مستشفى قوى الامن

[احب التواضع]

بنات ساعدوني ابي اسألكم مين فيكم تراجع مستشفى قوى الامن بالرياض زوجي يبينا نراجع هناك واخذنا موعد على بكره خايفه ماادري كيف الدكاتره هناك إللي قد راجعت هناك وتعرف اسم دكتوره كويسه تقولي تكفون ومشكورين

[قره عين]

ماعندي خلفيه انشاء الله البنات مايقصرون يفيدونك

[حوريه السعوديه]

ان شالله البنات يفيدونج

[نجوم النهار]

السلام عليكم ورحمة الله وبركاته
انا اراجع عند الدكتورة روضة ممتازة وكلن يمدحها
طلبت تحليل زوجي
اشعة الصبغه
الله ييسر

[زوجة بندر]

قهرررررر ليتهم يقتحون لنا فرع بجده

انا زوجي بالسجون بس ماعندنا غير شي بسيط مثل المستوصف

المستشفى بالرياض بس يمدحونها بالحيييييييييل

[« خ ـجل »]

المعذرة من صاحبة الموضوع أنا ابي أسئل عن مستشفى قوى الأمن الي بالدمام أيش رأيكم فيه

[@@الجوووري@@]

حبيبتي كل مره عند دكتور او عند دكتوره وبسسسسسسسس

وقولي امين الله يرزقك باللي تتمنين

[قحطانية]

قوى الامن انا ولدت فيه بناتي الثنتين عناية روعة بالولادة
واهتمام ونظافة وشئ يفتح النفس
ومراجعات حملي بعد هناك مع كم دكتورة بس م اعرف اسمائهم
اللحين برضة اتابع فيه عيبة الوحيد مواعيدة بعيدة يعني
في الثالث والخامس والسابع ثم يصيرون يقربون المواعيد
بس حلو ككل وتوكلي على ربي

[عبير 99]

حبيبتي انا في قوى الامن
بكرية وحاليا بالشهر السابع
بقولك رايي فيه
له سلبيات وله ايجابيات
اجابياته :
منتظمين في الموعد يعني لو قالو لك الساعه 11 لايمكن تتاخرين عنها وكمان لوجيتي قبلها مثلا 10 وربع تدخلي
زيارة كل شهر
واللي قد ولدو عندهم يقولو مره يعتنون فيك وقت الولادة
لكن السلبيات :
لاتتوقعي الدكتورة تجلس تشرح لك وتتكلم معاك
تحسين جادة بزياده
وماتقولك جنس الجنين لو ايش يصير
السونار مايسونه لك الا مرتين خلال فترة حمل بينما في مستشفيات تانيه كل شهر سونار
ويمكن يكون في صالحنا لاني سمعت ان كثرة السونار ماهي كويسة


وع العمول السخرة من ربنا الله يسخر لنا كادر جميل وقت الولادة وييسر علينا

[همس الوفا]

انا اراجع عندهم وبالشهر الخامس صراحة دقة بالمواعييد
واسم الدكتوره ما اعرفها ماتتكلم اتوقع انها باكستانيه ولا من هذا القبيل
والممرضه سورية اتوقع اكره شي عندهم اهو الصيدليه وعندي موعد الاسبوع الجاي