انا باقولكم على تجربتي مع عيالي
انا تزوجت صغيره وجبت الثنين الكبار ورى بعض يعني مثل التؤم
بس على صغر سني كنت افهم مومدح لنفسي لاوالله
كنت انضم وقتهم في الاكل والشرب والنوم مع شغلي لانه اذا اهملتي عيالك ترى يرجع لك في الاخير
كنت اصحيهم في الصباح بدري على طول للشمس يتشمسون شوي بعدين اسبحهم
افطرهم وبعدين احطهم عند الفديو (دفي دي)كنت احطلهم الاناشيد ماكانت عندنا القنوات الحاليه ابداا
لين وقت الغداء اخلص شغلي واغديهم مع الناس الي في البيت معي كنت ساكنه مع اهل زوجي
بعد الغداء نلعب رسم او نقراء بعض القصص لين العصر بعدين اطلعهم في الحوش يلعبون لين المغرب بعد صلاة المغرب اعشيهم قبل الكل وخليهم عند التلفزيون
المهم ماخليهم ينامون الا بعد صلاة العشاء خلاص نامو انا ذاك الوقت اشوف الي عندي0
جلست على هذا الحال لين وقت الدراسه بعدين انضغط البرنامج بالدروس صرنا بدل لعب العصر ندرس ونذاكر لين المغرب
وبعدها العشاء والنوم 0
هنا وصلت مرحلت تعليمهم الصلاة كنت اخذ شرشف الصلاة واصلي معهم جماعه واقراء بصوت عالي منشان يفهمون ايش اقول وايش اسوي-كنت احفظهم بعض الاذكار -
وكنت اعلمهم كيف يستقبلون الضيوف لانهم اولاد وكيف يصبون القهوه الى درجت امسك لهم الدله واعلمهم حتى مايضحكون عليهم الرجال بعدين يتحسسون0
بعدين مشت الايام على هذا الحال لين وصلنا سن المراهقه
جات الفتره المحرجه السن الي بين الطفوله والشباب
ماتعرفين التعامل مع هذا السن لاهو طفل ولاهو شاب
بس تعاملت معهم كأصدقاء يقولون الي في نفسهم من ضيق من فرح من حزن من تعب نفسي وصرت اسمع لهم لين افهم الحاله مظبوط وبعدين احل المشكله
وصرنا نفرح سوى ونحزن سوى وصارو أصدقاء لي صرت اشكي لهم من التعب في البيت والعيال يتعبوني في المذاكره والشقاوه اللحين الحمدلله صارو خواني موعيالي
اللحين صرت اعتمد عليهم في اغلب المواضيع صح سنهم باقي واحد18-واحد17-بس ابيهم يعتمدون على انفسهم ومايحتاجون احد في المستقبل يكونون واعين وعارفين كل شي حولهم
,,,,,,,,,,,,,,,,,,,,,,,,,,,,,,,,,,,,,,,,,,,,,,,,,, ,,,,,,,,
اليوم فيه قنوات وجوالات ونت وبلاي ستشين واشياء كثيره
منها انفتاح هذا الجيل غير عن الجيل الاول
بس حرص الام على عيالها لانها هي الي في البيت وتكون معهم على طول يحملها اكثرالمسؤليه
كل ماكانت الام اقرب لعيالها كل ما قل التعب معهم في المستقبل
الله يصلح عيالنا وعيال المسلمين
,,,,,,,,,,,,,,,,,,,,,,,,,,,,,,,,,,,,,,,,,,,,,,,,,, ,,,,,
سموة الشوق الف الف شكرر لك على الموضوع الرائع عقبال ماتعلمينا كيف ربيتي عيالك يارب
,,,,,,,,,,,,,,,,,,,,,,,,,,,,,,,,,,,,,,,,,,,,,,,,,
ااااسسسسفه على الاطاله