جاني اكتئاب بسبتهم

[أوتار الحزن]

انا متزوجه من 9 شهور وللحين ماصار حمل و الحين احس نفسي متضايقه وايد وصرت ما احب اجلس مع الناس ولا حتى اهل زوجي وكله قاعده بغرفتي وما اطلع منها لان هم دايما يسالوني اذا حملت او لا واخت زوجي كل ما اجلس ما تشوفني تفتح مواضيع فلانه حامل و فلانه مسكينه ما تجيب عيال كل سوالفها عن الحمل بس من تشوفني واختي بعد متزوجه انا وهي في نفس البيت و عرسنا كان بنفس اليوم وهي الحين في شهرها الثامن ونا سالت اختي اذا كانت اخت زوجي تسولف معاها بنفس المواضيع قالت لا وساعتها حسيت انها متعمده تضايقني و ام زوجي لما نكون انا وهي بالسوق تقول لي اشتري لولدك الي ف بطنك العاب جاني اكتئاب والله واجزاكم الله خير

[sweet moon]

انتي تتعبي نفسيتك بنفسك

هم صح ضايقوك

بس انتي لو تهتمي لنفسيتك كان عرفتي وشلون مايجيها اكتئاب

ياختي صار لك 9 شهور وجاك اكتئاب وهم وحزن وقاطعتي الناس

اجل وش تقولي للي جلست سنه وسنتين وثلاث وعشر

انتي لازم تحطي ببالك حاجه وحده وتتيقني فيها

ان الحمل بيد ربي لاهو بيدك ولا بيد زوجك ولا بيد احد

وان متى ماكتب ربي لك الحمل بتحملين

فطنشي كلامهم لك واذا جابو لك طاري

قولي لها تعترضين على كتبه ربي هاذا الشي بيده لابيدي ولا بيدك

وتاكدي ان تاخير الحمل لك فيها خيره ان شاءلله

والله يرزقك بالذريه الصالحه

[أوتار الحزن]

مشكورة اختي سويت مون ع الرد بس ما تدرين اختي اشكثر انا احب اليهال بس ومشكورة ع دعواتك الطيبه

[أم الوليد 123]

هلا يا قلبي ... اقول لك شي لسا بدري 9 شهور توك عرووووس واذا اهل زوجك فتحوا الموضوع وقولي بدري علينا او الله مكتب وكل شي خيره من ربي ورحي للدكتورة وسوي تحليل انتي وزجك وان شاء الله خير

[sweet moon]

فاهمه قصدك اختي اوتار

مالومك بحب الاطفال غريزه بداخلك

الله يرزقك عاجلا غير اجل

بس اهتمي بنفسيتك لانك انتي اللي بتتعبي وماحد سأل وداري عنك

[أوتار الحزن]

الله يوفقك اختي ام الوليد و سويت مون و يرزقكم من حيث ما تحتسبون
ترا انا من تزوجت ونا اقول لهم بدري علينا بس اهل زوجي وزميلاتي بالدوام و بعض معارفنا وااااايد مزعجين

[ام عناد]

حبيتي انتي توك عروس لسه بدري على الحمل عيشي حياتك وانبسطي مع زوجك لاحقه على الحمل والتعب

ترى والله بعدين تندمي على الحظات الي قضيتيها في زعل ونكد وانتي توك عروس

ولاتهتمي في كلام الناس الي مايخلص طنشيهم

[أوتار الحزن]

تسلمين يالغلا

[القلب الباكي]

نصيحة اختي لك لاتضيعين احلى لحظات عمرك شوفي نفسك واتركي كل كلامهم وانت مازلت في الحد الطبيعي الحرمه الى سنتين من زواجها لو ماحملت طبيعي انا لي 17سنه ماحملت ونفسي في طفل واندم على كل لحظه قد ضيعتها وانا افكر وانقهر من كلام هؤلاء الاغبياء شوفي نفسك ووفقك الله

[روح الورد]

طيب حبيبتي روحي كشفي شوفي ايش السبب والله يرزقك ان شاااءالله ولاتخلين احد يأثرعلى نفسيتك