قصتي..عبره للحوامل ... + معلومه مفيده ممكن غافلين عنها عن حبوب اوميغا 3

[غلادنس]

السلام عليكم ورحمه الله وبركاته

اتمنى ان تكونوا جميعا بصحه وعافيه ... وحملكم يمر بخير وعافيه
ربي يتمم لكم على خير ويرزق كل محروم ياااااااارب

بدخل لكم في قصتي ... وان شاء الله تكون عضه لكم ودرس .. حتى ماتستهينوا بأأأي شي حتى وان كان تافه او بسيط مثل حمل كيس من الارض

من بدايه حملي المشيمه عندي نازله تحت ومسكره عنق الرحم ... مع الراحه طبعا ودايما على ظهري ورافعه رججليني الحمد الله ارتفعت شويه لكن للخلف... صارت عندي المشيمه خلفيه ولكن لسه قريبه من عنق الرحم ....

انا الحين نهايه الشهر السادس .... ليله العيد سافرت لأهلي ... بالسياره مسافه تقريبا 600 كيلو... يعني 6 ساعات طريق وتعب وارهاق

تحملت الطريق لجل لمه الاهل والعيد وفرحة اولادي بوجودهم مع اهلهم ... طبعا مكاني في بيت زوجي ... في الدور الثاني ... ولازم انزل واصعد حتى ان كنت احتاج لدورة المياه ...وحتى لو بغسل يدي انزل لتحت ... تحملت الدرج والطلعه والنزله مع انه الدكتوره محذرتني بسبب ان المشيميه عندي نازله .... بس :"(

المهم رجعت للبيت يوم الاربعاء الاسبوع الي طاففف.... واول ماوصلت البيت ... من التعب الي عانيته عند اهلي .. وتعب الطريق انفتح عندي كيس الجنين ونزلت المويه :"(

قلت بنتظر لثاني يوم ان ضل المويه تنزل بروح للدكتوره .... طبعا نوم ماقدرت انام من الآلام الي تجي وتروح ...صحيت زوجي وقلت له اول ماوصلنا نزلت عندي مويه والحين عندي أأأأأأألم ...

رحت على مستوصف خاص على طول عشان مابي انتظر ورقم ومدري شنو ... دخلت عند الدكتوره ...عملت لي سونار لان ماحبت تكشف علي عشان لو الرحم مفتوح ماتفتحه بزياده ...
عملت لي سونار على عنق الرحم وقالت لي مفتوح واحد وراس البيبي ضاغط لتحت ... نازل يعني ...وقالت لي ان الغشاء فيه ثقب :"(
خيرتني بين حبوب اخذه وبين الراحه ...طبعا اخترت الراحه لان الحبوب يسبب لي دوخه وغثيان وخفقان في قلبي وقلب الجنين ...قلت لها بلاش علاج برتاح وان شاء الله يلتحم الغشاء..
رجعت البيت وقعد يوم ..يومين..ثلاثه والآلام لاتحتمل والجنين يدوووب يتحرك احس بس برفه ومن تحت حييييل :"(
رحت العسكري وعلى طول للطوارئ... هناك كشفت علي دكتوره وعملت لي تخطيط للطلق وسونار... طمنتني ان المويه كويسه ومافي خطر ع الجنين ... بس الجنين لسه نازل تححت وضاغط ع الرحم وهو سبب ان الرحم مفتوح ...
تخيلوا شنو سوت لي (( عفست بطني بيديها . صج يألم بس رفعت الجنين لفوق والله منها ارتتتتحت والآلام كلها راحت))

بس قالت لي ارتاحي ارتاااحي ارتااااااااااحي ... عشان ماينزل مويه اكثر واولد مبكر :"(

المهم والاهم في هذا الكلام كله .... بدايه حملي ماهتميت في حالي ... وكنت اروح واجي واسافر وارتب ولاكأني حامل ... لكن كلللله طلع علي الحين ... مو شرط في البدايه يصير شي ممكن في نص الحمل ممكن في الولاده يأثر

ثاني شي اهتمي بنفسج... وبحركتج وبقومتج وجلستج .. وراحتج وجيتج ... والدررررج تراااه عدو الحااااامل ...

في السفر استشيري الدكتوره قبل تسافري حتى لو بططياره ... وان كنتي بتسافري لو ساعه بالسياره انسدحي ورى ...

كثرة الجلوووس تسبب نزول الجنين في الحوض في غير وقته مثل حالتي :"(


وفي الاخير عندي لكم معلومه مفيده وحلوه ...

سألت الدكتور عن حبوب اوميغا 3 ... وشوفوا شنو قالي .... قالي هو كوييييس حيل حيل حيل للحامل وللجنين بالذات ... لكن يستخدمونه اكثر للحامل الي عندها نقص في الماء الي حول الجنين ... لانه يكثر المويه الي حول الجنين

لما قلت له ابي استخدمه قالي ما انصحج تستخدميه لانه بيزيد كميه الماي في بطنج لدرجه اكبر من الطبيعي ...


وفي الاخير دعواتي لكم بان يثبت حملكم وتولدوا بالسلامه ...

[زوجى حياتى*]

سبحــــــــــان الله

ربنا يتم حملى وحملك على خير

[بقايا جروح]

انت متلي قالتي المشيمه نازله والراحه اهم شي ارتاحي حبيبتي والله يقومك بالسلامه ويقر عينك بطفلك بس لاتعاندي ولاتكابري حتى لو صابك امساك لاتضغطي عحالك خدي ملينات وطمنيني عنك

[شذا حداد]

الله يتمملك ع خير اي والله المعلومات حلوة والعبرة مهمة ...وشكرا

[أم البندري111]

في حملي الاول نزلت المشيمه في الشهر الرابع وما اهتميت بنفسي وولدت بالسابع :(

[ام ملك ونور]

الحمدللةعلئ سلامتج وسلامةالجنين وكلامك صحيح اذاماصارشي بالاول يصيربعدين اللة يشافينةاجمعين

[اشكرك ربي]

الله يثبت حملنا ياااربوماغليك شر اختي
والله يتمم لك ع خير ياارب

[غلادنس]

ربي يبعد عنا وعنكم كل شر يارب

ويتمم حملي وحملكم على خيو

[شوشوs]

الله يثبت لك حملك وحملي ياربوخوفتيني من السفر لاني نفس الشي اهلي بعيد
الله يفرحنا بشوفتهم يارب سليمين معافين

[روان-4]

الله يتمم حملك على خير ويقومك بسلامه بس اللي أعرفه انه حبوب اوميغياء 3 مالها دخل في الماء هذه بتزيد من ذكاء الاطفال وتوخذ من الشهر السادس انا أخذتها من الشهر الخامس علي بنتي وانا اساسا عندي الماء يقل على من ادخل الشهر التاسع ومع هذا من أخذتها ماتغير علي شئ على كل اطفالي بتقال الماء معلومة دكتورتك مش صحيحه ارجعي لعم قوقل وتأكدي .