قصة وﻵآآدتي♡~`

[النوري84]

هﻻ فيكن خواتي..وايد احب المنتدى عشانكم..

هذي قصة وﻻدتي..

من دخلت التاسع وانا فيني الم مغص خفيف..وكرهت سؤال متى بتربين عوشرتي..كررهته..

قبل يوم عرفه وانا العصر ساعه 4 فيني الم بس نسيته ماقدرت اميز هذا طلق وﻻ..

وانا من دخلت تاسع اشرب حلبه وزعتر وينسون..هذاك اليوم شربته العصر..وﻻ خف الوجع

قالت خالتي احبي نفس اليهال..وحبيت لين تكسرت وتقطعت ركبي..وبعدين مشيت بالغرفه كله هذا..

وفجأه راح الوجع خف..عالمغرب خف..رحت كلت تمرر..وارتحت شوي ساعه ونص يمكن ورجع الالم..

عالساعه 12 بالليل شربت ماي ورد مع ماي عادي سخنته مع زعفران ومعلقتين عسل..

بعدها على طول ساعه وحده حررر الوجع..عرفته طلق حقيقي خﻻص..قلت مابي اروح المستشفى يقعدون يقايسون كل شوي...

وانا اخاف من القياس مووت..قلت اروح اخذ شاور حار ورحت ساعه 2 وتسبحت ساعه ونص ماي حار وايد خليته على ظهري...

بعدين قلت بمشي في ممر بيتنا ومشيت مشي سريع..رااايحه راااده..على ساعه 5 صبح عند الاذان ماقدررت اقعد..

خفت اولد يطيح ولدي بسرعه خذت عباتي وانا وامي ومرت خالي معانا..امي عصبت ليش سكتي من العصر لين الحين...

لو ولدتي فالبيت حرام..وانا بموووت ابكي وادعي ربي يامخلص النفس من النفس خلصني يامغيث اغثني..

ساعه للمستشفى..وصلنا وانا امشي فاتحه ريولي ماقدر اضمهاا..اول مادخلت اسمع حرمه تصرخ وخواتها يبكون برا..

انا مت خووف..وجت القابله تاخذ القياس من تحت وخايفه من ايدها قاست ضغطي لقته مرتفع عطوني مغذي كله خوف من القياس..

قاست لقته 6 سانتي وﻻ وجعتني حمدالله فرحت وقعدت انتظر يزيد وتقول الممرضه طلقها بارد وانا بموت..عطوني عالساعه 9طلق صناعي..

خذته..وذبحني قالت دكتوره انتي ملفج عندنا ماتولدين الا بصناعي ورضيت وفتحت الماي مال البيبي وقعدت انتظر افتح اكثر..

مافتحت..قاستني لقته سبعه ونص عالساعه عشره ونص..قالت بعطيج ابره تفتح الرحم هني بكيت ﻻااا طلق صناعي اقوى..

قالت ﻻااا هذي ابره تفتح الرحم وبتولدين..قنعتني..وتعطيني اياها بس لما تجيني الطلقه..وهي تحطها بالوريد اموووت من الالم..

ذبحتني بطني عورتني والاقيها جهزت كل شي وبديت اصرخ وادفع..وانا عمري ماصرخت بعيالي..من قوة الابره..وهي تقول

ﻻتصرخين مافي فايده دفعي وانا اقول ﻻمي بموووت وامي تبكي ومرت خالي تمسك راسي وتنزله لصدري عشان ادفع..

وامي رافعه ريلي والقابله تنتظر البيبي والممرضه الريل الثانيه..وادفع احس اني ماتنفس ابي هوااا اقول ماتنفس..

امي تقول طلع راس دفعي عشان يطلع وترتاحين..وانا احس مافيني دفع وقوه..لين امي قالت خنقتي الولد وتضربني على رجلي..

هني خفت وسوويت بوووش بدون طلق غصب وطلع فديته..والقابله ماشقتني شقني البيبي وسوت لي خياطه بكل مكاان...

انا مستغربه قالت لي القابله ملفج عندنا يقول الرحم مايفتح عندج اكثر من سبعه ﻻزم طلق صناعي وابره تفتح الرحم..

يعني كل وﻻدتي راح يكون نفس المعاناه..

بس حمدالله اول ماطلع حسيت روحي ردت وتنفست عدل حسيت الله رحمني في وقفة عرفه..حمدالله بس عقب

بعد ماولدت ويهي كله حبوب حمرا بسبب نقص الاكسجين..صح بنات واول ماعرفته طلق قعدت اقرا الزلزله والمعوذات واية الكرسي

حمدالله بس الجراحه الحين متعبتني وصادني التهاب عشان قسطرة البول..

يارب ترزق كل محرومه..وتسهل وﻻدة كل حامل..

اول مره اكتب قصه ماعرف يمكن اعبر زين تحملوني...

[أم ح ــنونـہ]

مبرووووووك حبيبتي
و الحمد لله على سلامتك
ويتربى بعزكم ان شاء الله

[مهره الدنيا]

الف الف الف
مبرووووووووووووك
🌺🌺🌺🌺🌺🌺🌺🌺
والحمدلله ع سلامتك وسلامة العسل
🌹🌹🌹🌹🌹🌹🌹🌹

[النوري84]

ام حنونه الله يبارك لج..مشكوره حبيبتي..

[النوري84]

مهره حبيبتي الله يبارك لج..ومشكوره فديتج..

[أم جنى فديتها]

حمد لله ع سلامتك ..

يتربى بعزكم ..وربي يجعله من الصالحين..

[ام اسكندر]

الف مبروك لك

بس ليه دخلت امك وزوجة خالك
احس احراج وانتي مو لابسة

وربي يحفظه لكم

[النوري84]

مشكورات بنات..

ام اسكندر عادي لو مادخلو بموت خوف بروحي واصلن القابله تبغي حد يساعدها يمسك ريولي مثﻻ ﻻن بس القابله والممرضه موجوده

[بدآيه حلم]

ماشاء الله عليك صبرتي وارتحتي من الكشف وولدتي بيوم فضيل



،،


مبروووووووووووووووووووووووكك الف مليووون مبرووكآآآت


يتربى بعزك والحمدلله على سلامتك

[لييتا]

المهم انك ولدتي بالسلامه
الف الف الف
مبرووك حبيبتي
والحمد لله على سلامتك وسلامة البيبي
وربنا يجعله قرة عين لكم ان شاء الله
اللهم امين