أفيدوني يا حبايب

[نسمة المساء]

السلام عليكم ورحمة الله وبركاته

يا بنات أنا الدكتور إلي براجع عندو ما عملي تحليل دم أو بول إلا أول الحمل وكان الهموغلوبين 11 وبكل مراجعة بحكيلو بدك تعملي تحليل بسألني عندك دوخة أو نبض سريع أو مش عارف ايش بحكيلو لأ بقلي ما في داعي للتحليل ... وبآخر مرة راجعت قلت خليني أقلو أيوة عندي قام حكالي شكلك ما بتاخدي الحديد بدنا نصير ناخدو مزبوط قلتلو طيب ما بدك تعملي فحص للهموغلوبين قالي لا ما في داعي .... جنني يا ناس ... ولا جابلي سيرة عن ابرة الكزاز ولا غيرها وحتى ما بعطيني موعد أنا كل ما أجا على بالي بروح أراجع (مع إنو مستشفى خاص والمفروض يستغلوني -سليمان الفقيه) وكل ما بروح عندو بحكيلي بتشكي من اشي وسواء كان الجواب نعم أو لا بحكي طيب خلينا نطمن على البيبي وبشوفو بالألترا ساوند وبقلي تمام تمام وبصرفلي فيتامينات وحديد وبصرفني من العيادة عفكرة أنا أسبوع و بدخل بالتامن مشان الله انصحوني شو أعمل... أنا نازلة أولد عند أهلي عند دكتورة تانية إذا الله أراد شو أحكيلها أفيدوني من تجاربكم ... مشان إلي خلقكم

[ام تميم 66]

حبيبتي اذا انتي مو مرتااحه له غيريه اذا كاان كويس الحمد لله على كل حاال يا الغلا,,,

وان شاءالله تولدين بصحه وسعاادة يااارب,,,,

[ام ارجواااااان]

في دكاتره كثير غيره
راحتك اهم من كل شيء
والله يقومك بالسلامه

[بنت فلسطين]

غيريه وارتاحي شو بدك بوجع الراس

[طبيبة القلوب]

دكتور مو مرتاحة اله اتركيه ...................
ربي يكون بعونك

[نسمة المساء]

مهو أنا خلص نازلة عند أهلي بعد أسبوعين إن شاء الله ورح أراجع عند دكتورة تانية ... بس المشكلة إني بكرية وما بعرف ايش الفحوصات أو العلاجات والمطاعيم إلي كان لازم أساويها وأقول للدكتورة إني ما عملتها مشان هيك طلبت مساعدتكم بأنكم تساعدوني بهالموضوع وتخبروني عن كل الفحوص والمطاعيم والعلاجات وبأي شهر عملتوها مشان أخبر الدكتورة إني ما عملت شي منها بلكي قدرت ترقع ورا هالدكتور الله يسامحو.... مشكورين يا بنات عالمرور

[المستحيله]

شوفي حبيبتي... اذا رحتي للدكتوره الثانيه خليها تسويلك تحاليل واشعه للجنين وتطمنك..
اما التطعيمات انا بكل حملي الاول والثاني ما اخذت ولا تطعيمه...

[نسمة المساء]

شكرا المستحيلة ... بس بقدر أعرف ايش هي التحاليل

[* ام لؤي *]

والله ما عندي فكرة لاني لسا ما وصلت للتامن
بس حبيت ادعيلك الله يتمملك علي خير ويقومك بالسلامة يا رب

[ناهوند]

حبيبتي اسمعي مني
احنى بس نخاف اكتر من اللازم
بس صدقيني الدكاترة ناس دارسي عشر سنين وعندهم خبرة
انا صح مو دكتورة بس اخواتي اتنين دكاترة وانا معاسرتهم واحب استفيد منهم
شوفي وهو واضح انو دكتور كويس لانو صح الدهشة تدل على فقر الدم او مشكله الضغظ وانتي الحمد لله ماعندك مشكله
وانا اختي اقلها قيسيلي ضغظي تقولي قومي من غير دلع هما الدكاترة يمر عليهم ناس كتير متلنا وتعبو منا ههههه

وع فكرة انا باخر الخامس وعاملة تحليل دم من بداية التاني ولا قتلي دكتورتي سوي تاني ولا عطتني حبوب حديد
وماسويتش تحليل بول بالمرة
شوفي انا اقلك
مافي شي اسمو تطعيمات بالحمل والتطعيمات للبيبي لما يولد ان شاء الله

ولما تروحي للدكتورة الجديدة مافي شي جديد هي بس بالسونار حتشوف المشيمة وحتشوف نبض البيبي وحتعرف انو تمام
امممم شو تاني
اه وتحليل الدم انتي لما تروحي سوي بنفسك لو تبي اي انسان يقدر يساويه واطمني


ان شاء الله ماطولت عليك
بس صدقيني انا شايفة انو مافي داعي للخوف ابدا