بسم الله الرحمن الرحيم
الى كل المنتظرات للحمل اسأل الله العلي القدير العظيم الجليل ان يفرح قلوبكن اسأل الله واتقرب اليه بحبنا لسيدنا وحبيبنا محمد عليه افضل الصلاة والسلام ان يرزقكن الحمل القريب العاجل مثلما رزقني
.................................................. ....
احب اذكر قصتي انا العضوه احبك ربي حتى اؤكد لكل من يئست ان هذا كلامي وليس كلام منقول انا يا اخواتي الغاليات تزوجت من سنتين ولم يحدث حمل خلال هذه السنتين كنااا في عالم غير العالم مرت تقريبا ست شهور من بداية زواجي وانا اقول التاخير طبيعي بعدين رحت للعياده وكنت انتظر تحليل الدم تبعي بقلق وخوف وطلعت النتيجه ان كل شئ عندي سليم ولله الحمد وبعدها بشهر راح زوجي يسوي التحليل و قالو انتظر كم يوم ما كنا قلقانين كثير من ناحيته و لما راح كلمني بعد خروجه من العياده قاااال الدكتور يقول عندكم التلقيح الصناعي وواطفال الانابيب وايضا المجهري قلت ليـــــــه قال العدد عندك تعبان مو كفايله 9 ملايين والحركه شويه ناقصه و التشوهات مافي زوجي رجع مصدووووم لان مافي احد في عائلته عنده هالمشكله المهم الليل ما نام طبعا حياتنا تغيرت انا كنت اقول له هذا ابتلاء من الله لنا احنا ال2 و لازم نصبر و ما بعد الصبر الا الفرج ...استمتعن اخواتي الغاليات بالرضا بالقضاء والقدر و لا يمانع ذالك انكن تدعين الله فكري اختي العزيزه لماذا الله اختارني من بين كثيـــــــرات لهذا الابتلاء الذي جربنا مرارته ؟ الاجابه سترضيك لان الله رحيــــــــــم رحمــــــــن رؤووووف حنـــــــــان منـــــــــان حكيــــــم عظيـــــــم اسأله باسمائه وصفاته ان يفرج همومكن كما فرج همي فكرت في الايتام ولكن قلت لسه بدري طبعا راح زوجي يسوي تحليل مره ثانيه في عياده خاصه وطلعت النتيجه ؟اصابنا الجنوووون طلع عنده 120 مليووووووون و الحركه افضل شوي لــــــــكن نسبة التشوهات عااااااااااااليه وقاله الدكتور تطمن وارتااااااح ورح يصير حمل لازم الصبر خاصه في امور الحمل زوجي خف شوي وفرح فرحه مو حقيقه لكن يرضي نفسه فيها المهم انتظرنا شهور مافي حمل قررنا نسوي اطفال انابيب وتعرفون شهر فيتامينات و اسبوعين ابر وتحاليل دم وقرررررف و كنت خائفه من السحب و كان فيه دكتور وتعرفون نفسيتي خاااست رحت و دعيت الله و لبست الملابس الخاصه وخوف وحزن و ذهول وعدم تصديق وش اللي قاعد يصير لي ما صار لاحد من اهلي ابدااا و لا احد عارف بالعمليه سوى انا و زوجي لانا سوينا العمليه باوروبا وعطوني البنج و لاحسيت بنفسي الا وانا صاحيه وابكي ابكي والممرضات يحضنوني وخاصه وحده المانيه انا اتكلم انجليزي شوي و جلست تسألني وتهديني و تقول انت صغيره اكيد رح يصير حمل المهم 13 يوم بعد كذا واحنا على ناااااار تخيلو النتيجه كيف كانت ؟ النتيجه كاااانت لا يوجد حمل انهرت لكن زوجي اكثررررر و قال خلااص يبدو انا بنعيش بدون اطفال و لازم نرضى بالقضاء والقدر لان الدكاتره كلهم قالو نسبة الحمل 70 بالمئه و لكن تعلقنا في كلامهم كثير والله هو الذي يجب ان نتعلق فيه بعدها ب4 شهور قلنا رح نعملها مره ثانيه و في نفس المركز بالرغم من انه غااااااااالي لكن لان نسبة النجاح عنده عاليه و كانت التجربه الثانيه اهون لكن في البدايه اخذت الابر و و و و تقريبا اسبوع و رحت قالو لا يوجد عندها الا بويضتين كباااااار والافضل ما نكمل بطلنا انتظرنا الشهر اللي بعده و بدأنا مجددا المهم رحناا وعملنا كل شئ و كانت العمليه تخووووف لان عدد البويضات وكللل شئ شبيه بالعمليه الاولى وهذا يدعو للتشاؤم اقصد من ناحية عدد البويضات 7 بويضات و مافي تجميد لان اللي يكون تمام فقط 3بويضات ....2 درجة اولى والثالث ما ينفع للتجميد المهم هذه العمليه قالو احتمال النجاح اكبر رحنا نشوف النتيجه بعد ليالي الرعب و تخيلو النتيجه كيف كانت ؟ مافي حمل ...خلااااااص بدأنا نؤمن ان مافي اطفال مع اني عارفه ان في كثيرات نجحت معهن بعد محاولات كثيييييره 7 او 8 و اعرف وحده 12 محاوله نجحت لكن احنا رحنا اوروبا ودفعنا حول 80 الف ريال وعمري صغير 20 و بعد هذا مافي حمل هذا دليل على انه قدر وانتهى صرت افكر اكمل دراستي وادرس دراسات عليا وابني مشاريع و و و وبين الحين والاخر افكر في يتيم اربيه ولكن انت تعرفووون المشاكل التي ستواجهنا من الناس وكنت اقول اذا لزم الامر انا انسانه قويه وجريئه و ما يهمني احد هذا شئ يرضي الله ثم يرضيني المهم تعرفون بطبع الانسان يبقى لديه امل دائما كنا نحسب ايام التبويض ولااااااازم يصير فيها وزوجي كان مستمر على وصفه من قبل ما نسوي العمليات بشوي و هي عسل سدر اصلي و حبوب اللقاح و حبه سوداء وغذاء الملكه و جنسينق و طلع النخيل و في البدايه الجنس كان يتخلله الاحباط والملل وهذا شئ طبيعي لكن بعدها صرت اهتم كثيــــــر واشتري ملابس من لانجري فاتنه ومحركه و كنت جريئه في الفراش ((اسفه على الصراحه بس ضروووووووري اقللكم ان الجنس الجنوني احد الاسباب بعد مشيئة الله وقدرته لان قوة تدفع السائل المنوي عند الرجل تعتمد على مدى اعصابه المثاااره فاذا كانت اعصابه بارده وكانه يسوي واجب اكيد نتيجة تدفق السائل رح تختلف وعلى المدى البعيد انت تعالجين زوجك اذا كان الجنس بينكم صحي اي في اثاره و حب وجنون بعد 5 اشهر من العمليه تاخرت الدوره 4 ايام و زوجي قال بجيب اختبار منزلي بكره قلت اوك و ماصبرت و طلعت وهو نائم و كتبت على الباب ورقه سااااامحني فقدت الصبر طبعا اول واخر مره اروح بدون اذنه بس يعلم الله اني حبيت افااااجئه وعلى فكره ما كنت متأكده اني حامل لان صار عندي عدم انتظام في الدوره بعد العمليه 2 المهم رحت ما طولت ورجعت وسويت الاختبار و طلع خطين وااااااااااضحه تبون الصراحه مدري بكيت والا ضحكت مدري وش صار معي دخلت غرفة النوم عند زوجي وحطيت جهاز الاختبا جنبه و قلت طالع طالع طاااااالع وهو نائم قال طفي النور وقفلي الباب و شاف الجهاز قال كذااااااااابه ههههههههههههههه قلت وربي قال انت احسن وحده في الوجود انا ما ابي غيرك قلت مو انا كذابه ؟ هههههههه الحمدلله سوينا تحليل دم و الهرمون عالي ولله الحمد انا في الشهور الاولى حاليا ارجووووووووكم ارجوووووووكم ادعو الله يثبت حملي فديتكم اسال الله يرزق كل محرومه على فكره رحناا العياده المشؤومه لانا جلسنا في اوروبا فتره و حللنا الهرمون الرقمي عندهم و انصدمو كثيـــــــــــــــر ان ما صار حمل انابيب عندهم مرتين وصار طبيعي وسألونا اذا سوينا عمليه قلنا لا بعد كذا قالوووو مبروووك وتجمعو الموظفين والموظفات علينا مو مصدقين لانهم شافو معاناتنا بقوه ولكن الله قاااادر عظيم اذا اراد شئ انما يقول له كن فيكون سبحانه اتمنى قصتنا معهم تدعوهم للبحث عن الاسلاااام والقراءه عنه
بنات للفائده احب الخص عدة اشياء يااارب تفيدكم وهي مو جديده
الوصفه اللي ذكرتها تنطحن المواد وتخلط جميع جيدا وكل يوم ملعقه واوقات التبويض ملعقتين او ونص
في كل سجود قولي ((رب لا تذرني فردا وانت خير الوارثين ))
كل يوم ملعقة زيت زيتون للزوج اهم شئ
الاثااااااااااره وقت الجنس للرجل والمرأه مهم جداااا
كثرة شرب الماء للزوج
.........
على فكره انا في الشهر الاول من الزواج تاخرت علي الدوره 6 ايام و بعدها نزل دم متجمد ودم عادي وقالو لي اسقاط والله اعلم (حاولت اذكر كللل شئ عشان اللي حالتها مثل حالتي تتفائل )
اللي تحب تسأل عن اطفال الانابيب اي شئ لا تتردد