دكتوره وما تعرف والا انا اللي مخربطه ؟

[أم البندري111]

مرحبا خواتي


امس كنت عند الدكتوره
كانت دكتوره عامه يعني رايحه اعالج الزكمه
وخبرتها اني حامل قالت اي شهر قلت 7 اسابيع و3 ايام اسبوع وكم يوم بدخل الثالث قالت عطيني تاريخ اخر دوره
وقلت لها 11-8-2012

المهم

قالت لااا انتي بعدج ماكملتي شهر

طبعا انا جذي وهذي حسبة الشريط اللي حاطته بتوقيعي

قلت لها كيف
وقعدت تحسب حسيت حسبتها غلط !!

يعني تحسب كل تاريخ 11 من كل شهر بكمل شهر ؟؟؟

تقول 11-9 تكملين شهر و11-10 شهرين و 11-11 ثلاث شهور

مادري صح هذا الحساب والا غلط

لان دورتي 28 يوم وكل 28 يوم ادخل شهر !!
والاشهر تختلف في ال29 يوم وفي 30 يوم وفي 31 يوم !!!

[ويبقى الامل بالله]

اهلين فيج حبيبتي الله يتمم حملك وتقومين باالسلامه
الدكتوره تحسب لحملك من ايام التبويض
وانتي شكلك من اول ماغتسلتي من الدوره الشهريه
احس كلام الدكتوره صحيح والله اعلم
ان شاءالله يفدونك البنااااااات بتجاربهم

[راقيه]

انا متلك اخر دورة 10\8
الدكتورة وامي حسبو من يوم الدورة وزودة عليه 7 ايام
يعني كل 17 الشهر ادخل بشهر
يعني انا لسه 14 يوم وادخل بالتالت وانتي كمان 13 يوم وتدخلين بالثالث ع هاد الحساب
بس مابعرف ليش كل المواقع والبرامج بتحسب من يوم الدورة .... اصلا منطقيا لسه الحمل مو مبلش
اصلا روحي ع دكتورة نساء وبالسونار تقلك عمر الجنين .. انا رحت من اسبوع قالتلي عمرو شهر واسبوع
وهاد الحساب الاصح على حسب ظني

[zobaaa]

حسب موعد دورتج مضبووط انتي بالاسبوع السابع والمفروض

كل 18 من الشهر تبدي بشهر جديد

[الفجر الباسم]

ما ادري احس انه حساب الدكتورة وحسابك الي بالتوقيع نفس الشي
لانه اذا الدورة كانت 11-8
زيدي 7 ايام لما تطهري
يكون الحمل صار ب18 -8
ل18 -9 كملتي شهر
يعني صار لك شهر واسبوعين 8 اسابيع تقريبا

[ρυяỉтч •]

حبيبتي كلكم صح انتي والدكتوره ،
بس تعرفين ليش لخبطتي ؟ انا اقولك
الشريط حقك يحسبها لك ب الاسابيع ، والاسابيع تسبق الشهر فهمتي علي
يعني عندك بدايه الحسبه الاسابيع تسبق الشهر يمكن ب اسبوعين
وكل شهر يبدون يتقاربون الاسابيع مع الاشهر لحد الشهر الثامن او السابع ويصيرون نفس بعض
طبعا بتقولين ليش الاسابيع تسبق الشهر ؟
انا اقولك الاسابيع تحسبلك اول اسبوعين قبل التبويض وهم اصلا ماصار فيهم حمل فيصير اسابيع الحمل ٤٠ حلو < بزياده اسبوعين ماقبل الحمل
الاشهر تحسبها لك ٣٨ اسبوع لان اول اسبوعين ماتنحسب يحسبون من يوم الاباضه بس يزيدون لك اسبوعين زياده < اللي هم ٣٩ و ٤٠
بكذا تعادلن وصار الحمل بالطريقتين ٤٠ اسبوع
ان جينا للصح والاكيد فهو حساب الدكتوره لان حتى السونار يحسبها لنا كذا ، من يوم الحمل مو من يوم الدوره
اتمنى فهمتي علي