بسم اللخ الرحمن الرحيم
والله العظيم محتارة ومدري ايش اقول وايش اكتب ، يمكن تكون معاناتي من وجهة نظر البعض شي تافه ومايستاهل فتح موضوع ولكن والله عانيت من هالموضوع من اول يوم زواج وانا الان ليه سنه ونص متزوجه :
قصتي كنت زي اي وحده تتمني تتزوج وتروح شهر العسل وتعيش لو يومين مع زوجها لوحدهم وكنت اشوف اخوي كيف يعزم زوجته كل اسبوع او اسبوعين عالغداء او العشاء برا، او يحجز لها فندق 3 ايام وكانوا مبسوطين حت احيان يعزموني اروح معهم واروح واشوف كيف عايشين عالجو الحلو هذا
وبعد زواجح اخوي بتقريبا 3 سنوات انخطبت وكنت اعد الايام لا والله الدقايق علشان يجي يوم الفرح وانبسط واروح اتمشي انا وزوجي واول ماانخطبت مافكرت في الحياة الجديده كل همي اتزوج وبس
وكان زوجي ماعنده سيارة وماكانت مشكلة فلوس اللي عرفته بعدين انه عناد ويبي سيارة محدده وغااااااااليه وقلت له اخوي بيحجز لنا فندق في مكه كهديه للفرح وكان رافض وزعلان ولما عرف ان نفسي في الفندق وافق ولاحظوا اخوي حجزه وراح جاب لنا اكل وعبي الثلاجه وماقصر الله يطول عمره ، صح الفندق مو مطل ولا علي شي لانه في مكه ولما افتح الطاقه بشوف اري عمال يبنون بيوت وسكت واستحملت
واول يوم بعد الفرح وبحكم ان ماعنده سيارة اتصل عل واحد من اخواني وقله تعالي اختكم تبي تزوركم وجاء اخوي واخذنا ورحنا زرنا بيت اهلي وجلسنا للمغرب ورجعنا اخوي الثاني المتزوج وجلس عندنا للعشاء
وكان زوجي مواعدني يوديني الطايف (العوض ولا القطيعه) ، ولما قررنا نروح اتصل علي اخته (زوجت اخوي) وكلم اهله وقلي كلمي اهلك نروح كلنا
انا هنا بيني وبينكم قلت يالله نروح ولا نجلس لوحدنا ورحنا وياليت مارحت معهم طول الوقت في الشقه وماخرجنا الا نشتري عشاء ورجعنا من جد 3 ايام مرت عليه ماعمري كرهت فيها المكان زي هالمرة وحصلت مشادات وزعلنا من بعض واقصد انا زعلت من زوجي واهلي وكل اللي عندنا ، احنا خرجنا نستمتع والا نجلس في البيت
ومرة الاايام زي الكابوس وقلت لهم في اليوم الثاني يالله نرجع خلاص طفشت وطول الخط وانا زعلانه من اهلي ومن حظي
ولما رجعنا البيت قلت له : ثاني مره نروح لوحدنا مانبغي احد معنا
وهو يقولي : لا .... لازم احد يروح معنا
تخيلوا المطعم لو بنروح يقولي استني اختي وزوجها لما يجون ونخرج كلنا.....
وياما زعلت وياما عصبت بخصوص اني ماعمري خرجت معه لوحدنا
المهم مرة الايام وصارلي متزوجه سنه ومازال ماعندنا سيارة وبعد الزن عليه اشتري سيارة ماعمري حلمت فيها موديل هالسنه وفرحت وقلت : اخيرا نخرج لوحدنا ، ونروح لوحدنا ، ونتمشي لوحدنا ولكن ..... يافرحه ماتمت
كل ماقلت نخرج نتمشي قلي : ناخذ امي معنا او انتظري لين تجي اختي او اي عذر علشان مانخرج سواء
وكل ماشفت او سمعت ان في اثنين رايحين يتمشوا لوحدهم والله اتمني يكون زوجي زي زوجها حت لما نروح زيارة لاهلي نروح الظهر والعصر راجعين من جد ماهي حاله
في البدايه كان يتحجج ان ماعندنا سيارة ملك والان مدري اش قصته
اخرها اخوه متزوج جديد وسافر برا المملكه 10 ايام ولا اخذ احد معه ولما اقوله ابي نغير جو ، انكتمت يقولي : انتظري لين اخوي وزوجته يجون واوديكي البر
وصار مواعدني يوديني من شهر شعبان اللي راح وكل مره ياجل وانا عارفه يبغي لما كلنا نروح واخر مره البارح قلت له : ليه مانخرج زي الناس لوحدنا ؟؟؟
قلي : الخميس نروح البحر من ظهر والعصر نرجع بس لازم اهلي واهلك يروحون معنا
من جد حاله ماعمري شفت زيه ، الرجال مايصدقوا يخرجوا مع زوجاتهم لوحدهم الا هذا
يارب اش اعمل طفشت وزهقت ومليت ، ويمكن اخوي المتزوج يروح لدبي قبل رمضان وقلي تروحوا معنا وكلمت زوجي وقلي : انا ماابي اروح وانتي كمان ماتروحي؟
قلت له : انا رايحه باذن واحد احد ومدام انته مابتوديني اروح مع اخوي مو حاله
ليه تقريبا اسبوع احاول فيه نخرج نغير جو وهو رافض ياناس وجماعه يروحون معنا والا انطق في البيت
03-06-2012, 04:52 AM
ضايقه فيني الدنيا ولاحد حاس بيه ؟؟
بنت مكه20 
جديد منتدى منتدى الحياة الأسرية والزوجية
العرض العادي
