركه بس حسيت رجولي ثقاااال
واحس بخمول ونوم ونومتني السستر وسكرت النور قالت لي نامي
ونمت كنت داااايخه وقمت من الالم احس مفعوله راح
وجلست اصااارخ احس شي بينزل احس بدفع
وقاسو طلع مفتوح 10 سم
ونادو الدكتوره والسسترات
وكان زوجي برا مادخلوه وطلب اللي يولدني برفسور اعلى منصب من الاستشاريين
قلت له ماتولدني ابي دكتوره وكان شايف نفسه حقيييير بمعنى الكلمه
وطلع وقال اولدي لوحدك انا بطلع
انا انهبلت جلست شوي اشوفه وهو يطلع خفت وقمت من مكاني وناديته خخخخخ
وخزياااااه يشوفني استحيت المهم حاول معي وانا ادفع وادفع وهو يوسع بيده
والسسترات يوسعون>>> ااااااه من يد نشيطه الى يد نشيطه
من هنا قلت خلااااااص انتم تفتحون ورشه قامو يضحكوون
واخر هالتعب من 11 الصبح لحد 1الليل تتوقعو قال البرفسور
الحوض صغير لازم عمليه >> انا صرخت قلت بدررررري يامجرم
انا ابيك تولدني طبيعي اكسر حوضي سو اللي تبي بس مابس عمليه
عاد قال اولدي لوحدك وطلع >> وسوا نفس الحركه
وجلست اناظره وهو يطلع صدق حقير وبعدها ياعمري انا انرحم ناديته
ووافقت على العمليه وكنت متاكده ان حوضي لاهو صغير بس يبي يرتاحه يولدني
وجاء الفريق الطبي مسحبينهم من نومهم حتى وجيهم ماغسلوها
ونقلوني غرفت العمليات وانا مثل الميته متفككه من الالم حسبي الله عليهم بهذلوني
ونمت على السرير ورفعو ملابسي ومن هنا بدا الخوف قلت لواحد فوق راسي
تكفى مابي اشوف العمليه ابي اناااااام ابي اناااااام
وجاب لي كمامه خضرا قال يلا احلام سعيـــــده
وانا اشم فيها وحسيت اني اشوفهم 3 و4 و5 وعصافييير وغيوم فوق
ونمت وبعدها قمت عاد الشوف مارجع السسسترا يضحكون ويكلموني اني ولدت
انا ماصدقت وضغطت بطني وقمت اضحك مع اني بموت من الالم
وشفت زوجي ياعمري من امس وهو ينتظرني خايف علي حبيله ونقلوني غرفتي الخاصه ارتحت نفسيآ اني ولدت اخيرآ وزوجي معي اااه قمت السعاده

لكن بعد خروجي من المستشفى انفتحت العمليه وانتفخت ونزل منها صديد ودم
وحرارتي فوق ال40 هنا لما رحت مسكوني ونموني غصب لان حالتي جدا صعبه
ولما استدعيت البرفسور شاف عمليتي قال انا مالي دخل انتي خربتي شغلي
وراح وخلاني الله لايوفقه وجلست بالمستشفى بس اصيح واتالم وبنتي بعيده
عني وكنت عايشه على البروفين والمضادات
وادويه ثانيه
انحرمت من بنتي الغاليه ونحرمت من حناني وحليبي
وكلما زارتني امي تجيب بنتي واجلس اهاوش امي ليش تجيبها لانها المفروض
بالبيت ماتطلع اخاف عليها توها صغيره والحريم اللي جنبي تعبانيين اخاف تنعدي
وامي كل زياره تجيبها تعاندني تعرف اني محتاجتها بس خوفي عليها
طلب عدم جيتها
وبعدها طلعت بس الحرج مفتح الى الان وبنتي ماكبرت تخيلو بتتم الشهر بعد كم يوم
وهي وزنها 2 كيلو بس ترجع الحليب وفيها حساسيه بجسمها وتصييييح ماتنام تبهذلت مررره معها
ويابنات انا ماابي اخوفكم بس انا اللي حصل معي مو طبيعي
الناس بس عيونها علي
وكلما شافوني ماولتي وكلما يسمعون صوتي يسالوني ماولدتي
كأن مافي احد حامل الا انا
الحمدلله على كل حال بس دعيت لكم ان تتسهل ولادتكم ويرزق كل محروم
وكنت اتمنى اني اولد طبيعي بس يكفي اسمه طبيعي
ونصيحه لاتطلبون عمليه ولله تندمون ...

[سكره وذابت]

اول شي مبروووووووووووك
حمدالله على سلامتك وسلامة البنوته
الله يقومك بسلاااامه يااارب
طيب اقرئى على نفسك وعلى البنتك
الله يقطع ناااس اللي زي كذا اووف والله حاله

[الحق المبين]

قصتك مؤثره بس الحمد الله على سلامتك وتتربي في عزك والله يقومك بالسلامه

[نور الشمس]

الف مبروك و الحمدالله على سلامتك شو سميتها؟

[ام حمادة المصرية]

قصتك مؤثرة جدا
والله القيصرى تعب والطبيعى تعب
ربنا يرزقنا الاجر ان شاء الله
والف حمدالله على سلامتك
ومبروك عليكى البنوتة

[يــارا]

الحمدلله على سلامتك وسلامة البنوتة
وان شاء الله جرحك يختم وتشفي من الالتهاب وتكوني بخير انتي والامورة
اختي عليك بالرقية دايم دوم..

[miss LV]

مبروووك اختي والله يقومك بالسلامه انشاءالله

[▂▃ سوسو القمر ▃▂]

ياعمري والله رحمتك والبرفسور البااايخ هذا الله ياخذه من جد تعذيب
الحمدالله علي سلامتك وشده وتزول ياعسل,,

[نسايم]

الحمدلله ع سلامتك

ومبروك ماجاك

الله يخليها ويحفظها لك يارب

[ام سراج]

الحمدلله على سلامتك
والف مبروووووووووك

قرأت قصتك وخفت ههههههه انا بالثالث واحاتي الولادة من الآن هع

وإن شاء الله يارب جرحك يلتئم وترجعي وتأخذي بنتك بحضانك يآآآآآآرب

نسألكم خآلص الدعآآء