يا دمع عيني خف جرحت عيني :-(

[إحساس قلب]

أكتب وانا والله كلي دمع وأسى ...عندي زوج مبين م كل تصرفاته وافعاله إنه ما عاد يحبني ولا يبيني ...كل حياته ربع وسهر وفووون ...لحد امس اسأله وين رايح وانا نادر إذا سألته سوالي سالفه ومشكله ..مو من.حقي اعرف وين رايح ..يطلع وقت ما يبى ويرد حتى الفجر ..ما حاس فيني ولا ببيته وروجته ...مادري خذاني م دون اقتناع ...ماعرف ...بس تعرفو ويش مشكلتي واللله احبه واطلع له مية عذر وهو ولا داري ...مرات واللله ما يصرف علي ولله ااحمد انا اشتغل ..احسه يعوره قلبه آذا صرف علي ريال ..يجي البيت مرات وشارله اتكل واتنا ولا كأني موجودة ...أبسط الأشيا لا قلتها جببها لي ما عندي بيزات ..احسه كارهني ..واقولكم شي بعد مخلتنه فقلبي ما يجيني ع الفراش ..اقول عشان فيه الصرع ...مرات بالأشهر ما يجيني وانا ساكته وقدام اهلي اقول عشان اللي فيني م تكيسات وغيره ..وهناك بالأساس ما يلتزم بأيام التبويض ...أجي تكلمه يقول احس في شي يمنعني أجي صوبك وانا ملاحظه هالشي مرات يجي يلمسني بعدها يصد ويروووح وانا كم مرة واحتول بس يصد ...احسه خلاص ما يبيني ...حياتي شهر عسل والباقي بصل ...تعبت اتكلم وتعبت اسكت ..ما يسمع مني ابد ..احسني خلاص وصلت لمرحله ماعدت اتحمل ..ابي الطلاق دام ما عندنا عيال وانا لسه ما كملت سنتين ..كل شي فيه يبين انه ما يحبني وانه في وحده غيري بقلبه هذا الشي يوسولي اياه الشيطان ..بس اقول وش ذنب امي وابوي حبايب قلبي ارجع لهم مطلقه وفنفس الوقت وش ذنبي اتوجع طول عمري ...مني ابى العيال منه ومني ما قادرة اتحمل ..كل شي عنده خليني بكيفي مالج دخل فيني ...عيل م الاساس ليش تزوج ..دام يبي يعيش حياته بلا مسؤوليات ..دوم اهم شي وناسته وانا ف هالبيت لحالي ..مرات واللله يتصلو فيني اهلي وين زوجك ويكون وقت متأخر اقول نايم وهناك هو محد فالبيت ..بس عشان مابى مشاكل ..تصدقو مراجعاتي مع الدكتورة مين يشلني ..ابوي خواني مرات ولاد عمي وهو كل ما قلتله ودني قال مشغول خلا نطلع نتمشى مشغول ولربعه فاضي ...تعبت والله يا ليت حسد يحس فيني ...تعبت م المشاكل وياه وتعبت اداري واسكت ..وفوق هذا اكره اروووح بيت اهلي لأنهم دايم يسمعوني زوجك وزوجك وصلبيه وخليه رجال ويقارنوني بأختي الثانيه شوفيها وشلون ذيبه وحاطه زوجها خاتم بإيديها وانا ماعرف دايم يقولولي مستويه ديايه قدام بعلها ويسمعوني كلام جارح ...تعودت اكون فالبيت ولحالي هو طالع وانا بين هالجدران وكله ابكي ...طولت عليكم ...بس ما عمدي غيركم ...
دعواتكم ربي يصلح الحال ووين الخيرة ييسره لي رب العالمين ..بس احمد ربي ع شي ..اني بعد الزواج صرت اقرب اليه فالصلوات والإستغفار ومرات بالقيام ....
كله خير

[همسة دفاء]

حبيبتي يا عمري انتي والله مأجورة والله بيعوضك ان شالله

بس هو كان قبل يحبج كيف تغير فجأة؟

الله يكون بعونج بس صبري عليه يمكن هو بعده بأول شبابة وطايش ادعي الله يهديه ويثبته ع الصراط المستقيم

الله يصلح حالكم ويجمع بينكم على خير ويحبب قلب زوجك فيج ويهون عليج مصيبتج امين يا الله يا رحمن يا رحيم

الله يفرجها حبيبتي بس صبري

[إحساس قلب]

مشكورة حبيبتي
اول شهور الزواج حب ودلع ...بالتحديد بعد 6شهور حسسيته مل مادري شو صصارله ...تغير
تصدقوا اذا سافر أو طلع أي مكان او فالدوام واكون بيت اهلي وقسم برب الكعبه لا مسح لا إتصال ولا حتى رنه يسأل عني يطمن علي حتى لو مسج فاضي راضيه ..احس انه لي زوج كله انا

