إلي تعرف شي عن الشمم تدخل

[جوهرة المملكه]

السلام عليكم ورحمة الله وبركاته
أنا على وشك ولاده ودايما أسمع عن الشمم
إلى عندها خبره تقولي إشلون أتجنب
الشمم لأني بكريه وماني عارفه شي

[ام عبودي 615]

انك ماتشمين ريحه عطورات ابدا اثناء الاربعين علشان الخياطه بس

[الراسيه]

اتوقع المره زينه عطورات لايحطون عطورات احسن الي يجونك
سبحان الله بحمده سبحان الله العظيم

[جوهرة المملكه]

في ناس قالو أول ماتطلعين من غرفة الولاده
لازم تشمين عطر عشان أكون متعوده عالريحه ومايلتهب الجرح
وناس قالوتشممي بالمره والله ماني عارفه وش أسوي

[احبك ماما]

اول مره اسمه بهالشي .. وانا اعرف انا العطور ممنوعه للوالد والبيبي مشان ماياثر ع الجرح وسره البيبي ..

[اميره بكلمتي]

عزيزتي سهل جداً حتى لو حطو عطورات تروحين للعطار وتشترين خوجوا وتطبخينها مع زيت زيتون وتحطينها بعلبه وفدرج الحمام واذا رحتي للحمام تبين تغيرين الفوطه امسحي موضع الخياطه بقطنه فيها الخوجوا والزيت ونقطي شوي بالفوطه الجديده اذا لبستيها وعادي مايأثر عليك العطور او البخور ودايما خلي عند راسك فكس وحطيه على خشمك انا كذا سويت ولله الحمد ماشفت الا العافيه دعواتك لي بتسهيل ولادتي

[شموخ الكون]

يعني ايش الوحده وهي نفاس ماتحط عطر
طيب اذا حطت وش يصير معليه لاني مافهمت ولا شي

[جوهرة المملكه]

الله يسهل عليك وعلينا الولاده ويجعلها ولاده سهله بأذن الله ومشكورين عالردود:
أختي شموخ إلى عرفته أنا الوالده ماتشم عطر
عشان الخياطه ماتلتهب هذا إلى عرفته

[**سماسم**]

الشمم يالخوات خطر على الوالده وعلى الطفل بعد ..
وهي تبتعدين عن العطورات و البخور لانه قاااااتل ..
وحتى تتجنبينه أهم شيء يكون وياج مره وحتيته إذا تعرفونها تكون جريبه منج ومن النونو ..
والخوا جوا هذي تشمينها وتدهنين فيها في حالة شميتي عطر ..

[ديار]

من تجربة اختى بهذي الايام عند ولدته

شمت الحتيته والحمدلله ماصار له شي

واشربي منقوع المر وادهني بالفوطه الجديده

مخلوط عباره عن...

زيت زيتون+الخواجواء+المحلب

وان شاء الله فالك العافيه والله يسهل عليك ولادتك