لغير الحامل ادخلي

[بنت مكه20]

السلام عليكم ورحمة الله وبركاته



الحمدلله على قضاء الله وقدرة والحمدلله في كل حال
حبيت افتح هالموضوع لنخفف عن بعض ونحكي الامنا ونحاول نسمع اراء الاخرين
والكلام اللي دائم نسمعه علشان ماحملنا سواء من ازواجنا او اهلنا او اصدقاءنا او اقاربنا او حتى غرباء سواء مزح او جد
من جد محد يحس بالقهر اللي من عايش فيه وراح ابداء مع نفسي
انا اخوي تزوج من سنتين ومن اول 4 شهور حملت زوجته وجابت احلى ولد في وجهة نظري والله الشاهد اني احبه اكثر من نفسي والان هي حامل ولكن انا احب اول واحد لانه احسه زي ولدي
لانها لما بتولد اختارت مستشفي خاص وكانت فلوسه مو متوفره عند اخوي فاستلف منى وعلشان كذا احسه ولدي مو ولدهم

وانا الان متزوجه ماخلصت سنه ولكن لما اروح زيارة لاهلي ونتجمع نتكلم من باب المزح
تقولي : انا انتج مو زيك ماانتجتي لحد الان ؟
صح يمكن مزح بس شئ يقهرك وودك تعملي اي شئ علشان تصيؤي زيها بس كله بامر الله
وانا ارد عليها : لسى انا عروسه ماكهلت وعجزت زيك


فحبيت في هالموضوع نتكلم ونقول عن اللي جارحنا من احد


وفي الختام

حبيت اسال اذا احد حلم انك حامل اش معناه
لان شخص عزيز على قلبي واحبه بعد امي وابوي الله يرحمه حلم اني حامل من تقريبا 4 شهور

[فولة]

اللة يرقني وياك يارب العالمين
صدق حاجة تضايق بس الحمدللة على قضاء اللة وقدرة

[Rancy]

سبحان الله الحال واحد انا تزوجت وبعدي
2 اخواتي تزوجوا
وحده بعدي باسبوعين ..وحده بشهر ونص
كلنا حملنا بشوال ,, وآنا اجهضت بالحج ..
ودحين ولدوا ,,
وحده جابت بنت
والثانيه ولد
والله مو حسد هذولا خواتي بس اتذكر يوم باركنا لبعض بالحمل
وانا خسرت حملي وهم الان يشوفون اولادهم ..
وعماتي يقول لي انتي رسبتي بالاختبار لاني اجهضت
والله الذي لا اله الا هو ابكي مثل الطفل .. لكن الحمدلله ..
ودي احمل حمل تام وافرح بشوفة طفلي ..
الله يرزقك ويرزقني بالحمل يارب عاجلاً غير اجلاً

[بنت مكه20]

الله يرزقنا من اوسع ابوابه

[حلم الامومة]

حنا ثلاث نسايب تزوجنا بنفس الشهور ثنتين حملو وانا بعدي لي سنتين كل شهر ادعي يارب ماتجي واطلع حامل الله يعطينا مانتمنى وكلنا نسمع مثل هالكلام الي يقطع القلب حسبت بس لحالي

[عاشقة طيور الجنه]

الحمدلله على كل حال

انا زيكم جلست 7 سنوات وحملت خلالها 4 مرات واجهضت

مره كنت اسولف مع اخت زوجي وقلت لو الله رزقني بولد بسميه كذا ............

قالت وهي تضحك بحمل قدامك وبسميه

حسيت بغصه بس شكيت امري لله

حملت هي ولمن جالها 7 شهور ماتت البنت ببطنها

وكانت كل مره ازورها فيها تتكلم عن الحمل وانه يتعب ومدري ايش


والحين الحمدلله ان شاء الله ربي عوضني خير وربي يتمملي على خير

ربي يرزقكم

[sweet moon]

الله يرزقكم من واسع فضله

وكل تاخيره فيها خيره يابنات

ولا تظهرون ضعفكم قدام الناس

واللي تجيب لك كلمه تقهرك ردي عليها بكلمه اقوى

لاتبكين وتضعفين هاذا شي بقدره الله

والله يجبر قلوبكم ويرزقكم الذريه الصالحه

[um-yazan]

سبحان الله
الله كريم يسر خاطرنا
والله الكلام بيجرح بس حسبنا الله ونعم الوكيل و الحمد لله على كل حال
اللهم يا كريم اكرمنا بالحمل يا رب

[((ام ليان))]

اللهم يرزق كل محرومة يارب الله بلغهم بمولود كما بلغت زكريا
اللهم يا سامع الصوت ويا سابق الفوت وياكاسيا العظام لحم بعد الموت انك ترزق كل وحده تبغى الحمل وفرحهم بذرية صالحة يارب العالمين
اللهم قلت وقولك الحق ادعوني استجب لكم اللهم هذا الدعاء ومنك الاجابة
يا ارحم الراحمين

[بنت مكه20]

المشكلة اذا كانوا غالين عندك وماتقدري تزعليهم
احيان الطيبة الزائده تستخدم ضدك
انا اليوم انتهيت من الدورة اش تنصحوني