اراسله واتصل بس يا ليت يرد ابد ما يرد سافهني ...كم مرة اقوله ماعندك إحساس انه وراك اهل يحاتونك ..المشكله هذا طبع فيه معي ومع اهله وخواته وامه وابوه ما يسأل عنهم مو فاضيلهم ولا فاضيلي ..امه وابوه وخواته يتصلو فيني وانا اللي يسمع اعرف عنه شي ...واللله يا كثر طلعاتي مع اهلي وآخر مرة رحت العمرة وجيت انصل فيني او رسل مسج وانا هناك خلوه هذا ...م رديت حاني واستقبلني أبد وينه فالدوام ويتأخر ..ابوي ردني البيت ..حتى كلمة الحمد للاه ع السلامه ماكوووو...عيد ميلاده عيد زواجنا دوم اجيبله هدايا ..هو حتى ما ذكر عيد ميلادي الللي توه كان بشهر 5 ذكره العيد الماضي وجابلي هديه بس هالعيد ميلاد حتى كل عام وانتي بخير ابد ما قالها ..ومع هذا اطلع له عذر يمكن ما عنده بيزات ..بس حتى كل عام وانتي بخير او الحمدلله ع السلامه تشترى بفلووووس ...وايد يحب الصمت والسكوووات والوحده
دعووووولي أمانه لا تذكرتوني بأي دعوة صادقه م عندكم ...مرات اقول عين وصابتنا ومرات اقوول لا عين ولا غيره هو م الأساس ما يبيني ...ع ابسط شي يسوي مشاكل ..
ربنا كريم وربي يجارريني ع صبري ...تصدقو اكشخ له والبس له ولا يبين فعينه

ربي اسألك حسن الخاتمه

[عيون رماديه]

أختي أحساس قلب أسأل الله انه يصبر قلبك ويكون في عونك اصبري اختي فوالله الذي نفسي بيده إن الله لايظيع أجر الصابرين
اوخيتي فالله دآئمآ خلي سورة البقره شغاله بالبيت واكثري من الأستغفار لعل الله يسخر قلب زوجك ويرده لكي ردآ جميللآ
وبعدين من كلامك لمن تقولي يصد لمن يقرب مني فهذا يدل على انه اما محسودين اومعيونين
فحاولي اختي اذاعندك ماء مقري فيه تعطينه بدون علمه ويبن من تصرفاته اذاشرب ماأملك الا الدعاءلكي عزيزتي
اللهم اني اسألك بأنك الله الواحد الأحد الفرد الصمد الذي لم يلد ولم يولد أن تفرج هم احساس قلب وتجعل زوجها لايرى سواها
زوجة و حبيبة له ياربي

[(( ام بـــــــدور ))]

الله يسخرره لك يااارب العالمين

والله يفرج همك ياقلبي

كل هذي الدنياا مشاكل وهمووم ماحد سلم منها

انصحك بالدعااااااااااااااء لا تياسين ابدا

ولا تبكين يااقلبي الله معااااااااااااااااك يسمعك ويرااك ويعلم حاالك

افرشي سجاادتك وادعيييييييييييي ليين تتعبين

وحاولي زي ماقالوا الاخوات سورة البقره شغاله بالبيت

وذا هو مايحب النقاش والتفاهم خلاص طنشيه بس خلييك دائم مبتسمه بوجه

الابتسامه لها سحر عجييب والله يعينك يارب ويصبرك ويرزقك الذريه الصالحه

وان ان شاء الله رااح ادعيي لك دااائم


اختــــــــــــــــــــتك


ام بدوووور

[هبوش المزيون]

الله يفرجها عليكي ويسخر زوجك يارب

[toq]

حبيبتي الله يعنيك .

ويصصبركك على اجر ان شاء الله ...

حبيبتي شغلي سوره البقرا فيه البيت دايمن ..
كويس عشان اذا فيه عين و حسد

الله علم ايش فيه بس حطي ايات المعوذات و سوره البقرا

ان شاء الله ربي يهديه

[آحسآس آنثى]

الله يصبرك وربي يصلح حاال زوجك و يسخره لك يااارب

[روز بااريس]

الله يسخركم لبعض ...

[همسة دفاء]

حبيبتي صبري عليه فترة وبتعدي

يمكن جاكم حسد او شي ؟

لانه تغير كان يحبج ؟

هو يحبك لكن هذا طبع فيه لان حتى اهله ما يسأل عنهم لو انتي وبس بنقل بس الكل يعاملهم نفس المعامله

بس انتي حاولي تغيريه ولا تيأسي حتى لو جلستي سنين ولك الاجر

وان شاء الله بعدين بيحسس بكل العذاب اللي تعذبتيه عشانه

والله يسخره لك حبيبتي ويصلح حالكم